ਮੰਤਰਾਲਾ ਨੇ ਕਿਹਾ ਹੈ ਕਿ ਦੇਸ਼ ’ਚ ਹੁਣ ਤਕ 15.22 ਕਰੋੜ ਤੋਂ ਵੱਧ ਲੋਕਾਂ ਨੂੰ ਟੀਕਾ ਲਗਾਇਆ ਗਿਆ ਹੈ।
ਨਵੀਂ ਦਿੱਲੀ : ਦੇਸ਼ ’ਚ ਇਕ ਮਈ ਤੋਂ 18 ਸਾਲ ਤੋਂ ਵੱਧ ਉਮਰ ਦੇ ਲੋਕਾਂ ਲਈ ਕੋਵਿਡ-19 ਰੋਕੂ ਟੀਕਾਕਰਨ ਦੇ ਤੀਜੇ ਪੜਾਅ ਦੇ ਪਹਿਲੇ ਕੋ-ਵਿਨ ਡਿਜੀਟਲ ਮੰਚ ’ਤੇ 2.45 ਕਰੋੜ ਤੋਂ ਵੱਧ ਲੋਕਾਂ ਨੇ ਅਪਣਾ ਰਜਿਸਟਰੇਸ਼ਨ ਕਰਵਾਇਆ ਹੈ। ਕੇਂਦਰੀ ਸਿਹਤ ਮੰਤਰਾਲਾ ਅਨੁਸਾਰ 28 ਅਪ੍ਰੈਲ ਨੂੰ 1.37 ਕਰੋੜ ਲੋਕਾਂ ਨੇ ਰਜਿਸਟਰੇਸ਼ਨ ਕਰਵਾਇਆ, ਜਦੋਂ ਕਿ 29 ਅਪ੍ਰੈਲ ਨੂੰ 1.04 ਕਰੋੜ ਤੋਂ ਵੱਧ ਲੋਕਾਂ ਨੇ ਰਜਿਸਟਰੇਸ਼ਨ ਕਰਵਾਇਆ।
Corona vaccine
ਮੰਤਰਾਲਾ ਨੇ ਕਿਹਾ ਹੈ ਕਿ ਦੇਸ਼ ’ਚ ਹੁਣ ਤਕ 15.22 ਕਰੋੜ ਤੋਂ ਵੱਧ ਲੋਕਾਂ ਨੂੰ ਟੀਕਾ ਲਗਾਇਆ ਗਿਆ ਹੈ। ਸਵੇਰੇ 7 ਵਜੇ ਤਕ ਦੀ ਰੀਪੋਰਟ ਅਨੁਸਾਰ 22,43,097 ਸੈਸ਼ਨ ’ਚ ਟੀਕੇ ਦੀਆਂ 15,22,45,179 ਖ਼ੁਰਾਕਾਂ ਦਿਤੀਆਂ ਗਈਆਂ। ਇਨ੍ਹਾਂ ’ਚੋਂ 93,86,904 ਸਿਹਤ ਕਾਮੇ (ਐਚ.ਸੀ.ਡਬਲਿਊ.) ਸ਼ਾਮਲ ਹਨ, ਜਿਨ੍ਹਾਂ ਨੇ ਪਹਿਲੀ ਖ਼ੁਰਾਕ ਲਈ ਹੈ, ਜਦੋਂ ਕਿ 61,91,118 ਸਿਹਤ ਕਾਮਿਆਂ ਨੇ ਦੂਜੀ ਖ਼ੁਰਾਕ ਲਈ ਹੈ।
corona vaccine
ਉਥੇ ਹੀ ਮੋਹਰੀ ਮੋਰਚੇ ਦੇ 1,24,19,965 ਕਾਮਿਆਂ ਨੂੰ ਟੀਕੇ ਦੀ ਪਹਿਲੀ ਖ਼ੁਰਾਕ ਦਿਤੀ ਜਾ ਚੁਕੀ ਹੈ, ਜਦੋਂ ਕਿ 67,07,862 ਕਾਮਿਆਂ ਨੂੰ ਟੀਕੇ ਦੀ ਦੂਜੀ ਖੁਰਾਕ ਦਿਤੀ ਗਈ ਹੈ। ਦੇਸ਼ ’ਚ 60 ਸਾਲ ਤੋਂ ਵੱਧ ਉਮਰ ਦੇ 5,19,01,218 ਲੋਕਾਂ ਨੂੰ ਪਹਿਲੀ ਖੁਰਾਕ ਦਿਤੀ ਗਈ, ਜਦੋਂ ਕਿ 1,04,41,359 ਲੋਕਾਂ ਦੀ ਟੀਕੇ ਦੀ ਦੂਜੀ ਖੁਰਾਕ ਦਿਤੀ ਜਾ ਚੁਕੀ ਹੈ।
Covid-19 vaccine
ਦੇਸ਼ ’ਚ 24 ਘੰਟਿਆਂ ਅੰਦਰ 21 ਲੱਖ ਤੋਂ ਵੱਧ ਖੁਰਾਕਾਂ ਦਿਤੀਆਂ ਗਈਆਂ। ਕੋਰੋਨਾ ਟੀਕਾਕਰਨ ਦੇ 104ਵੇਂ (29 ਅਪ੍ਰੈਲ) ਤਕ ਕੁਲ ਟੀਕੇ 22,24,548 ਖੁਰਾਕਾਂ ਦਿਤੀਆਂ ਗਈਆਂ। ਇਨ੍ਹਾਂ ’ਚੋਂ 12,74,803 ਲਾਭਪਾਤਰਾਂ ਨੂੰ ਪਹਿਲੀ ਖੁਰਾਕ ਦਿਤੀ ਗਈ, ਜਦੋਂ ਕਿ 9,49,745 ਲਾਭਪਾਤਰਾਂ ਨੂੰ ਦੂਜੀ ਖੁਰਾਕ ਦਿਤੀ ਗਈ।
