ਅਲਟ੍ਰਾਟੈੱਕ ਦੇ ਉਤਪਾਦਨ 'ਚ ਸਾਲ ਭਰ 21 ਫ਼ੀ ਸਦੀ ਦਾ ਵਾਧਾ ਹੋਇਆ
ਮੁੰਬਈ : ਪਿਛਲੇ ਵਿੱਤੀ ਸਾਲ ਦੌਰਾਨ ਸਮਿੰਟ ਉਦਯੋਗ ਨੇ 9 ਸਾਲ ਦੇ ਅੰਤਰਾਲ ਬਾਅਦ ਪਹਿਲੀ ਵਾਰ ਸਾਲ ਭਰ ਦੋ ਅੰਕਾਂ ਦਾ ਵਾਧਾ ਦਰਜ ਕੀਤਾ ਕਿਉਂਕਿ ਸਰਕਾਰੀ ਯੋਜਨਾਵਾਂ ਕਾਰਨ ਪੇਂਡੂ ਨਿਵਾਸ ਦੀ ਮੰਗ ਨੂੰ ਰਫ਼ਤਾਰ ਮਿਲੀ ਹੈ। ਸੀਮੈਂਟ ਨਿਰਮਾਤਾਵਾਂ ਦਾ ਕਹਿਣਾ ਹੈ ਕਿ ਇਸ ਮੰਗ ਨਾਲ ਮੰਗ-ਪੂਰਤੀ ਦੇ ਫਰਕ ਨੂੰ ਘੱਟ ਕਰਨ 'ਚ ਸਹਾਇਤਾ ਮਿਲੀ ਹੈ। ਕੰਪਨੀਆਂ ਅਤੇ ਰੇਟਿੰਗ ਏਜੰਸੀਆਂ ਨੇ 2018-19 'ਚ ਸਮਿੰਟ ਵਿਕਰੀ ਵਾਧਾ 12 ਤੋਂ 13 ਫ਼ੀ ਸਦੀ ਦੇ ਦਾਇਰੇ ਵਿਚ ਰਖਿਆ ਹੈ।
Cement
ਦੇਸ਼ ਦੀ ਸਮਿੰਟ ਨਿਰਮਾਤਾ ਕੰਪਨੀ ਅਲਟ੍ਰਾਟੈੱਕ ਨੇ ਦਸਿਆ ਕਿ ਉਦਯੋਗ ਨੇ ਪੂਰੇ ਸਾਲ ਦੌਰਾਨ ਦੋ ਅੰਕਾਂ ਦੇ ਵਿਕਰੀ ਵਾਧੇ ਨਾਲ ਬਿਹਤਰ ਪ੍ਰਦਰਸ਼ਨ ਕੀਤਾ ਹੈ। ਵਿੱਤੀ ਸਾਲ 10 ਦੇ ਬਾਅਦ ਤੋਂ ਅਜਿਹਾ ਪਹਿਲੀ ਵਾਰ ਹੋਇਆ ਹੈ। ਸਿਰਫ ਅਲਟ੍ਰਾਟੈੱਕ ਦੇ ਉਤਪਾਦਨ 'ਚ ਸਾਲ ਭਰ 21 ਫ਼ੀ ਸਦੀ ਦਾ ਵਾਧਾ ਹੋਇਆ ਜਿਹੜਾ ਕਿ ਉਦਯੋਗ ਦੀ ਔਸਤ ਤੋਂ ਜ਼ਿਆਦਾ ਹੈ। ਮੌਜੂਦਾ ਵਿੱਤੀ ਸਾਲ 'ਚ ਇਹ ਰੁਖ ਜਾਰੀ ਰਹਿਣ ਦੀ ਉਮੀਦ ਨਹੀਂ ਹੈ।
Cement
ਵਿਸ਼ਲੇਸ਼ਕਾਂ ਅਤੇ ਸੀਮੈਂਟ ਨਿਰਮਾਤਾਵਾਂ ਦਾ ਕਹਿਣਾ ਹੈ ਕਿ ਅਪ੍ਰੈਲ-ਮਈ 2019 ਦੀ ਮੰਗ ਕਮਜ਼ੋਰ ਰਹੀ ਹੈ। ਵਿੱਤੀ ਸਾਲ ਦੀ ਪਹਿਲੀ ਤਿਮਾਹੀ ਆਮਤੌਰ 'ਤੇ ਸੀਮੈਂਟ ਖੇਤਰ ਲਈ ਮਜ਼ਬੂਤ ਮੰਗ ਵਾਲੀ ਮਿਆਦ ਹੁੰਦੀ ਹੈ। ਹਾਲਾਂਕਿ ਲੋਕ ਸਭਾ ਚੋਣਾਂ ਅਤੇ ਚੋਣ ਜ਼ਾਬਤੇ ਨੇ ਨਿਰਮਾਣ ਗਤੀਵਿਧੀਆਂ ਦੀ ਰਫ਼ਤਾਰ ਨੂੰ ਹੌਲਾ ਕੀਤਾ ਜਿਸ ਕਾਰਨ ਮੰਗ 'ਚ ਨਰਮੀ ਰਹੀ। ਇਕਰਾ ਦੇ ਗੁਰੱਪ ਹੈੱਡ ਸਵਯਸਾਚੀ ਮਜੂਮਦਾਰ ਨੂੰ ਉਮੀਦ ਹੈ ਕਿ ਚਾਲੂ ਵਿੱਤੀ ਸਾਲ ੱਚ ਸਮਿੰਟ ਦੀ ਵਿਕਰੀ 'ਚ 7-8 ਫ਼ੀ ਸਦੀ ਦਾ ਵਾਧਾ ਹੋ ਸਕਦਾ ਹੈ।
