ਆਰਬੀਆਈ ਦੁਆਰਾ ਪੇਟੀਐਮ ਪੈਮੈਂਟਸ ਬੈਂਕ ਲਿਮਟਡ (PPBL) 'ਤੇ ਲਗਾਈਆਂ ਗਈਆਂ ਟ੍ਰਾਂਜੈਕਸ਼ਨ ਪਾਬੰਦੀਆਂ ਕਾਰਨ ਕੰਪਨੀ ਦਾ ਘਾਟਾ ਵਧਿਆ ਹੈ।

Paytm News: ਡਿਜੀਟਲ ਭੁਗਤਾਨ ਪਲੇਟਫਾਰਮ ਪੇਟੀਐਮ ਦੀ ਮੂਲ ਕੰਪਨੀ ਵਨ97 ਕੰਮਿਊਨੀਕੇਸ਼ਨਸ ਦਾ ਘਾਟਾ ਜਨਵਰੀ-ਮਾਰਚ 2024 ਤਿਮਾਹੀ 'ਚ ਵਧ ਕੇ 550 ਕਰੋੜ ਰੁਪਏ ਹੋ ਗਿਆ ਹੈ। ਆਰਬੀਆਈ ਦੁਆਰਾ ਪੇਟੀਐਮ ਪੈਮੈਂਟਸ ਬੈਂਕ ਲਿਮਟਡ (PPBL) 'ਤੇ ਲਗਾਈਆਂ ਗਈਆਂ ਟ੍ਰਾਂਜੈਕਸ਼ਨ ਪਾਬੰਦੀਆਂ ਕਾਰਨ ਕੰਪਨੀ ਦਾ ਘਾਟਾ ਵਧਿਆ ਹੈ।

ਪਿਛਲੇ ਸਾਲ ਦੀ ਇਸੇ ਮਿਆਦ 'ਚ ਕੰਪਨੀ ਨੂੰ 167.5 ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ ਸੀ। ਪੇਟੀਐਮ ਨੇ ਇਕ ਬਿਆਨ ਵਿਚ ਕਿਹਾ ਕਿ ਯੂਪੀਆਈ ਲੈਣ-ਦੇਣ ਆਦਿ ਵਿਚ ਅਸਥਾਈ ਰੁਕਾਵਟ ਅਤੇ ਪੇਟੀਐਮ ਪੈਮੈਂਟਸ ਬੈਂਕ ਲਿਮਟਡ ਵਿਚ ਸਥਾਈ ਵਿਘਨ ਕਾਰਨ ਵਿੱਤੀ ਸਾਲ 2023-24 ਦੀ ਚੌਥੀ ਤਿਮਾਹੀ ਵਿੱਚ ਵਿੱਤੀ ਨਤੀਜੇ ਪ੍ਰਭਾਵਿਤ ਹੋਏ ਹਨ।

ਪਿਛਲੀ ਤਿਮਾਹੀ 'ਚ ਕੰਪਨੀ ਦਾ ਕੁੱਲ ਮਾਲੀਆ ਤਿੰਨ ਫ਼ੀ ਸਦੀ ਘੱਟ ਕੇ 2,267 ਕਰੋੜ ਰੁਪਏ ਰਹਿ ਗਿਆ। ਇਸ ਤਿਮਾਹੀ ਦੌਰਾਨ, ਕੰਪਨੀ ਨੇ ਪੇਟੀਐਮ ਪੈਮੈਂਟਸ ਬੈਂਕ ਲਿਮਟਡ ਵਿਚ ਨਿਵੇਸ਼ ਕੀਤੇ 227 ਕਰੋੜ ਰੁਪਏ ਨੂੰ ਰਾਈਟ ਆਫ ਕਰ ਦਿਤਾ ਹੈ। ਪੇਟੀਐਮ ਪੈਮੈਂਟਸ ਬੈਂਕ ਲਿਮਟਡ 'ਤੇ ਪਾਬੰਦੀਆਂ ਦਾ ਅਸਲ ਪ੍ਰਭਾਵ ਚਾਲੂ ਵਿੱਤੀ ਸਾਲ ਦੀ ਪਹਿਲੀ ਤਿਮਾਹੀ 'ਚ ਪਤਾ ਲੱਗੇਗਾ।

(For more Punjabi news apart from Paytm Q4 consolidated net loss widens to 550 crore, stay tuned to Rozana Spokesman)