1 ਜੁਲਾਈ ਤੋਂ ਤੁਹਾਡੀ ਜ਼ਿੰਦਗੀ ਵਿਚ ਕਈ ਵੱਡੇ ਬਦਲਾਅ ਹੋਣ ਵਾਲੇ ਹਨ, ਜਿਨ੍ਹਾਂ ਦਾ ਤੁਹਾਡੀ ਜੇਬ ਅਤੇ ਜ਼ਿੰਦਗੀ 'ਤੇ ਸਿੱਧਾ ਅਸਰ ਹੋਵੇਗਾ।
ਨਵੀਂ ਦਿੱਲੀ : 1 ਜੁਲਾਈ ਤੋਂ ਤੁਹਾਡੀ ਜ਼ਿੰਦਗੀ ਵਿਚ ਕਈ ਵੱਡੇ ਬਦਲਾਅ ਹੋਣ ਵਾਲੇ ਹਨ, ਜਿਨ੍ਹਾਂ ਦਾ ਤੁਹਾਡੀ ਜੇਬ ਅਤੇ ਜ਼ਿੰਦਗੀ 'ਤੇ ਸਿੱਧਾ ਅਸਰ ਹੋਵੇਗਾ। ਇਹ ਬਦਲਾਅ ਬੈਂਕ, ਰਸੋਈ ਗੈਸ ਅਤੇ ਰੋਜ ਦੀ ਜ਼ਿੰਦਗੀ ਨਾਲ ਜੁੜੇ ਹੋਏ ਹਨ। RBI ਦੇ ਵੱਲੋਂ ਆਨਲਾਈਨ ਪੈਸਿਆਂ ਦੇ ਲੈਣ ਦੇਣ ਨਾਲ ਜੁੜਿਆ ਨਵਾਂ ਨਿਯਮ ਲਾਗੂ ਹੋ ਜਾਵੇਗਾ। ਉਥੇ ਹੀ, ਰਸੋਈ ਗੈਸ ਦੀਆਂ ਕੀਮਤਾਂ ਤੈਅ ਹੋਣਗੀਆਂ, ਨਾਲ ਹੀ ਛੋਟੀ ਬਚਤ ਯੋਜਨਾਵਾਂ ਦੀਆਂ ਨਵੀਂਆਂ ਦਰਾਂ ਲਾਗੂ ਹੋਣਗੀਆਂ। ਮੰਨਿਆ ਜਾ ਰਿਹਾ ਹੈ ਕਿ ਵਿਆਜ ਦਰਾਂ ਘੱਟ ਸਕਦੀਆਂ ਹਨ। ਅਜਿਹੇ ਵਿਚ ਤੁਹਾਡੀ ਜਮ੍ਹਾਂ ਰਾਸ਼ੀ 'ਤੇ ਮੁਨਾਫਾ ਘੱਟ ਜਾਵੇਗਾ।
RTGS & NEFT ਨੂੰ ਲੈ ਕੇ ਬਦਲਿਆਂ ਵੱਡਾ ਨਿਯਮ : ਡਿਜ਼ੀਟਲ ਟਰਾਂਜੈਕਸ਼ਨ ਨੂੰ ਵਧਾਵਾ ਦੇਣ ਲਈ ਭਾਰਤੀ ਰਿਜ਼ਰਵ ਬੈਂਕ ਨੇ ਆਰਟੀਜੀਐਸ ਅਤੇ ਐਨਈਐਫਟੀ ਚਾਰਜ ਖ਼ਤਮ ਕਰ ਦਿੱਤੇ ਹਨ। RBI ਨੇ ਪੈਸਾ ਟਰਾਂਸਫਰ ਕਰਨ ਦੀ ਫ਼ੀਸ 1 ਜੁਲਾਈ ਤੋਂ ਖ਼ਤਮ ਕਰਨ ਦੀ ਘੋਸ਼ਣਾ ਕੀਤੀ ਹੈ। ਕੇਂਦਰੀ ਬੈਂਕ ਨੇ ਬੈਂਕਾਂ ਨੂੰ ਕਿਹਾ ਹੈ ਕਿ ਉਹ ਮੁਨਾਫ਼ਾ ਉਸੀ ਦਿਨ ਤੋਂ ਆਪਣੇ ਗ੍ਰਾਹਕਾਂ ਨੂੰ ਦੇਣ। ਆਰਟੀਜੀਐਸ (RTGS) ਵੱਲੋਂ ਵੱਡੀ ਰਾਸ਼ੀਆਂ ਨੂੰ ਇਕ ਖਾਤੇ ਤੋਂ ਦੂਜੇ ਖਾਤੇ ਵਿਚ ਤੁਰੰਤ ਟਰਾਂਸਫਰ ਕਰਨ ਦੀ ਸਹੂਲਤ ਹੈ। ਇਸੇ ਤਰ੍ਹਾਂ ਐਨਈਐਫਟੀ ਦੇ ਜ਼ਰੀਏ ਦੋ ਲੱਖ ਰੁਪਏ ਤੱਕ ਤੁਰੰਤ ਟਰਾਂਸਫਰ ਕੀਤੇ ਜਾ ਸਕਦੇ ਹਨ।
Financial changes implement from 1st july
ਦੇਸ਼ ਦਾ ਸਭ ਤੋਂ ਵੱਡਾ ਬੈਂਕ ਭਾਰਤੀ ਸਟੇਟ ਬੈਂਕ ਐਨਈਐਫਟੀ ਦੇ ਜ਼ਰੀਏ ਮਨੀ ਟਰਾਂਸਫਰ ਲਈ 1 ਰੁਪਏ ਤੋਂ 5 ਰੁਪਏ ਦਾ ਚਾਰਜ ਲੈਂਦਾ ਹੈ। ਉਥੇ ਹੀ , ਆਰਟੀਜੀਐਸ ਦੇ ਜ਼ਰੀਏ ਪੈਸਾ ਟਰਾਂਸਫਰ ਕਰਨ ਲਈ 5 ਤੋਂ 50 ਰੁਪਏ ਦਾ ਚਾਰਜ ਲੈਂਦਾ ਹੈ। ਭਾਰਤੀ ਰਿਜ਼ਰਵ ਬੈਂਕ ਨੇ ਆਰਟੀਜੀਐਸ ਅਤੇ ਐਨਈਐਫਟੀ ਪ੍ਰਣਾਲੀ ਦੇ ਜ਼ਰੀਏ ਉਸਦੇ ਦੁਆਰਾ ਮੈਂਬਰ ਬੈਂਕਾਂ 'ਤੇ ਲਗਾਈ ਜਾਣ ਵਾਲੀ ਵੱਖਰੀ ਫ਼ੀਸ ਦੀ ਸਮੀਖਿਆ ਕੀਤੀ ਹੈ।
ਮਹਿੰਗਾ ਹੋ ਸਕਦਾ ਹੈ ਰਸੋਈ ਗੈਸ ਸਿਲੰਡਰ - ਹਰ ਮਹੀਨੇ ਦੀ ਤਰ੍ਹਾਂ 1 ਜੁਲਾਈ ਤੋਂ ਰਸੋਈ ਗੈਸ ਸਿਲੰਡਰ ਦੀਆਂ ਨਵੀਆਂ ਕੀਮਤਾਂ ਜਾਰੀ ਹੋਣਗੀਆਂ। ਇਸ ਤੋਂ ਪਹਿਲਾਂ 1 ਜੂਨ ਨੂੰ ਰਸੋਈ ਗੈਸ ਦੀਆਂ ਕੀਮਤਾਂ ਵਿਚ ਵਾਧਾ ਹੋਇਆ ਸੀ।
financial changes implement from 1st july
ਰਿਜ਼ਰਵ ਬੈਂਕ (RBI) ਨੇ ਬੇਸਿਕ ਸੇਵਿੰਗ ਅਕਾਊਂਟ ਦੇ ਮਾਮਲੇ ਵਿਚ ਨਿਯਮਾਂ ਨੂੰ ਆਸਾਨ ਕਰ ਦਿੱਤਾ ਹੈ। ਅਜਿਹੇ ਖਾਤਾਧਾਰਕਾਂ ਨੂੰ ਚੈੱਕ ਬੁੱਕ ਅਤੇ ਹੋਰ ਸੁਵਿਧਾਵਾਂ ਉਪਲਬਧ ਕਰਾਈਆਂ ਜਾ ਸਕਣਗੀਆਂ, ਹਾਲਾਂਕਿ ਬੈਂਕ ਇਨ੍ਹਾਂ ਸਹੂਲਤਾਂ ਲਈ ਖਾਤਾਧਾਰਕਾਂ ਨੂੰ ਘੱਟੋ-ਘੱਟ ਰਾਸ਼ੀ ਰੱਖਣ ਲਈ ਨਹੀਂ ਕਹਿ ਸਕਦੇ। ਇਹ ਨਵੇਂ ਨਿਯਮ 1 ਜੁਲਾਈ ਤੋਂ ਲਾਗੂ ਹੋਣਗੇ।
1 ਜੁਲਾਈ ਤੋਂ ਆਮ ਲੋਕਾਂ ਨੂੰ ਝਟਕਾ ! ਬਚਤ ਯੋਜਨਾਵਾਂ ਦੇ ਵਿਆਜ 'ਤੇ ਚੱਲੇਗੀ ਕੈਂਚੀ - ਜੇਕਰ ਤੁਸੀ ਪਬਲਿਕ ਪ੍ਰੋਵੀਡੈਂਟ ਫੰਡ (PPF) , ਸੁਕੰਨਿਆ ਯੋਜਨਾ ਜਾਂ ਫਿਰ ਨੈਸ਼ਨਲ ਸੇਵਿੰਗ ਸਕੀਮ (NSC) ਦੇ ਤਹਿਤ ਨਿਵੇਸ਼ ਕਰਦੇ ਹੋ ਤਾਂ ਤੁਹਾਨੂੰ ਜੁਲਾਈ ਤੋਂ ਵੱਡਾ ਝਟਕਾ ਲੱਗ ਸਕਦਾ ਹੈ। ਦਰਅਸਲ ਮੋਦੀ ਸਰਕਾਰ ਸੇਵਿੰਗਸ ਸਕੀਮ 'ਤੇ ਵਿਆਜ਼ ਦਰ ਵਿਚ ਕਟੌਤੀ ਕਰਨ ਦੀ ਤਿਆਰੀ ਵਿਚ ਹੈ। ਸਰਕਾਰ ਜ਼ਲਦ ਹੀ ਇਸਨੂੰ ਲੈ ਕੇ ਨੋਟੀਫਿਕੇਸ਼ਨ ਜਾਰੀ ਕਰ ਸਕਦੀ ਹੈ।
Financial changes implement from 1st july
1 ਜੁਲਾਈ ਤੋਂ ਬਦਲ ਜਾਵੇਗਾ SBI ਦਾ ਨਿਯਮ : 42 ਕਰੋੜ ਗ੍ਰਾਹਕਾਂ 'ਤੇ ਪਵੇਗਾ ਅਸਰ - ਐਸਬੀਆਈ ਵਲੋਂ ਕਿਹਾ ਗਿਆ ਹੈ ਕਿ 1 ਜੁਲਾਈ ਤੋਂ ਰੇਪੋ ਰੇਟ ਨਾਲ ਜੁੜੇ ਹੋਮ ਲੋਨ ਦੇ ਆਫਰ ਕੀਤੇ ਜਾਣਗੇ। ਇਸਦਾ ਮਤਲਬ ਇਹ ਹੋਇਆ ਕਿ ਅਗਲੇ ਮਹੀਨੇ ਤੋਂ ਐਸਬੀਆਈ ਦੀ ਹੋਮ ਲੋਨ ਦੀ ਵਿਆਜ ਦਰ ਪੂਰੀ ਤਰ੍ਹਾਂ ਰੇਪੋ ਰੇਟ 'ਤੇ ਆਧਾਰਿਤ ਹੋ ਜਾਵੇਗੀ। ਜੇਕਰ ਇਸਨੂੰ ਆਸਾਨ ਭਾਸ਼ਾ ਵਿਚ ਸਮਝੀਏ ਤਾਂ ਰਿਜ਼ਰਵ ਤੋਂ ਜਦੋਂ - ਜਦੋਂ ਰੇਪੋ ਰੇਟ ਵਿਚ ਬਦਲਾਅ ਕਰੇਗਾ ਉਸੀ ਆਧਾਰ 'ਤੇ ਐਸਬੀਆਈ ਦੇ ਹੋਮ ਲੋਨ ਦੀ ਵਿਆਜ਼ ਦਰ ਵੀ ਤੈਅ ਹੋਵੇਗੀ।
Financial changes implement from 1st july
1 ਜੁਲਾਈ ਤੋਂ 36 000 ਤੱਕ ਮਹਿੰਗੀ ਹੋ ਜਾਣਗੀਆਂ ਮਹਿੰਦਰਾ ਕਾਰਾਂ, ਜਾਣੋ ਵਜ੍ਹਾ - ਆਟੋਮੋਬਾਇਲ ਕੰਪਨੀ ਮਹਿੰਦਰਾ ਐਂਡ ਮਹਿੰਦਰਾ ਨੇ ਆਪਣੇ ਪੈਸੇਂਜਰ ਵਹੀਕਲਸ ਦੀ ਕੀਮਤ ਵਿਚ 36000 ਰੁਪਏ ਤੱਕ ਦਾ ਵਾਧਾ ਕਰਨ ਦਾ ਫੈਸਲਾ ਕੀਤਾ ਹੈ। ਮਹਿੰਦਰਾ ਦੇ ਵਾਹਨਾਂ 'ਤੇ 1 ਜੁਲਾਈ ਤੋਂ ਨਵੀਂ ਕੀਮਤ ਲਾਗੂ ਹੋਵੇਗੀ। ਕੰਪਨੀ ਦੇ ਇਸ ਫੈਸਲੇ ਤੋਂ ਬਾਅਦ ਮਹਿੰਦਰਾ ਸਕਾਰਪੀਓ, ਬੈਲੇਰੋ, ਐਕਸਯੂਵੀ500 ਵਰਗੀਆਂ ਕਾਰਾਂ ਮਹਿੰਗੀਆਂ ਹੋ ਜਾਣਗੀਆਂ।
Financial changes implement from 1st july
ਮਹਿੰਦਰਾ ਨੇ ਸ਼ੇਅਰ ਬਾਜ਼ਾਰ ਨੂੰ ਦਿੱਤੀ ਸੂਚਨਾ ਵਿਚ ਕਿਹਾ, ਭਾਰਤ ਵਿਚ ਸਾਰੇ ਯਾਤਰੀ ਵਾਹਨਾਂ ਵਿਚ 145 ਸੁਰੱਖਿਆ ਪੈਮਾਨਾ ਲਾਗੂ ਹੋਣ ਨਾਲ ਇਹ ਵਾਧਾ ਕੀਤਾ ਜਾ ਰਿਹਾ ਹੈ। ਕੰਪਨੀ ਨੇ ਕਿਹਾ ਕਿ ਉਹ ਸਕਾਰਪੀਓ,ਬੈਲੇਰੋ , ਟੀਯੂਵੀ 300 ਅਤੇ ਕੇਯੂਵੀ 100 ਨੈਕਸਟ ਦੀਆਂ ਕੀਮਤਾਂ ਵਿਚ ਥੋੜ੍ਹਾ ਜ਼ਿਆਦਾ ਅਤੇ ਐਕਸੀਯੂਵੀ 500 ਅਤੇ ਮਾਰਾਜੋ ਦੀਆ ਕੀਮਤਾਂ ਵਿਚ ਮਾਮੂਲੀ ਵਾਧਾ ਕੀਤਾ ਜਾਵੇਗਾ। ਮਹਿੰਦਰਾ ਨੇ ਕਿਹਾ ਕਿ ਏਆਈਐਸ 145 ਸੁਰੱਖਿਆ ਨਿਯਮ ਵਾਹਨ ਵਿਚ ਕੁਝ ਸੁਰੱਖਿਆ ਫੀਚਰਸ ਲਗਾਉਣ ਨੂੰ ਲਾਜ਼ਮੀ ਬਣਾਉਂਦੇ ਹੈ।
