ਬੀਜੇਪੀ ਨੇ ਹੁਣ ਤ੍ਰਿਣਮੂਲ ਕਾਂਗਰਸ ਦੀ ਪ੍ਰਧਾਨ ਮਮਤਾ ਬੈਨਰਜੀ ਦੇ ਗੜ੍ਹ ਪੱਛਮੀ ਬੰਗਾਲ ਉਤੇ ਅਪਣੀਆਂ ਨਜ਼ਰਾਂ ਟਿਕਾਈਆਂ ਹੋਈਆਂ ਹਨ ਅਤੇ ਇਸ ਦੇ ਲਈ ਰੱਥ ...
ਨਵੀਂ (ਭਾਸ਼ਾ) : ਬੀਜੇਪੀ ਨੇ ਹੁਣ ਤ੍ਰਿਣਮੂਲ ਕਾਂਗਰਸ ਦੀ ਪ੍ਰਧਾਨ ਮਮਤਾ ਬੈਨਰਜੀ ਦੇ ਗੜ੍ਹ ਪੱਛਮੀ ਬੰਗਾਲ ਉਤੇ ਅਪਣੀਆਂ ਨਜ਼ਰਾਂ ਟਿਕਾਈਆਂ ਹੋਈਆਂ ਹਨ ਅਤੇ ਇਸ ਦੇ ਲਈ ਰੱਥ ਯਾਤਰਾ ਅਤੇ ਜੋਰਦਾਰ ਰੈਲੀਆਂ ਦੀਆਂ ਤਿਆਰੀਆਂ ਵੀ ਕੀਤੀਆਂ ਜਾ ਰਹੀਆਂ ਹਨ। ਸੂਤਰਾਂ ਦੇ ਮਤਾਬਿਕ, ਸਾਲ 2019 ਵਿਚ ਲੋਕਸਭਾ ਚੋਣਾਂ ਦੇ ਮੱਦੇਨਜ਼ਰ ਬੀਜੇਪੀ ‘ਮਿਸ਼ਨ ਪੂਰਵ’ ਵਿਚ ਲੱਗੀ ਹੋਈ ਹੈ। ਇਸ ਦੇ ਅਧੀਨ ਬੀਜੇਪੀ ਤ੍ਰਿਣਮੂਲ ਕਾਂਗਰਸ ਨੂੰ ਉਸ ਦੇ ਹੀ ਗੜ੍ਹ ‘ਚ ਵੱਡੀ ਟੱਕਰ ਦੇਣ ਦੀ ਯੋਜਨਾ ਬਣਾ ਰਹੀ ਹੈ।
ਬੀਜੇਪੀ ਪ੍ਰਧਾਨ ਅਮਿਤ ਸ਼ਾਹ ਪਹਿਲਾਂ ਹੀ ਪਾਰਟੀ ਲਈ ਪੱਛਮੀ ਬੰਗਾਲ ਦੀਆਂ 42 ਲੋਕ ਸਭਾ ਸੀਟਾਂ ਵਿਚੋਂ 22-23 ਸੀਟਾਂ ਹਾਂਸਲ ਕਰਨ ਦਾ ਟਿੱਚਾ ਨਿਰਧਾਰਤ ਕਰ ਚੁੱਕੇ ਹਨ। ਪੱਛਮੀ ਬੰਗਾਲ ਵਿਚ ਬੀਜੇਪੀ ਸੱਤ ਦਸੰਬਰ ਨੂੰ ਮਹੀਨੇ ‘ਚ ਚੱਲਣ ਵਾਲੀ ਲੋਕ ਤੰਤਰ ਬਚਾਅ ਥੀਮ ਦੇ ਅੰਦਰੂਨੀ ਰਥ ਯਾਤਰਾਵਾਂ ਦੀ ਸ਼ੁਰੂਆਤ ਕਰੇਗੀ। ਸ਼ਾਹ ਰਾਜ ‘ਚ ਤਿੰਨ ਰੱਥ ਯਾਤਰਾਵਾਂ ਨੂੰ ਹਰੀ ਢੰਡੀ ਦਿਖਾਉਣਗੇ। ਇਨ੍ਹਾਂ ਵਿਚ ਪਹਿਲਾ ਯਾਤਰਾ ਸੱਤ ਦਸੰਬਰ ਨੂੰ ਉਤਰੀ ਬੰਗਾਲ ਤੋਂ ਕੁਚਬਿਹਾਰ ਜਿਲ੍ਹੇ ਤੋਂ, ਦੂਜੀ ਨੌ ਦਸੰਬਰ ਨੂੰ ਦੱਖਣੀ ਬੰਗਾਲ ਦੇ ਗੰਗਾਸਾਗਰ ਤੋਂ ਅਤੇ ਤੀਜੀ ਚੌਦਾ ਦਸੰਬਰ ਨੂੰ ਬੀਰਭੂਮ ਜਿਲ੍ਹੇ ‘ਚ ਤਾਰਾਪੀਠ ਮੰਦਰ ਤੋਂ ਸ਼ੁਰੂ ਹੋਵੇਗੀ।
ਸ਼ਾਹ ਤੋਂ ਇਲਾਵਾ ਉਤਰਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਅਦਿਤਯਨਾਥ, ਅਸਾਮ ਦੇ ਮੁੱਖ ਮੰਤਰੀ ਸਵਾਨਰਦ ਸੋਨਵਾਲ ਪੱਛਮੀ ਬੰਗਾਲ ਦੇ ਵੋਟਰਾਂ ਦੇ ਨਾਲ ਐਨਆਰਸੀ ਦੇ ਮੁੱਦਿਆਂ ਉਤੇ ਵੀ ਅਪਣਾ ਵਿਚਾਰ ਸਾਂਝਾ ਕਰਨਗੇ। ਇਸ ਤੋਂ ਇਲਾਵਾ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀਆਂ ਵੀ ਰਾਜ ਵਿਚ ਕਈਂ ਜਨ ਸਭਾ ਹੋਣ ਦੀਆਂ ਸੰਭਾਵਨਾਵਾਂ ਹਨ। ਬੀਜੇਪੀ ਦੀ ਰੱਥ ਯਾਤਰਾ ਰਾਜ ਦੇ ਸਾਰੇ 42 ਲੋਕ ਸਭਾ ਖੇਤਰਾਂ ਤੋਂ ਹੋ ਕਿ ਗੁਜਰੇਗੀ।
ਬੀਜੇਪੀ ਦੀ ਆਈਟੀ ਸੇਲ ਦੇ ਪ੍ਰਮੁੱਖ ਅਮਿਤ ਮਾਲਦੀਵ ਨੇ ਟਵੀਟ ਕਰਕੇ ਕਿਹਾ, ਬੀਜੇਪੀ ਰਾਜ ‘ਚ ਨਾਲ ਹੀ ਸੱਤ, ਨੌ ਅਤੇ 11 ਦਸੰਬਰ ਨੂੰ ਤਿੰਨ ਰਥ ਯਾਤਰਾਵਾਂ ਕੱਢ ਕੇ ਪੂਰੇ ਰਾਜ ਵਿਚ ਆਪਣਾ ਸਿੱਕਾ ਕਾਇਮ ਕਰੇਗੀ। ਪਾਰਟੀ ਦੇ ਸੀਨੀਅਰ ਨੇਤਾ ਅਰਵਿੰਦ ਮੇਨਨ ਰਾਜ ਵਿਚ ਪਾਰਟੀ ਦੀਆਂ ਤਿਆਰੀਆਂ ਦੀ ਦੇਖਭਾਲ ਕਰ ਰਹੇ ਹਨ।
