ਨੌਸੇਨਾ ਨੇ ਪੰਜ ਗਸ਼ਤ ਕਰਨ ਵਾਲੇ ਜਹਾਜ਼ਾਂ ਦੀ ਸਪਲਾਈ ਨਾ ਕਰਨ ‘ਤੇ ਅਨਿਲ ਅੰਬਾਨੀ ਦੀ ਕੰਪਨੀ ਰਿਲਾਇੰਸ ਨੇਵਲ ਐਂਡ ਇੰਜੀਨੀਅਰਿੰਗ...
ਨਵੀਂ ਦਿੱਲੀ (ਭਾਸ਼ਾ) : ਨੌਸੇਨਾ ਨੇ ਪੰਜ ਗਸ਼ਤ ਕਰਨ ਵਾਲੇ ਜਹਾਜ਼ਾਂ ਦੀ ਸਪਲਾਈ ਨਾ ਕਰਨ ‘ਤੇ ਅਨਿਲ ਅੰਬਾਨੀ ਦੀ ਕੰਪਨੀ ਰਿਲਾਇੰਸ ਨੇਵਲ ਐਂਡ ਇੰਜੀਨੀਅਰਿੰਗ ਲਿਮੀਟਡ (ਆਰਐਨਈਐਲ) ਦੀ ਬੈਂਕ ਗਰੰਟੀ ਜ਼ਬਤ ਕਰ ਲਈ ਹੈ। ਸੌਦਾ 2500 ਕਰੋੜ ਰੁਪਏ ਦਾ ਸੀ। ਨੇਵੀ ਮੁਖੀ ਸੁਨੀਲ ਲਾਂਬਾ ਨੇ ਸੋਮਵਾਰ ਨੂੰ ਪ੍ਰੈੱਸ ਕਾਨਫਰੰਸ ਵਿਚ ਇਹ ਜਾਣਕਾਰੀ ਦਿਤੀ। ਹਾਲਾਂਕਿ, ਉਨ੍ਹਾਂ ਨੇ ਇਹ ਨਹੀਂ ਦੱਸਿਆ ਕਿ ਬੈਂਕ ਗਰੰਟੀ ਦੀ ਰਕਮ ਕਿੰਨੀ ਸੀ।
Navyਨੇਵੀ ਮੁਖੀ ਨੇ ਕਿਹਾ ਕਿ ਆਰਐਨਈਐਲ ਨਿਯੁਕਤ ਸਮੇਂ ਵਿਚ ਜਹਾਜ਼ਾਂ ਦੀ ਸਪਲਾਈ ਨਹੀਂ ਕਰ ਸਕੀ। ਮਾਮਲੇ ਵਿਚ ਆਰਐਨਈਐਲ ਦੇ ਨਾਲ ਕੋਈ ਰਿਆਇਤ ਨਹੀਂ ਵਰਤੀ ਜਾ ਰਹੀ ਹੈ। ਹਾਲਾਂਕਿ, ਉਸ ਦੇ ਨਾਲ ਕਰਾਰ ਅਜੇ ਰੱਦ ਨਹੀਂ ਕੀਤਾ ਗਿਆ ਹੈ। ਮਾਮਲੇ ਦੀ ਹੋਰ ਜਾਂਚ ਕੀਤੀ ਜਾ ਰਹੀ ਹੈ। ਨੇਵੀ ਜਾਂਚ ਰਿਪੋਰਟ ਵੇਖ ਕੇ ਅਗਲਾ ਕਦਮ ਚੁੱਕੇਗੀ। ਆਈਡੀਬੀਆਈ ਕੰਪਨੀ ਨੂੰ ਦਿਤੇ ਗਏ ਕਰਜ਼ ਭੁਗਤਾਨ ਦੀ ਸੂਚੀ ਦੁਬਾਰਾ ਬਣਾ ਰਿਹਾ ਹੈ।
ਬੈਂਕ ਨੇ ਕੰਪਨੀ ਦੇ ਖਿਲਾਫ਼ ਅਦਾਲਤ ਦਾ ਦਰਵਾਜਾ ਖੜਕਾਇਆ ਹੈ। ਜਹਾਜ਼ਾਂ ਦੀ ਸਪਲਾਈ ਲਈ ਨੌਸੇਨਾ ਸਰਵਜਨਿਕ ਖੇਤਰ ਦੀਆਂ ਕੰਪਨੀਆਂ ਨਾਲ ਵੀ ਗੱਲ ਕਰ ਸਕਦੀ ਹੈ। ਇਸ ਸੌਦੇ ਵਿਚ ਲਾਰਸਨ ਐਂਡ ਟੂਬਰੋ ਪਹਿਲਾਂ ਤੋਂ ਸ਼ਾਮਿਲ ਹੈ। ਨੌਸੇਨਾ ਮੁਖੀ ਲਾਂਬਾ ਨੇ ਦੱਸਿਆ ਕਿ ਨੌਸੇਨਾ ਵਿਚ ਹੋਰ 56 ਜੰਗੀ ਜਹਾਜ਼ ਸ਼ਾਮਿਲ ਕਰਨ ਦੀ ਯੋਜਨਾ ਹੈ। ਇਹਨਾਂ ਵਿਚ ਲੜਾਕੂ ਪਨਡੁੱਬੀਆਂ ਵੀ ਹੋਣਗੀਆਂ। ਇਹ ਨਿਰਮਾਣ ਅਧੀਨ 32 ਜਹਾਜ਼ਾਂ ਤੋਂ ਵੱਖ ਹੋਣਗੇ।
Navy Aircraftਨਵੇਂ ਜਹਾਜ਼ ਮਹਿਲਾਂ ਅਫ਼ਸਰਾਂ ਦੀ ਨਿਯੁਕਤੀ ਦੇ ਲਿਹਾਜ਼ ਨਾਲ ਬਣਾਏ ਜਾਣਗੇ। ਨੌਸੇਨਾ ਦੇ ਕੋਲ ਪਹਿਲਾਂ ਤੋਂ ਵਿਕਰਮਾਦਿਤ ਅਤੇ ਕਲਕੱਤਾ ਕਲਾਸ ਵਰਗੇ ਜਹਾਜ਼ ਹਨ। ਇਹ ਮਹਿਲਾ ਅਫ਼ਸਰਾਂ ਲਈ ਢੁਕਵੇਂ ਹਨ। ਤੀਜਾ ਏਅਰਕਰਾਫਟ ਕੈਰੀਅਰ ਜਹਾਜ਼ ਲਿਆਉਣ ਦੀ ਪ੍ਰਕਿਰਿਆ ਸ਼ੁਰੂ ਕੀਤੀ ਜਾ ਚੁੱਕੀ ਹੈ।
