ਇਹ ਤਸਵੀਰਾਂ ਕੇਰਲਾ ਦੇ ਅਡੱਪਲ ਸ਼ਹਿਰ ਦੀਆਂ ਦੱਸੀਆਂ ਜਾ ਰਹੀਆਂ ਹਨ, ਜਿੱਥੇ ਵੱਡੀ ਗਿਣਤੀ ਵਿਚ ਭਾਜਪਾ ਅਤੇ ਆਰਐਸਐਸ ਦੇ ਵਰਕਰਾਂ ਨੇ ਮੋਟਰਸਾਈਕਲਾਂ...
ਕੇਰਲਾ : ਇਹ ਤਸਵੀਰਾਂ ਕੇਰਲਾ ਦੇ ਅਡੱਪਲ ਸ਼ਹਿਰ ਦੀਆਂ ਦੱਸੀਆਂ ਜਾ ਰਹੀਆਂ ਹਨ, ਜਿੱਥੇ ਵੱਡੀ ਗਿਣਤੀ ਵਿਚ ਭਾਜਪਾ ਅਤੇ ਆਰਐਸਐਸ ਦੇ ਵਰਕਰਾਂ ਨੇ ਮੋਟਰਸਾਈਕਲਾਂ 'ਤੇ ਰੈਲੀ ਕੱਢੀ। ਇਸ ਦੌਰਾਨ ਨਾਅਰੇਬਾਜ਼ੀ ਕਰਦੇ ਹੋਏ ਭਾਜਪਾ ਵਰਕਰ ਜਦੋਂ ਅਡੱਪਲ ਜੰਕਸ਼ਨ 'ਤੇ ਪੁੱਜੇ ਤਾਂ ਉਥੇ ਪਹਿਲਾਂ ਤੋਂ ਮੌਜੂਦ ਖੜ੍ਹੇ ਸਥਾਨਕ ਲੋਕਾਂ ਨੇ ਉਨ੍ਹਾਂ 'ਤੇ ਹਮਲਾ ਕਰ ਦਿਤਾ ਸੀ। ਜਿਸ ਤੋਂ ਬਾਅਦ ਭਾਜਪਾ ਅਤੇ ਆਰਐਸਐਸ ਵਰਕਰਾਂ ਨੂੰ ਭਾਜੜਾਂ ਪੈ ਗਈਆਂ। ਸਥਾਨਕ ਲੋਕਾਂ ਦੇ ਗੁੱਸੇ ਅੱਗੇ ਭਾਜਪਾ ਵਰਕਰਾਂ ਦੀ ਇਕ ਨਾ ਚੱਲ ਸਕੀ।
ਅਤੇ ਰੈਲੀ ਵਿਚ ਮੋਟਰਸਾਈਕਲਾਂ 'ਤੇ ਆ ਰਹੇ ਵਰਕਰਾਂ ਨੇ ਮੋਟਰਸਾਈਕਲ ਪਿੱਛੇ ਮੋੜ ਲਏ ਜਦਕਿ ਕਈ ਤਾਂ ਮੋਟਰਸਾਈਕਲ ਉਥੇ ਹੀ ਛੱਡ ਕੇ ਭੱਜ ਗਏ। ਦਰਅਸਲ ਕੇਰਲਾ ਦੇ ਸਬਰੀਮਾਲਾ ਮੰਦਰ ਵਿਚ ਔਰਤਾਂ ਦੇ ਦਾਖ਼ਲੇ ਦਾ ਭਾਜਪਾ ਅਤੇ ਆਰਐਸਐਸ ਵਲੋਂ ਵਿਰੋਧ ਕੀਤਾ ਜਾ ਰਿਹਾ ਹੈ। ਭਾਜਪਾ ਦੇ ਪ੍ਰਦਰਸ਼ਨ ਦੇ ਚਲਦਿਆਂ ਕੇਰਲਾ ਵਿਚ ਕਈ ਥਾਵਾਂ 'ਤੇ ਮਾਹੌਲ ਖ਼ਰਾਬ ਹੋਇਆ ਹੈ।
ਕੇਰਲਾ ਦੇ ਮੁੱਖ ਮੰਤਰੀ ਨੇ ਵੀ ਅਪਣੇ ਬਿਆਨ ਵਿਚ ਆਖਿਆ ਕਿ ਸਬਰੀਮਾਲਾ ਨੂੰ ਲੈ ਕੇ ਭਾਜਪਾ ਅਤੇ ਆਰਐਸਐਸ ਕੇਰਲਾ ਨੂੰ ਯੁੱਧ ਖੇਤਰ ਬਣਾਉਣ 'ਤੇ ਤੁਲੀ ਹੋਈ ਹੈ, ਪਰ ਇਸ ਵੀਡੀਓ ਤੋਂ ਇੰਝ ਜਾਪਦੈ ਕਿ ਜਿਵੇਂ ਕੇਰਲਾ ਦੇ ਲੋਕ ਵੀ ਭਾਜਪਾ ਅਤੇ ਆਰਐਸਐਸ ਤੋਂ ਦੁਖੀ ਹੋ ਗਏ ਹੋਣ।