ਜੇ ਜਾਣਾ ਚਾਹੁੰਦੇ ਹੋ ਅਮਰੀਕਾ, ਤਾਂ ਜਾਣੋਂ ਵੀਜ਼ਾ ਅਪਲਾਈ ਸਬੰਧੀ ਜਾਣਕਾਰੀ
Published : Nov 3, 2017, 3:57 pm IST
Updated : Nov 3, 2017, 10:27 am IST
SHARE ARTICLE

ਅਮਰੀਕਾ 'ਚ ਡੋਨਾਲਡ ਟਰੰਪ ਵੱਲੋਂ ਸੱਤਾ ਸੰਭਾਲਣ ਤੋਂ ਬਾਅਦ ਵੀਜ਼ੇ ਨਾਲ ਜੁੜੇ ਨਿਯਮ ਸਖਤ ਹੁੰਦੇ ਜਾ ਰਹੇ ਹਨ। ਬੀਤੀ ਦਿਨੀਂ ਮੰਗਲਵਰ ਨੂੰ ਮੈਨਹਟਨ 'ਚ ਹੋਏ ਅੱਤਵਾਦੀ ਹਮਲੇ ਤੋਂ ਬਾਅਦ ਮੰਨਿਆ ਜਾ ਰਿਹਾ ਹੈ ਕਿ ਉੱਥੇ ਗ੍ਰੀਨ ਕਾਰਡ ਹਾਸਲ ਕਰਨਾ ਵੀ ਆਸਾਨ ਨਹੀਂ ਹੋਵੇਗਾ। 

ਭਾਰਤ 'ਚ ਵੀ ਅਮਰੀਕੀ ਵੀਜ਼ਾ ਨੂੰ ਲੈ ਕੇ ਕਈ ਅਫਵਾਹਾਂ ਉੱਡ ਰਹੀਆਂ ਹਨ। ਕਿਹਾ ਜਾ ਰਿਹਾ ਹੈ ਕਿ ਅਮਰੀਕਾ ਹੁਣ ਭਾਰਤ ਦੇ ਲੋਕਾਂ ਨੂੰ ਵੀ ਲੰਬੀ ਮਿਆਦ ਦਾ ਵੀਜ਼ਾ ਨਹੀਂ ਦੇਵੇਗਾ। ਖਬਰਾਂ ਮੁਤਾਬਕ, ਇਸ ਅਫਵਾਹ 'ਤੇ ਭਾਰਤ 'ਚ ਕੰਮ ਕਰਨ ਵਾਲੇ ਅਮਰੀਕੀ ਦੂਤਘਰ ਵੱਲੋਂ ਸਫਾਈ ਦਿੱਤੀ ਗਈ ਹੈ। ਇਸ ਸਫਾਈ 'ਚ ਦੂਤਘਰ ਨੇ ਕਿਹਾ ਹੈ ਕਿ ਉਹ ਹੁਣ ਵੀ 10 ਸਾਲ ਦੀ ਲੰਬੇ ਸਮੇਂ ਦਾ ਵੀਜ਼ਾ ਭਾਰਤੀਆਂ ਲਈ ਜਾਰੀ ਕਰ ਰਿਹਾ ਹੈ। ਆਓ ਜਾਣਦੇ ਹਾਂ ਕਿ ਜੇਕਰ ਕੋਈ 10 ਸਾਲ ਲਈ ਵੀਜ਼ਾ ਲੈਣਾ ਚਾਹੁੰਦਾ ਹੈ ਤਾਂ ਕਿਵੇਂ ਅਪਲਾਈ ਕਰ ਸਕਦਾ ਹੈ ਅਤੇ ਇਸ ਵੀਜ਼ਾ ਦਾ ਉਸ ਨੂੰ ਕੀ ਲਾਭ ਮਿਲਦਾ ਹੈ। 



ਅਮਰੀਕਾ ਭਾਰਤੀ ਨਾਗਰਿਕਾਂ ਨੂੰ ਬੀ1/ਬੀ2 ਸ਼੍ਰੇਣੀ 'ਚ 10 ਸਾਲ ਲਈ ਵੀਜ਼ਾ ਜਾਰੀ ਕਰਦਾ ਹੈ। ਤਕਨੀਕੀ ਭਾਸ਼ਾ 'ਚ ਕਹੀਏ ਤਾਂ ਇਹ ਮਲਟੀਪਲ-ਐਂਟਰੀ ਵਿਜ਼ਟਿਰ ਵੀਜ਼ਾ ਹੁੰਦਾ ਹੈ। ਇਸ ਨੂੰ ਹਾਸਲ ਕਰਨ ਤੋਂ ਬਾਅਦ ਤੁਸੀਂ 10 ਸਾਲ ਤਕ ਕਦੇ ਵੀ ਅਮਰੀਕਾ ਆ-ਜਾ ਸਕਦੇ ਹੋ ਅਤੇ ਕਿੰਨੇ ਵੀ ਦਿਨ ਤਕ ਰੁਕ ਸਕਦੇ ਹੋ। ਭਾਰਤ 'ਚ ਬਹੁਤ ਸਾਰੇ ਲੋਕ ਇਸੇ ਵੀਜ਼ਾ ਜ਼ਰੀਏ ਛੋਟੀ ਮਿਆਦ ਦੀ ਨੌਕਰੀ ਵੀ ਕਰਨ ਜਾਂਦੇ ਹਨ। ਦੂਤਘਰ ਦੀ ਰਿਲੀਜ਼ ਮੁਤਾਬਕ, ਬੀ1/ਬੀ2 ਵੀਜ਼ਾ ਤੁਹਾਨੂੰ ਸਿਰਫ ਦਸਤਾਵੇਜ਼ਾਂ ਦੇ ਆਧਾਰ 'ਤੇ ਨਹੀਂ ਮਿਲ ਸਕਦਾ। 


ਇਸ ਲਈ ਬਕਾਇਦਾ ਇੰਟਰਵਿਊ ਦੇਣੀ ਹੁੰਦੀ ਹੈ, ਯਾਨੀ ਦੂਤਘਰ ਵੱਲੋਂ ਕਰਾਈ ਜਾਣ ਵਾਲੀ ਇੰਟਰਵਿਊ ਨੂੰ ਪਾਸ ਕਰਨਾ ਜ਼ਰੂਰੀ ਹੁੰਦਾ ਹੈ। ਇਸ ਤੋਂ ਬਾਅਦ ਦੂਤਘਰ ਦੇ ਅਧਿਕਾਰੀ ਤੈਅ ਕਰਦੇ ਹਨ ਕਿ ਤੁਹਾਨੂੰ ਵੀਜ਼ਾ ਮਿਲੇਗਾ ਜਾਂ ਨਹੀਂ। ਜੇਕਰ ਤੁਸੀਂ ਇਸ ਸ਼੍ਰੇਣੀ 'ਚ ਵੀਜ਼ਾ ਅਪਲਾਈ ਕਰਦੇ ਹੋ ਤਾਂ ਤੁਹਾਨੂੰ ਅਧਿਕਾਰੀਆਂ ਨੂੰ ਇਹ ਭਰੋਸਾ ਦਿਵਾਉਣਾ ਹੋਵੇਗਾ ਕਿ ਅਮਰੀਕਾ 'ਚ ਤੁਹਾਡੇ ਪਰਿਵਾਰਕ ਰਿਸ਼ਤੇਦਾਰ ਰਹਿੰਦੇ ਹਨ ਜਾਂ ਫਿਰ ਤੁਸੀਂ ਉੱਥੇ ਕਾਰੋਬਾਰ ਨਾਲ ਜੁੜੇ ਕੰਮ ਕਰਦੇ ਹੋ। 


ਹਾਲਾਂਕਿ, ਦੂਤਘਰ ਮੁਤਾਬਕ ਵੀਜ਼ਾ ਜਾਰੀ ਹੋਣ ਦਾ ਮਤਲਬ ਇਹ ਬਿਲਕੁਲ ਨਹੀਂ ਹੈ ਕਿ ਤੁਸੀਂ ਅਮਰੀਕਾ 'ਚ ਦਾਖਲ ਹੋ ਸਕਦੇ ਹੋ। ਵੀਜ਼ਾ ਸਿਰਫ ਤੁਹਾਨੂੰ ਅਮਰੀਕਾ ਦੇ ਦਰਵਾਜ਼ੇ ਤਕ ਪਹੁੰਚਾਉਂਦਾ ਹੈ। ਬਾਕੀ ਦਾ ਸਾਰਾ ਫੈਸਲਾ ਅਮਰੀਕਾ ਦੇ ਗ੍ਰਹਿ ਵਿਭਾਗ 'ਡਿਪਾਰਟਮੈਂਟ ਆਫ ਹੋਮਲੈਂਡ ਸਕਿਓਰਿਟੀ' ਦੇ ਹੱਥਾਂ 'ਚ ਹੁੰਦਾ ਹੈ। ਵਿਭਾਗ ਹੀ ਫੈਸਲਾ ਕਰਦਾ ਹੈ ਕਿ ਤੁਸੀਂ ਅਮਰੀਕਾ ਦੀ ਸਰਹੱਦ 'ਚ ਦਾਖਲ ਹੋ ਸਕਦੇ ਹੋ ਜਾਂ ਨਹੀਂ, ਜੇਕਰ ਤੁਸੀਂ ਅਮਰੀਕਾ 'ਚ ਰੁਕੋਗੇ ਤਾਂ ਕਿੰਨੀ ਦੇਰ ਲਈ ਰੁਕੋਗੇ।

SHARE ARTICLE
Advertisement

'ਰਾਜਵੀਰ ਜਵੰਦਾ ਦਾ 'ਮਾਂ' ਗਾਣਾ ਸੁਣ ਕੇ ਇੰਝ ਲੱਗਦਾ ਜਿਵੇਂ ਉਸ ਨੂੰ ਅਣਹੋਣੀ ਦਾ ਪਤਾ ਸੀ'

28 Nov 2025 3:02 PM

ਦਿਲਰੋਜ਼ ਦੇ ਪਾਪਾ ਪਹੁੰਚੇ 13 ਸਾਲਾ ਕੁੜੀ ਦੀ ਅੰਤਮ ਅਰਦਾਸ 'ਚ

28 Nov 2025 3:01 PM

13 ਸਾਲਾ ਬੱਚੀ ਦੇ ਕਤਲ ਮਾਮਲੇ 'ਚ ਬੋਲੇ Jathedar Gargaj | Jalandhar Murder Case

27 Nov 2025 3:11 PM

13 ਸਾਲਾ ਕੁੜੀ ਦੇ ਕਾਤਲ ਕੋਲੋਂ ਹੁਣ ਤੁਰਿਆ ਵੀ ਨਹੀਂ ਜਾਂਦਾ, ਦੇਖੋ...

26 Nov 2025 1:59 PM

ਵਿਆਹ ਤੋਂ 3 ਦਿਨ ਬਾਅਦ ਲਾੜੀ ਦੀ ਮੌਤ ਤੇ ਲਾੜਾ ਗੰਭੀਰ ਜ਼ਖ਼ਮੀ

26 Nov 2025 1:58 PM
Advertisement