ਦਿੱਲੀ ਵਿਚ ਬਾਹਰ ਤੋਂ ਆਉਣ ਵਾਲੇ ਸਾਰੇ ਘਰੇਲੂ ਯਾਤਰੀਆਂ ਲਈ ਦਿੱਲੀ ਸਰਕਾਰ ਨੇ ਨਿਯਮ ਬਦਲ ਦਿੱਤੇ ਹਨ
ਨਵੀਂ ਦਿੱਲੀ: ਦਿੱਲੀ ਵਿਚ ਬਾਹਰ ਤੋਂ ਆਉਣ ਵਾਲੇ ਸਾਰੇ ਘਰੇਲੂ ਯਾਤਰੀਆਂ ਲਈ ਦਿੱਲੀ ਸਰਕਾਰ ਨੇ ਨਿਯਮ ਬਦਲ ਦਿੱਤੇ ਹਨ। ਦਿੱਲੀ ਸਰਕਾਰ ਨੇ ਇਸ ਸੰਬੰਧੀ ਇਕ ਆਦੇਸ਼ ਜਾਰੀ ਕੀਤਾ ਹੈ। ਹੁਣ ਦਿੱਲੀ ਦੇ ਅੰਦਰ ਜੋ ਵੀ ਬਿਨਾਂ ਲੱਛਣ ਵਾਲਾ ਯਾਤਰੀ ਆਉਂਦਾ ਹੈ ਉਸ ਨੂੰ ਸੱਤ ਦਿਨਾਂ ਲਈ ਆਪਣੇ ਆਪ ਨੂੰ ਹੋਸ ਕੁਆਰੰਟਾਈਨ ਕਰਨਾ ਹੋਵੇਗਾ।
Corona Virus
ਇਸ ਤੋਂ ਪਹਿਲਾਂ, ਦਿੱਲੀ ਸਰਕਾਰ ਨੇ ਅਜਿਹੇ ਯਾਤਰੀਆਂ ਨੂੰ ਸਿਰਫ ਸਲਾਹ ਦਿੱਤੀ ਸੀ ਕਿ ਦਿੱਲੀ ਆਉਣ 'ਤੇ ਯਾਤਰੀ ਅਗਲੇ 14 ਦਿਨਾਂ ਲਈ ਆਪਣੇ ਆਪ ਦੀ ਨਿਗਰਾਨੀ ਕਰਨਗੇ ਅਤੇ ਜੇਕਰ ਕੁਝ ਲੱਛਣ ਪਾਏ ਗਏ ਤਾਂ ਉਹ ਜ਼ਿਲ੍ਹਾ ਨਿਗਰਾਨੀ ਅਫਸਰ ਨੂੰ ਕਾਲ ਕਰਨਗੇ ਜਾਂ ਰਾਸ਼ਟਰੀ ਕਾਲ ਸੈਂਟਰ ਨੂੰ ਬੁਲਾ ਕੇ ਉਨ੍ਹਾਂ ਨੂੰ ਸੂਚਿਤ ਕਰਨਗੇ।
Corona Virus
ਦਿੱਲੀ ਸਰਕਾਰ ਦਾ ਇਹ ਆਦੇਸ਼ ਸਾਰੇ ਘਰੇਲੂ ਯਾਤਰੀਆਂ (ਏਅਰ / ਰੇਲ / ਬੱਸ) 'ਤੇ ਲਾਗੂ ਹੋਵੇਗਾ। ਖੇਤਰ ਦਾ ਜ਼ਿਲ੍ਹਾ ਮੈਜਿਸਟਰੇਟ ਇਹ ਸੁਨਿਸ਼ਚਿਤ ਕਰੇਗਾ ਕਿ ਯਾਤਰੀ 7 ਦਿਨਾਂ ਲਈ ਹੋਮ ਕੁਆਰੰਟਾਈਨ ਰਹਿਣ। ਇਕ ਹੁਕਮ ਵਿੱਚ, ਦਿੱਲੀ ਸਰਕਾਰ ਨੇ ਸਾਰੇ ਜ਼ਿਲ੍ਹਾ ਕੁਲੈਕਟਰਾਂ ਨੂੰ ਨਿਯਮ ਲਾਗੂ ਕਰਨ ਦੀ ਨਿਗਰਾਨੀ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।
Corona Virus
ਵਿਜੇ ਦੇਵ, ਮੁੱਖ ਸਕੱਤਰ, ਦਿੱਲੀ ਅਤੇ ਦਿੱਲੀ ਆਫ਼ਤ ਪ੍ਰਬੰਧਨ ਅਥਾਰਟੀ ਦੀ ਕਾਰਜਕਾਰੀ ਕਮੇਟੀ ਦੇ ਚੇਅਰਮੈਨ ਦੁਆਰਾ ਜਾਰੀ ਕੀਤੇ ਗਏ ਇਕ ਆਦੇਸ਼ ਵਿਚ ਕਿਹਾ ਗਿਆ ਹੈ ਕਿ ਹਵਾਈ ਅੱਡਾ, ਰੇਲਵੇ ਅਤੇ ਟਰਾਂਸਪੋਰਟ ਵਿਭਾਗ ਹਰ ਦਿਨ ਮੁਸਾਫਰਾਂ ਦੀ ਜਾਣਕਾਰੀ ਮਾਲ ਵਿਭਾਗ ਦੇ ਪ੍ਰਮੁੱਖ ਸਕੱਤਰ ਨੂੰ ਸੌਂਪਣਗੇ। ਆਦੇਸ਼ ਵਿਚ ਕਿਹਾ ਗਿਆ ਹੈ ਕਿ ਦਿੱਲੀ ਦੇ ਰਾਸ਼ਟਰੀ ਰਾਜਧਾਨੀ ਖੇਤਰ ਵਿਚ ਦਾਖਲ ਹੋਣ ਵਾਲੇ ਸਾਰੇ ਲੱਛਣ ਮੁਕਤ ਯਾਤਰੀਆਂ ਨੂੰ 14 ਦਿਨਾਂ ਦੀ ਸਵੈ-ਸਿਹਤ ਨਿਗਰਾਨੀ ਦੀ ਬਜਾਏ ਸੱਤ ਦਿਨਾਂ ਲਈ ਆਪਣੇ ਘਰ ਵਿਚ ਇਕੱਲੇ ਰਹਿਣਾ ਪਏਗਾ।
Corona Virus
ਇਹ ਆਦੇਸ਼ ਉਸ ਦਿਨ ਆਇਆ ਜਦੋਂ ਦਿੱਲੀ ਵਿਚ ਕੋਰੋਨਾ ਵਾਇਰਸ ਦੇ ਰਿਕਾਰਡ 1513 ਮਾਮਲੇ ਸਾਹਮਣੇ ਆਏ ਹਨ। ਇਸ ਦੌਰਾਨ, ਉਤਰਾਖੰਡ ਸਰਕਾਰ ਨੇ ਦੇਸ਼ ਦੇ 75 ਸਭ ਤੋਂ ਵੱਧ ਪ੍ਰਭਾਵਿਤ ਸ਼ਹਿਰਾਂ, ਜਿਨ੍ਹਾਂ ਵਿਚ ਦਿੱਲੀ, ਨੋਇਡਾ, ਆਗਰਾ, ਲਖਊਨ, ਮੇਰਠ, ਵਾਰਾਣਸੀ, ਚੇਨਈ ਅਤੇ ਹੈਦਰਾਬਾਦ ਤੋਂ ਵਾਪਸ ਆਉਣ ਵਾਲੇ ਲੋਕਾਂ ਦੇ ਅਲੱਗ-ਥਲੱਗ ਹੋਣ ਦੀ ਮਿਆਦ ਨੂੰ 14 ਦਿਨਾਂ ਤੋਂ ਵਧਾ ਕੇ 21 ਦਿਨ ਕਰ ਦਿੱਤਾ ਹੈ।
Corona Virus
ਰਾਜ ਦੇ ਮੁੱਖ ਸਕੱਤਰ ਉਤਪਾਲ ਕੁਮਾਰ ਸਿੰਘ ਵੱਲੋਂ ਜਾਰੀ ਕੀਤੇ ਗਏ ਆਦੇਸ਼ ਅਨੁਸਾਰ ਇਨ੍ਹਾਂ ਸ਼ਹਿਰਾਂ ਤੋਂ ਵਾਪਸ ਪਰਤਣ ਵਾਲੇ ਲੋਕਾਂ ਨੂੰ ਸੱਤ ਦਿਨਾਂ ਲਈ ਸੰਸਥਾਗਤ ਵੱਖਰਾਤਾ ਵਿਚ ਰੱਖਿਆ ਜਾਵੇਗਾ ਅਤੇ ਫਿਰ ਉਹ 14 ਦਿਨਾਂ ਤੱਕ ਆਪਣੇ ਘਰਾਂ ਵਿਚ ਵੱਖਰੇ ਰਹਿਣਗੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
