Chandigarh News: ਟ੍ਰੈਫਿਕ ਪੁਲਿਸ ਨੇ ਐਕਟਿਵਾ ਵੀ ਕੀਤੀ ਜ਼ਬਤ
Activa cheater arrested with 151 invoices of 332 violations in 2 years Chandigarh News in punjabi : ਟ੍ਰੈਫਿਕ ਨਿਯਮਾਂ ਦੀ 332 ਵਾਰ ਉਲੰਘਣਾ ਕਰਨ ਵਾਲੇ ਮਨੀਮਾਜਰਾ ਨਿਵਾਸੀ ਗੁਰਿੰਦਰ ਸਿੰਘ ਸੈਣੀ ਦੇ ਦੋ ਸਾਲਾਂ ਵਿਚ 151 ਚਲਾਨ ਹੋਏ ਹਨ। ਹਾਲ ਹੀ 'ਚ ਜਦੋਂ ਉਹ ਚਲਾਨ ਭਰਨ ਗਿਆ ਤਾਂ ਇੰਨੀ ਵੱਡੀ ਗਿਣਤੀ 'ਚ ਚਲਾਨ ਕੱਟਣ ਦਾ ਪਤਾ ਲੱਗਾ। ਇਸ ਤੋਂ ਬਾਅਦ ਉਸ ਨੇ ਦੁਰਵਿਵਹਾਰ ਕੀਤਾ ਅਤੇ ਨਾਇਬ ਕੋਰਟ ਤੋਂ ਭੱਜ ਗਿਆ। ਜੱਜ ਨੇ ਉਸ ਖਿਲਾਫ਼ ਗੈਰ-ਜ਼ਮਾਨਤੀ ਵਾਰੰਟ ਜਾਰੀ ਕੀਤੇ ਸਨ। ਹੁਣ ਪੁਲਿਸ ਨੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।
ਇਹ ਵੀ ਪੜ੍ਹੋ: Chandigarh News: ਅਦਾਲਤਾਂ ਦਾ ਕੰਮ ਪੰਜਾਬੀ ’ਚ ਕਰਨ ਲਈ ਪੰਜਾਬ ਸਰਕਾਰ ਸਹਿਮਤ ਪਰ ਬੁਨਿਯਾਦੀ ਢਾਂਚੇ ਬਾਰੇ ਚੁੱਪ
ਉਸ ਦੀ ਸੈਕਿੰਡ ਹੈਂਡ ਐਕਟਿਵਾ ਟ੍ਰੈਫਿਕ ਪੁਲਿਸ ਦੇ ਕਬਜ਼ੇ ਵਿਚ ਹੈ, ਜਿਸ ਨੂੰ ਛੁਡਵਾਉਣ ਲਈ ਉਸ ਨੂੰ ਕਰੀਬ 2.25 ਲੱਖ ਰੁਪਏ ਦਾ ਚਲਾਨ ਦਾ ਭੁਗਤਾਨ ਕਰਨਾ ਪੈਣਾ ਹੈ। ਉਸ ਦੇ 90 ਫੀਸਦੀ ਟ੍ਰੈਫਿਕ ਉਲੰਘਣਾ ਲਾਲ ਬੱਤੀ ਜੰਪਿੰਗ ਦੇ ਹਨ। ਬੀਤੇ ਸ਼ੁੱਕਰਵਾਰ ਗੁਰਿੰਦਰ ਪਹਿਲੀ ਵਾਰ ਹੱਥੀਂ ਕੱਟੇ ਹੈਲਮੇਟ ਦਾ ਚਲਾਨ ਪੇਸ਼ ਕਰਨ ਲਈ ਚੀਫ਼ ਜੁਡੀਸ਼ੀਅਲ ਮੈਜਿਸਟਰੇਟ ਡਾ. ਅਮਨਿੰਦਰ ਸਿੰਘ ਸੰਧੂ ਦੀ ਅਦਾਲਤ ਵਿਚ ਗਿਆ ਸੀ।
ਇਹ ਵੀ ਪੜ੍ਹੋ: Farmer Protest: ਤਿੰਨ ਕੇਂਦਰੀ ਮੰਤਰੀ ਅੱਜ ਮੁੜ ਅੰਦੋਲਨਕਾਰੀ ਕਿਸਾਨ ਆਗੂਆਂ ਨਾਲ ਚੰਡੀਗੜ੍ਹ ਪਹੁੰਚ ਕੇ ਕਰਨਗੇ ਗੱਲਬਾਤ
ਉਸ ਨੇ ਜੱਜ ਨੂੰ ਕਿਹਾ ਕਿ ਗਲਤੀ ਪਹਿਲੀ ਵਾਰ ਹੋਈ ਹੈ, ਇਸ ਲਈ 2000 ਰੁਪਏ ਦਾ ਜੁਰਮਾਨਾ ਘਟਾਇਆ ਜਾਵੇ ਪਰ ਜਦੋਂ ਉਸ ਦੀ ਐਕਟਿਵਾ ਦੀ ਡਿਟੇਲ ਕੱਢੀ ਗਈ ਤਾਂ 151 ਚਲਾਨ ਨਿਕਲੇ। ਜੱਜ ਨੇ ਤੁਰੰਤ ਐਕਟਿਵਾ ਜ਼ਬਤ ਕਰਨ ਦੇ ਨਿਰਦੇਸ਼ ਦਿੱਤੇ। ਸਟਾਫ ਨੇ ਉਥੇ ਹੀ ਗੁਰਿੰਦਰ ਤੋਂ ਐਕਟਿਵਾ ਦੀ ਚਾਬੀ ਲੈ ਲਈ। ਇਸ ਤੋਂ ਬਾਅਦ ਉਸ ਨੇ ਨਾਇਬ ਕੋਰਟ ਨਾਲ ਬਹਿਸ ਕਰਨੀ ਸ਼ੁਰੂ ਕਰ ਦਿੱਤੀ ਅਤੇ ਦੁਰਵਿਵਹਾਰ ਕੀਤਾ ਅਤੇ ਬਿਨਾਂ ਪੈਸੇ ਦਿੱਤੇ ਅਦਾਲਤ ਤੋਂ ਭੱਜ ਗਿਆ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
(For more Punjabi news apart from Activa cheater arrested with 151 invoices of 332 violations in 2 years Chandigarh News in punjabi, stay tuned to Rozana Spokesman)
