ਪੱਛਮੀ ਬੰਗਾਲ ਦੇ ਪੁਰੂਲੀਆ ਵਿਚ ਇਕ ਹੋਰ ਭਾਜਪਾ ਵਰਕਰ ਦੀ ਲਾਸ਼ ਮਿਲੀ ਹੈ। ਪੁਰੂਲੀਆ ਦੇ ਡਾਭਾ ਪਿੰਡ ਵਚ ਇਹ ਲਾਸ਼ ਇਕ ਬਿਜਲੀ ਦੇ ਖੰਭੇ ...
ਕੋਲਕੱਤਾ : ਪੱਛਮੀ ਬੰਗਾਲ ਦੇ ਪੁਰੂਲੀਆ ਵਿਚ ਇਕ ਹੋਰ ਭਾਜਪਾ ਵਰਕਰ ਦੀ ਲਾਸ਼ ਮਿਲੀ ਹੈ। ਪੁਰੂਲੀਆ ਦੇ ਡਾਭਾ ਪਿੰਡ ਵਚ ਇਹ ਲਾਸ਼ ਇਕ ਬਿਜਲੀ ਦੇ ਖੰਭੇ ਨਾਲ ਲਟਕਦੀ ਹੋਈ ਮਿਲੀ। ਦਸਿਆ ਜਾ ਰਿਹਾ ਹੈ ਕਿ ਭਾਜਪਾ ਕਰਮਚਾਰੀ ਦੀ ਲਾਸ਼ ਇਕ ਖੰਭੇ ਨਾਲ ਲਟਕਦੀ ਹੋਈ ਮਿਲੀ। ਫਿਲਹਾਲ ਪੁਲਿਸ ਇਸ ਘਟਨਾ ਨੂੰ ਖੁਦਕੁਸ਼ੀ ਮੰਨ ਰਹੀ ਹੈ, ਜਦਕਿ ਪੁਲਿਸ ਸਾਰੇ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
ਦਸ ਦਈਏ ਕਿ ਇਹ ਦੂਜੀ ਘਟਨਾ ਹੈ, ਜਿਸ 'ਚ ਪੁਰੂਲੀਆ 'ਚ ਭਾਜਪਾ ਵਰਕਰ ਦੀ ਲਾਸ਼ ਇਸ ਤਰ੍ਹਾਂ ਲਟਕਦੀ ਹੋਈ ਮਿਲੀ ਹੈ। ਇਸ ਹਫ਼ਤੇ ਇਕ ਹੋਰ ਮਾਮਲੇ 'ਚ ਵੀ ਭਾਜਪਾ ਕਰਮਚਾਰੀ ਤ੍ਰਿਲੋਚਨ ਮਹਿਲਾ ਦੀ ਲਾਸ਼ ਇਕ ਦਰੱਖਤ ਨਾਲ ਲਟਕਦੀ ਮਿਲੀ ਸੀ। ਭਾਜਪਾ ਦਾ ਦੋਸ਼ ਹੈ ਕਿ ਇਸ ਦੇ ਪਿੱਛੇ ਟੀਐੱਮਸੀ ਦਾ ਹੱਥ ਹੈ ਅਤੇ ਟੀਐੱਮਸੀ ਪੁਰੂਲੀਆ ਤੋਂ ਵਿਰੋਧੀ ਧਿਰ ਨੂੰ ਖ਼ਤਮ ਕਰਨਾ ਚਾਹੁੰਦੀ ਹੈ।
ਭਾਜਪਾ ਪ੍ਰਧਾਨ ਅਮਿਤ ਸ਼ਾਹ ਨੇ ਇਨ੍ਹਾਂ ਘਟਨਾਵਾਂ ਦੀ ਨਿੰਦਾ ਕੀਤੀ ਹੈ ਅਤੇ ਸੂਬੇ ਦੀ ਟੀਐੱਸਸੀ ਸਰਕਾਰ 'ਤੇ ਕੋਈ ਕਾਰਵਾਈ ਨਾ ਕਰਨ ਦਾ ਦੋਸ਼ ਲਗਾਇਆ ਹੈ। ਦੂਜੇ ਪਾਸੇ ਟੀਐੱਮਸੀ ਨੇ ਇਨ੍ਹਾਂ ਸਾਰੇ ਦੋਸ਼ੀਆਂ ਨੂੰ ਬੇਬੁਨਿਆਦ ਦਸਿਆ ਹੈ। ਜ਼ਿਕਰਯੋਗ ਹੈ ਕਿ ਪੁਰੂਲੀਆ ਤੋਂ ਤ੍ਰਿਣਮੂਲ ਕਾਂਗਰਸ ਦੇ ਸਾਂਸਦ ਅਭਿਸ਼ੇਕ ਬੈਨਰਜੀ, ਜੋ ਕਿ ਟੀਐੱਮਸੀ ਮੁਖੀ ਅਤੇ ਸੂਬੇ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਦੇ ਭਤੀਜੇ ਹਨ।
ਪੱਛਮੀ ਬੰਗਾਲ ਭਾਜਪਾ ਪ੍ਰਧਾਨ ਦਿਲੀਪ ਘੋਸ਼ ਨੇ ਭਾਜਪਾ ਵਰਕਰ ਦੀ ਮੌਤ ਨੂੰ ਲੈ ਕੇ ਚੇਤਾਵਨੀ ਦਿਤੀ ਹੈ ਅਤੇ ਕਿਹਾ ਹੈ ਕਿ ਇਸ ਨਾਲ ਸਥਿਤੀ ਖ਼ਤਰਨਾਕ ਹੋ ਸਕਦੀ ਹੈ, ਕਿਉਂਕਿ ਇਸ ਨਾਲ ਮਕਸਦ ਦੀ ਪ੍ਰਪਾਤੀ ਲਈ ਕਈ ਲੋਕਾਂ ਦੀਆਂ ਜਾਨਾਂ ਜਾ ਸਕਦੀਆਂ ਹਨ।
ਲੀਪ ਘੋਸ਼ ਨੇ 24 ਉੱਤਰੀ ਪਰਗਨਾ 'ਚ ਇਕ ਰੈਲੀ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਜਿਸ ਤਰ੍ਹਾਂ ਤੋਂ ਟੀਐੱਮਸੀ ਲੋਕਾਂ ਦੀ ਹੱਤਿਆ ਕਰਕੇ ਸੂਬੇ ਨੂੰ ਵਿਰੋਧੀ ਧਿਰ ਖ਼ਤਮ ਕਰਨਾ ਚਾਹੁੰਦੀ ਹੈ ਉਹ ਬਹੁਤ ਖਤਰਨਾਕ ਹੋ ਸਕਦਾ ਹੈ। ਉਨ੍ਹਾਂ ਸਵਾਲ ਉਠਾਉਂਦੇ ਹੋਏ ਕਿਹਾ ਕਿ ਇਹ ਕਿਸ ਤਰ੍ਹਾਂ ਦੀ ਰਾਤਨੀਤੀ ਹੈ? ਕਿਸ ਤਰ੍ਹਾਂ ਦਾ ਪ੍ਰਸ਼ਾਸਨ ਹੈ?