ਪਾਕਿਸਤਾਨੀ ਮਹਿਲਾ ਨੂੰ ਅਪਲਾਈ ਕਰਨ ਤੋਂ 35 ਸਾਲ ਬਾਅਦ ਆਖ਼ਿਰਕਾਰ ਭਾਰਤੀ ਨਾਗਰਿਕਤਾ ਮਿਲ ਗਈ।
ਮੁਜ਼ੱਫਰਨਗਰ: ਪਾਕਿਸਤਾਨੀ ਮਹਿਲਾ ਨੂੰ ਅਪਲਾਈ ਕਰਨ ਤੋਂ 35 ਸਾਲ ਬਾਅਦ ਆਖ਼ਿਰਕਾਰ ਭਾਰਤੀ ਨਾਗਰਿਕਤਾ ਮਿਲ ਗਈ। ਔਰਤ ਦਾ ਵਿਆਹ ਮੁਜ਼ੱਫਰਨਗਰ ਦੇ ਰਹਿਣ ਵਾਲੇ ਇਕ ਵਿਅਕਤੀ ਨਾਲ ਹੋਇਆ ਸੀ ਅਤੇ ਇੰਨੇ ਸਾਲ ਤੱਕ ਉਹ ਲੰਬੇ ਸਮੇਂ ਦੇ ਵੀਜ਼ੇ ‘ਤੇ ਇੱਥੇ ਰਹਿ ਰਹੀ ਸੀ। ਇਕ ਸਥਾਨਕ ਖੁਫੀਆ ਅਧਿਕਾਰੀ ਮੁਤਾਬਕ 55 ਸਾਲ ਦੀ ਜ਼ੁਬੇਦਾ ਦਾ 35 ਸਾਲ ਪਹਿਲਾਂ ਇੱਥੇ ਯੋਗਿੰਦਰਪੁਰ ਇਲਾਕੇ ਦੇ ਨਿਵਾਸੀ ਸਈਦ ਮੁਹੰਮਦ ਜਾਵੇਦ ਨਾਲ ਵਿਆਹ ਹੋਇਆ ਸੀ।
ਜ਼ੁਬੇਦਾ ਨੇ ਵਿਆਹ ਤੋਂ ਤੁਰੰਤ ਬਾਅਦ ਭਾਰਤੀ ਨਾਗਰਿਕਤਾ ਲਈ ਅਪਲਾਈ ਕੀਤਾ ਸੀ ਪਰ ਕੁੱਝ ਕਾਨੂੰਨੀ ਅਧਾਰਾਂ ‘ਤੇ ਇਸ ਨੂੰ ਸਵੀਕਾਰ ਨਹੀਂ ਕੀਤਾ ਗਿਆ ਸੀ।ਅਧਿਕਾਰੀ ਨੇ ਦੱਸਿਆ ਕਿ ਸਾਲ 1994 ਤੋਂ ਬਾਅਦ ਉਹ ਦੇਸ਼ ਵਿਚ ਲੰਬੇ ਸਮੇਂ ਦੇ ਵੀਜ਼ੇ ‘ਤੇ ਰਹਿ ਰਹੀ ਸੀ ਅਤੇ ਇਸ ਹਫ਼ਤੇ ਦੀ ਸ਼ੁਰੂਆਤ ਵਿਚ ਉਸ ਨੂੰ ਭਾਰਤੀ ਨਾਗਰਿਕਤਾ ਮਿਲੀ।
ਹੁਣ ਉਹ ਅਧਾਰ ਕਾਰਡ, ਰਾਸ਼ਨ ਕਾਰਡ ਅਤੇ ਵੋਟਿੰਗ ਕਾਰਡ ਲਈ ਅਪਲਾਈ ਕਰ ਸਕਦੀ ਹੈ। ਇਸ ਔਰਤ ਦੀਆਂ ਦੋ ਲੜਕੀਆਂ ਹਨ- 30 ਸਾਲ ਦੀ ਰੁਮੇਸ਼ਾ ਅਤੇ 26 ਸਾਲ ਦੀ ਜ਼ੁਮੇਸ਼ਾਂ। ਦੋਵੇਂ ਲੜਕੀਆਂ ਦੇ ਵਿਆਹ ਹੋ ਚੁੱਕੇ ਹਨ।ਅਧਿਕਾਰਕ ਅੰਕੜਿਆਂ ਅਨੁਸਾਰ, ਭਾਰਤੀ ਨਾਗਰਿਕਾਂ ਨਾਲ ਵਿਆਹ ਕਰ ਕੇ ਲਗਭਗ 25 ਪਾਕਿਸਤਾਨੀ ਔਰਤਾਂ ਲੰਬੇ ਸਮੇਂ ਦੇ ਵੀਜ਼ੇ ‘ਤੇ ਮੁਜ਼ੱਫਰਨਗਰ ਜ਼ਿਲ੍ਹੇ ਵਿਚ ਰਹਿ ਰਹੀਆਂ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
