ਗੁਜਰਾਤ ਬੀਜੇਪੀ ਨੇਤਾ ਅਤੇ ਸਾਬਕਾ ਰਾਜ ਮੰਤਰੀ ਦਲੀਪ ਸੰਘਾਨੀ ਨੇ ਇਲਜ਼ਾਮ ਲਗਾਇਆ ਹੈ ਕਿ ਰਾਸ਼ਟਰੀ ਡੇਅਰੀ ਵਿਕਾਸ ਬੋਰਡ ਅਤੇ ਗੁਜਰਾਤ ਕੋਪਰੇਟਿਵ ...
ਅਮਰੇਲੀ : (ਭਾਸ਼ਾ) ਗੁਜਰਾਤ ਬੀਜੇਪੀ ਨੇਤਾ ਅਤੇ ਸਾਬਕਾ ਰਾਜ ਮੰਤਰੀ ਦਲੀਪ ਸੰਘਾਨੀ ਨੇ ਇਲਜ਼ਾਮ ਲਗਾਇਆ ਹੈ ਕਿ ਰਾਸ਼ਟਰੀ ਡੇਅਰੀ ਵਿਕਾਸ ਬੋਰਡ ਅਤੇ ਗੁਜਰਾਤ ਕੋਪਰੇਟਿਵ ਮਿਲਕ ਮਾਰਕੀਟਿੰਗ ਐਸੋਸੀਏਸ਼ਨ ਦੇ ਸੰਸਥਾਪਕ ਸਵਰਗਵਾਸੀ ਡਾ ਵਰਗੀਸ ਕੁਰੀਅਨ ਨੇ ਅਮੂਲ ਤੋਂ ਪੈਸਾ ਦਾਨ ਕਰ ਕੇ ਈਸਾਈ ਮਿਸ਼ਨਰੀਆਂ ਵਲੋਂ ਧਰਮ ਤਬਦੀਲੀ ਨੂੰ ਵਿੱਤੀ ਮਦਦ ਦਿਤੀ।
Dr Verghese Kurien
ਸ਼ਨਿਚਰਵਾਰ ਨੂੰ ਅਮਰੇਲੀ ਸਥਿਤ ਅਮਰ ਡੇਅਰੀ ਵਿਚ ਡਾ ਕੁਰੀਅਨ ਦੇ ਜੀਵਨ ਅਤੇ ਕੰਮਾਂ ਦੀਆਂ ਯਾਦਾਂ ਤੇ ਗੱਲਬਾਤ ਕਰਨ ਲਈ ਅਮੂਲ ਵਲੋਂ ਆਯੋਜਿਤ ਮੋਟਰਸਾਈਕਲ ਰੈਲੀ ਵਿਚ ਬੋਲਦੇ ਹੋਏ ਸੰਘਾਨੀ ਨੇ ਕਿਹਾ ਕਿ ਅਮੂਲ ਦੀ ਸਥਾਪਨਾ ਤਰਿਭੁਵਨਦਾਸ ਪਟੇਲ ਨੇ ਕੀਤੀ ਸੀ ਪਰ ਕੀ ਦੇਸ਼ ਤਰਿਭੁਵਨਦਾਸ ਪਟੇਲ ਦੇ ਬਾਰੇ ਜਾਣਦਾ ਹੈ ?
Former Gujarat minister Dileep Sanghani
ਗੁਜਰਾਤ ਦੇ ਕਿਸਾਨਾਂ ਅਤੇ ਮਵੇਸ਼ੀ ਪਾਲਣ ਵਾਲਿਆਂ ਨੇ ਅਪਣੀ ਸਖਤ ਮਿਹਨਤ ਦੇ ਜ਼ਰੀਏ ਜੋ ਵੀ ਪੈਸਾ ਇਕੱਠਾ ਕੀਤਾ, ਉਸ ਨੂੰ ਕੁਰੀਅਨ ਨੇ ਡਾਂਗ (ਦੱਖਣ ਗੁਜਰਾਤ) ਵਿਚ ਧਾਰਮਿਕ ਪਰਿਵਰਤਨ ਲਈ ਦਾਨ ਦੇ ਦਿਤੇ। 2007 - 2012 'ਚ ਸੰਘਾਨੀ ਖੇਤੀਬਾੜੀ, ਸਹਿਯੋਗ ਅਤੇ ਪਸ਼ੁ ਪਾਲਣ ਵਿਭਾਗ ਵਿਚ ਰਾਜ ਮੰਤਰੀ ਰਹੇ ਸਨ। ਇਸ ਸਮੇਂ ਉਹ ਗੁਜਰਾਤ ਰਾਜ ਸਹਿਕਾਰੀ ਵਿਪਣਨ ਸੰਘ ਦੇ ਪ੍ਰਧਾਨ ਅਤੇ ਰਾਸ਼ਟਰੀ ਖੇਤੀਬਾੜੀ ਸਹਿਕਾਰੀ ਮਾਰਕੀਟਿੰਗ ਐਸੋਸੀਏਸ਼ਨ ਦੇ ਉਪ ਪ੍ਰਧਾਨ ਹਨ।
Dr Verghese Kurien
ਉਨ੍ਹਾਂ ਨੇ ਇਹ ਦਾਅਵਾ ਕੀਤਾ ਕਿ ਗੁਜਰਾਤ ਅਤੇ ਹੋਰ ਥਾਵਾਂ ਉਤੇ ਮਿਸ਼ਨਰੀਆਂ ਨੂੰ ਦਾਨ ਦਿਤਾ ਗਿਆ ਸੀ। ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਜਦੋਂ ਕੁਰੀਅਨ ਅਮੂਲ ਦੀ ਅਗਵਾਈ ਕਰ ਰਿਹਾ ਸੀ ਤਾਂ ਉਨ੍ਹਾਂ ਨੇ ਈਸਾਈ ਮਿਸ਼ਨਰੀਆਂ ਨੂੰ ਦਾਨ ਦਿਤਾ। ਤੁਸੀਂ ਅਮੂਲ ਦੇ ਰਿਕਾਰਡ ਨਾਲ ਵੇਰਵਾ ਲੈ ਸਕਦੇ ਹੋ। ਜਦੋਂ ਮੈਂ ਮੰਤਰੀ ਸੀ ਤਾਂ ਇਹ ਮੁੱਦਾ ਮੇਰੇ ਨੋਟਿਸ ਵਿਚ ਆਇਆ ਪਰ ਮੈਨੂੰ ਚੁਪ ਰਹਿਣ ਦੀ ਸਲਾਹ ਦਿਤੀ ਗਈ ਕਿਉਂਕਿ ਕਾਂਗਰਸ ਦੇਸ਼ ਭਰ ਵਿਚ ਇਸ ਮੁੱਦੇ ਨੂੰ ਚੁਕ ਸਕਦੀ ਸੀ।
