ਪੂੰਜੀਗਤ ਖ਼ਰਚ ’ਚ 20 ਹਜ਼ਾਰ ਕਰੋੜ ਰੁਪਏ ਦਾ ਵਾਧਾ ਸਰਕਾਰ ਦਾ ਵੱਡਾ ਕਦਮ ਹੈ
ਬੈਂਗਲੁਰੂ : ਬੈਂਗਲੁਰੂ ’ਚ ਏਅਰ ਇੰਡੀਆ ਸ਼ੋਅ-2021 ਅਤੇ ਚੀਨ ਨਾਲ ਅਸਲ ਕੰਟਰੋਲ ਰੇਖਾ (ਐੱਲ.ਏ.ਸੀ.) ’ਤੇ ਜਾਰੀ ਤਣਾਅ ਵਿਚਾਲੇ ਹਵਾਈ ਫ਼ੌਜ ਮੁਖੀ ਨੇ ਵੀਰਵਾਰ ਨੂੰ ਕਿਹਾ ਕਿ ਸਰਹੱਦ ’ਤੇ ਸੁਰੱਖਿਆ ਫ਼ੋਰਸਾਂ ਦੀ ਪੂਰੀ ਤਾਇਨਾਤੀ ਕੀਤੀ ਹੈ। ਏਅਰ ਚੀਫ਼ ਮਾਰਲ ਆਰ.ਕੇ.ਐੱਸ. ਭਦੌਰੀਆ ਨੇ ਕਿਹਾ ਕਿ ਰਾਫ਼ੇਲ ਜਹਾਜ਼ਾਂ ਦੇ ਆਉਣ ਨਾਲ ਚੀਨੀ ਖੇਮੇ ’ਚ ਚਿੰਤਾ ਵੱਧ ਗਈ ਹੈ।
Rafel
ਭਦੌਰੀਆ ਨੇ ਕਿਹਾ ਕਿ ਚੀਨ ਨੇ ਪੂਰਬੀ ਲੱਦਾਖ਼ ਕੋਲ ਖੇਤਰਾਂ ’ਚ ਅਪਣਾ ਜੇ-20 ਲੜਾਕੂ ਜਹਾਜ਼ ਤਾਇਨਾਤ ਕੀਤਾ ਸੀ ਪਰ ਜਦੋਂ ਅਸੀਂ ਇਸ ਖੇਤਰ ’ਚ ਰਾਫ਼ੇਲ ਤਾਇਨਾਤ ਕੀਤੇ ਤਾਂ ਉਹ ਪਿੱਛੇ ਚੱਲੇ ਗਏ। ਉਨ੍ਹਾਂ ਕਿਹਾ ਕਿ ਮੌਜੂਦਾ ਦੌਰ ’ਚ ਭਾਰਤ ਅਤੇ ਚੀਨ ਵਿਚਾਲੇ ਗੱਲਬਾਤ ਚੱਲ ਰਹੀ ਹੈ। ਸਭ ਇਸ ਗੱਲ ’ਤੇ ਨਿਰਭਰ ਕਰਦਾ ਹੈ ਕਿ ਗੱਲਬਾਤ ਕਿਵੇਂ ਚੱਲਦੀ ਹੈ। ਜਿੰਨੀ ਫੋਰਸ ਦੀ ਲੋੜ ਹੈ, ਅਸੀਂ ਤਾਇਨਾਤੀ ਕੀਤੀ ਹੈ। ਸਾਡੇ ਵਲੋਂ ਗੱਲਬਾਤ ’ਤੇ ਬਹੁਤ ਧਿਆਨ ਦਿਤਾ ਜਾ ਰਿਹਾ ਹੈ। ਜੇਕਰ ਪਿਛੇ ਹਟਣ ਦੀ ਪ੍ਰਕਿਰਿਆ ਸ਼ੁਰੂ ਹੁੰਦੀ ਹੈ ਤਾਂ ਇਹ ਚੰਗਾ ਹੋਵੇਗਾ ਪਰ ਜੇਕਰ ਕੋਈ ਨਵੀਂ ਸਥਿਤੀ ਪੈਦਾ ਹੁੰਦੀ ਹੈ ਤਾਂ ਅਸੀਂ ਉਸ ਲਈ ਪੂਰੀ ਤਰ੍ਹਾਂ ਤਿਆਰ ਹਾਂ।
Rakesh Kumar Singh Bhadauria
ਹਵਾਈ ਫ਼ੌਜ ਮੁਖੀ ਤੋਂ ਜਦੋਂ ਇਹ ਸਵਾਲ ਪੁਛਿਆ ਕਿ ਕੀ ਰਾਫ਼ੇਲ ਜਹਾਜ਼ ਨੇ ਚੀਨ ਲਈ ਚਿੰਤਾ ਪੈਦਾ ਕੀਤੀ ਹੈ, ਇਸ ਦੇ ਜਵਾਬ ’ਚ ਭਦੌਰੀਆ ਨੇ ਕਿਹਾ ਕਿ ਯਕੀਨੀ ਰੂਪ ਨਾਲ ਇਹ ਚੀਨ ਨੂੰ ਪ੍ਰੇਸ਼ਾਨ ਕਰਨ ਵਾਲਾ ਹੈ। ਚੀਨ ਪੂਰਬੀ ਲੱਦਾਖ਼ ਦੇ ਕਰੀਬ ਦੇ ਖੇਤਰਾਂ ’ਚ ਅਪਣਾ ਜੇ-20 ਲੜਾਕੂ ਜਹਾਜ਼ ਲੈ ਕੇ ਆਇਆ ਪਰ ਜਦੋਂ ਅਸੀਂ ਇਸ ਖੇਤਰ ’ਚ ਰਾਫ਼ੇਲ ਲੈ ਕੇ ਆਏ ਤਾਂ ਇਹ ਪਿਛੇ ਚੱਲੇ ਗਏ। ਅਸੀਂ ਉਨ੍ਹਾਂ ਦੇ ਕੰਮਾਂ ਅਤੇ ਸਮਰੱਥਾਵਾਂ ਨੂੰ ਚੰਗੀ ਤਰ੍ਹਾਂ ਜਾਣਦੇ ਹਾਂ।
Rafel
ਭਦੌਰੀਆ ਨੇ ਕਿਹਾ ਕਿ ਪੂੰਜੀਗਤ ਖ਼ਰਚ ’ਚ 20 ਹਜ਼ਾਰ ਕਰੋੜ ਰੁਪਏ ਦਾ ਵਾਧਾ ਸਰਕਾਰ ਦਾ ਵੱਡਾ ਕਦਮ ਹੈ। ਪਿਛਲੇ ਸਾਲ ਵੀ 20 ਹਜ਼ਾਰ ਕਰੋੜ ਰੁਪਏ ਦੇ ਐਡੀਸ਼ਨਲ ਫ਼ੰਡ ਉਪਲੱਬਧ ਕਰਵਾਏ ਗਏ ਸਨ। ਇਸ ਤੋਂ ਤਿੰਨਾਂ ਫ਼ੌਜਾਂ ਨੂੰ ਮਦਦ ਮਿਲੀ। ਮੈਨੂੰ ਲਗਦਾ ਹੈ ਕਿ ਇਹ ਸਾਡੀ ਸਮਰੱਥਾ ਨਿਰਮਾਣ ਲਈ ਪੂਰਾ ਹੈ।
