ਪਾਣੀ ਪੀ-ਪੀ ਕੇ ਮੁੰਡੇ ਨੂੰ ਨਾਨੀ ਚੇਤੇ ਕਰਾ ਰਹੀ ਇਹ ਸਿਰਸਾ ਦੀ ਪਹਿਲੀ ਹੈਵੀ ਵਹੀਕਲ ਲਾਇਸੈਂਸ ਧਾਰੀ ਮਹਿਲਾ ਹੈ। ਜਿਸ ਨੇ ਕੁੜੀਆਂ ਛੇੜ ਰਹੇ ਮੁੰਡੇ ਦੇ ਚਪੇੜਾ ਮਾਰ...
ਨਵੀਂ ਦਿੱਲੀ : ਪਾਣੀ ਪੀ-ਪੀ ਕੇ ਮੁੰਡੇ ਨੂੰ ਨਾਨੀ ਚੇਤੇ ਕਰਾ ਰਹੀ ਇਹ ਸਿਰਸਾ ਦੀ ਪਹਿਲੀ ਹੈਵੀ ਵਹੀਕਲ ਲਾਇਸੈਂਸ ਧਾਰੀ ਮਹਿਲਾ ਹੈ। ਜਿਸ ਨੇ ਕੁੜੀਆਂ ਛੇੜ ਰਹੇ ਮੁੰਡੇ ਦੇ ਚਪੇੜਾ ਮਾਰ-ਮਾਰ ਮੂੰਹ ਲਾਲ ਕਰ ਦਿੱਤਾ ਤੇ ਮੁੰਡਾ ਆਪਣੀ ਗਲਤੀ ਲਈ ਮੁਆਫੀਆਂ ਮੰਗਦਾ ਰਿਹਾ। ਜਿਸ ਦੀ ਹੁਣ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਕਾਫੀ ਵਾਇਰਲ ਹੋ ਰਹੀ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਇਹ ਨੌਜਵਾਨ ਸਿਰਸਾ ਦੇ ਨਿਜੀ ਕਾਲਜ ਦੀਆਂ ਕੁੜੀਆਂ ਨਾਲ ਛੇੜਛਾੜ ਕਰ ਰਿਹਾ ਸੀ।
ਜਿਸ ਤੋਂ ਬਾਅਦ ਨੌਜਵਾਨ ਮਹਿਲਾ ਡਰਾਇਵਰ ਦੇ ਅੜ੍ਹਿਕੇ ਆ ਗਿਆ। ਜਿਵੇਂ ਹੀ ਨੌਜਵਾਨ ਮਹਿਲਾ ਦੇ ਅੜਿੱਕੇ ਆਇਆ ਤਾਂ ਦਬੰਗ ਲੇਡੀ ਉਸ ਦੀ ਅਕਲ ਟਿਕਾਣੇ ਲਿਆ ਦਿੱਤੀ। ਉਧਰ ਪੁਲਿਸ ਅਧਿਕਾਰੀ ਵੱਲੋਂ ਵੀ ਇਸ ਮਹਿਲਾ ਦੀਆਂ ਤਾਰੀਫਾਂ ਦੇ ਪੁਲ ਬੰਨ੍ਹੇ ਗਏ। ਪੁਲਿਸ ਅਧਿਕਾਰੀ ਦਾ ਕਹਿਣਾ ਹੈ ਕਿ ਇਹ ਔਰਤ ਇਕ ਡਰਾਈਵਰ ਹੈ ਤੇ ਇਹ ਸਕੂਲ ਦੀ ਬੱਸ ਚਲਾਉਂਦੀ ਹੈ। ਫਿਲਹਾਲ ਉਹਨਾਂ ਕੋਲ ਇਹ ਮਾਮਲਾ ਨਹੀਂ ਆਇਆ। ਪੁਲਿਸ ਦਾ ਕਹਿਣਾ ਹੈ ਕਿ ਉਹ ਇਸ ਮਾਮਲੇ ਲਈ ਉਸ ਔਰਤ ਨਾਲ ਸੰਪਰਕ ਕਰਨਗੇ।
ਪੁਲਿਸ ਅਧਿਕਾਰੀ ਅਨੁਸਾਰ ਲੜਕੀਆਂ ਨੂੰ ਅਪਣਾ ਬਚਾਅ ਆਪ ਕਰਨਾ ਚਾਹੀਦਾ ਹੈ ਤੇ ਅਜਿਹੀਆਂ ਹਰਕਤਾਂ ਕਰਨ ਵਾਲੇ ਬਦਮਾਸ਼ਾ ਨੂੰ ਸਿੱਧਾ ਕਰਨਾ ਚਾਹੀਦਾ ਹੈ। ਅਜਿਹੀਆਂ ਘਟਨਾਵਾਂ ਦੀ ਤੁਰੰਤ ਜਾਣਕਾਰੀ ਪੁਲਿਸ ਨੂੰ ਦੇਣੀ ਚਾਹੀਦੀ ਹੈ ਤੇ ਇਹਨਾਂ ਬਦਮਾਸ਼ਾਂ ਤੋਂ ਡਰਨਾ ਵੀ ਨਹੀਂ ਚਾਹੀਦਾ। ਦੱਸ ਦਈਏ ਹੁਣ ਇਸ ਮਹਿਲਾ ਦੀ ਜਿਵੇਂ ਹੀ ਇਹ ਵੀਡੀਓ ਵਾਇਰਲ ਹੋਈ ਤਾਂ ਇਸ ਦੀ ਬਹਾਦਰੀ ਦੇਖ ਹਰ ਕੋਈ ਵਿਅਕਤੀ ਇਸ ਦੀ ਖੂਬ ਸ਼ਿਲਾਘਾ ਕਰ ਰਿਹਾ ਹੈ। ਫਿਲਹਾਲ ਇਹ ਪਤਾ ਨਹੀਂ ਲੱਗਿਆ ਕਿ ਇਹ ਵੀਡੀਉ ਕਿਸ ਜਗ੍ਹਾ ਦੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
