ਭਾਰਤ ਅਤੇ ਪਾਕਿਸਤਾਨ ਦੇ ਵਿਚ ਤਣਾਅ ਹੁਣ ਵੀ ਬਰਕਰਾਰ....
ਨਵੀਂ ਦਿੱਲੀ : ਭਾਰਤ ਅਤੇ ਪਾਕਿਸਤਾਨ ਦੇ ਵਿਚ ਤਣਾਅ ਹੁਣ ਵੀ ਬਰਕਰਾਰ ਹੈ। ਸੋਮਵਾਰ ਸਵੇਰੇ ਤਿੰਨ ਵਜੇ ਦੇ ਲੱਗ-ਭੱਗ ਪਾਕਿਸਤਾਨੀ ਹਵਾਈ ਫੌਜ ਦੇ ਚਾਰ ਐਫ16 ਜਹਾਜ਼ ਭਾਰਤੀ ਸਰਹੱਦ ਦੇ ਬਹੁਤ ਨੇੜੇ ਆ ਗਏ ਸਨ। ਪਾਕਿਸਤਾਨ ਨੇ ਐਫ16 ਦੇ ਨਾਲ - ਨਾਲ ਇਕ ਯੂਏਵੀ ਵੀ ਭੇਜਿਆ ਸੀ।
Airline
ਇਹ ਘਟਨਾ ਪੰਜਾਬ ਸਥਿਤ ਖੇਮਕਰਨ ਸੈਕਟਰ ਦੀ ਹੈ। ਪਾਕਿ ਦੀ ਇਸ ਨਾਪਾਕ ਹਰਕਤ ਨੂੰ ਰਡਾਰ ਨੇ ਫੜ ਲਈ। ਇਸ ਤੋਂ ਤੁਰੰਤ ਬਾਅਦ ਭਾਰਤ ਨੇ ਜਵਾਬੀ ਕਾਰਵਾਈ ਕੀਤੀ ਅਤੇ ਸੁਖੋਈ 30 ਅਤੇ ਮਿਰਾਜ 2000 ਭੇਜੇ। ਭਾਰਤੀ ਹਵਾਈ ਫੌਜ ਨੂੰ ਅਸਮਾਨ ਵਿਚ ਦੇਖਦੇ ਹੀ ਪਾਕਿ ਦੇ ਜੇਟ ਵਾਪਸ ਮੁੜ ਗਏ। ਮੀਡੀਆ ਰਿਪੋਰਟ ਦੇ ਅਨੁਸਾਰ ਪਾਕਿਸਤਾਨ ਸਰਹੱਦ ਉਤੇ ਭਾਰਤੀ ਫੌਜ ਦੀ ਨਿਯੁਕਤੀ ਦਾ ਪਤਾ ਲਗਾਉਣ ਦੇ ਮਕਸਦ ਨਾਲ ਸਰਹੱਦ ਦੇ ਬਹੁਤ ਜਿਆਦਾ ਨੇੜੇ ਭੇਜੇ ਗਏ ਸਨ।
Airline
14 ਫਰਵਰੀ ਨੂੰ ਕੇਂਦਰੀ ਰਿਜਰਵ ਪੁਲਿਸ ਬਲ ਦੇ ਕਾਫਲੇ ਉਤੇ ਹਮਲੇ ਤੋਂ ਬਾਅਦ ਭਾਰਤ ਨੇ 26 ਫਰਵਰੀ ਨੂੰ ਪਾਕਿਸਤਾਨ ਦੇ ਬਾਲਾਕੋਟ ਵਿਚ ਜੈਸ਼-ਏ-ਮੁਹੰਮਦ ਦੇ ਟਿਕਾਣਿਆਂ ਉਤੇ ਏਅਰ ਸਟਰਾਇਕ ਕੀਤੀ ਸੀ। ਇਸ ਤੋਂ ਬਾਅਦ 27 ਫਰਵਰੀ ਨੂੰ ਪਾਕਿਸਤਾਨ ਨੇ ਭਾਰਤੀ ਹਵਾਈ ਫੌਜ ਵਿਚ ਵੜਕੇ ਫੌਜੀ ਟਿਕਾਣਿਆਂ ਨੂੰ ਨਿਸ਼ਾਨਾ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਇਸ ਵਿਚ ਅਸਫਲ ਹੋ ਗਏ ਸਨ। ਇਸ ਦੌਰਾਨ ਵੀ ਭਾਰਤੀ ਜਹਾਜ਼ਾਂ ਨੇ ਪਾਕਿ ਦੇ ਐਫ16 ਨੂੰ ਖਦੇੜ ਦਿਤਾ ਸੀ। ਵਿੰਗ ਕਮਾਂਡਰ ਅਭਿਨੰਦਨ ਵਰਧਮਾਨ ਨੇ ਮਿਗ ਜਹਾਜ਼ ਨਾਲ ਪਾਕਿਸਤਾਨ ਦੇ ਐਫ16 ਨੂੰ ਮਾਰ ਗਿਰਾਇਆ ਸੀ।
F-16 Pakistan Airline
ਹਾਲਾਂਕਿ ਉਨ੍ਹਾਂ ਦਾ ਜਹਾਜ਼ ਇਸ ਦੌਰਾਨ ਕਰੈਸ਼ ਹੋ ਗਿਆ। ਅਭਿਨੰਦਨ ਬਾਹਰ ਨਿਕਲਿਆ ਪਰ ਉਹ ਪਾਕਿਸਤਾਨ ਦੀ ਸਰਹੱਦ ਵਿਚ ਜਾ ਕੇ ਗਿਰ ਗਏ ਸਨ। ਪਾਕਿਸਤਾਨ ਦੀ ਗ੍ਰਿਫ਼ਤਾਰੀ ਵਿਚ ਆਉਣ ਦੇ ਲੱਗ-ਭੱਗ 60 ਘੰਟੇ ਬਾਅਦ ਉਹ ਭਾਰਤ ਮੁੜੇ ਸਨ।
