70 ਤੋਂ 80 ਰੁਪਏ ਪ੍ਰਤੀ ਕਿੱਲੋਗ੍ਰਾਮ ਵਿੱਕ ਰਿਹਾ ਹੈ ਪਿਆਜ਼
ਨਵੀਂ ਦਿੱਲੀ : ਇਕ ਮਹੀਨੇ ਵਿਚ ਦੂਜੀ ਵਾਰ ਫਿਰ ਤੋਂ ਪਿਆਜ਼ਾਂ ਦਾ ਭਾਅ ਆਸਮਾਨ ਨੂੰ ਛੂਹ ਰਿਹਾ ਹੈ। ਸੋਮਵਾਰ ਨੂੰ ਪਿਆਜ਼ 70 ਤੋਂ 80 ਰੁਪਏ (Reatail Price) ਪ੍ਰਤੀ ਕਿਲੋਗ੍ਰਾਮ ਵੇਚਿਆ ਗਿਆ ਹੈ। ਵਪਾਰੀਆਂ ਦਾ ਕਹਿਣਾ ਹੈ ਕਿ ਮੰਡੀ ਵਿਚ ਪਿਆਜ ਦੀ ਆਮਦ ਘੱਟ ਹੋਣ ਕਰਕੇ ਭਾਅ ਵਿਚ ਵਾਧਾ ਹੋਇਆ ਹੈ। ਜਾਨਬੁੱਝ ਕੇ ਜਨਤਾ ਨੂੰ ਮਹਿੰਗਾਈ ਦੀ ਮਾਰ ਹੇਠਾਂ ਦੱਬਿਆ ਜਾ ਰਿਹਾ ਹੈ।
ਦੱਸ ਦਈਏ ਕਿ ਸਤੰਬਰ ਮਹੀਨੇ ਵਿਚ ਪਿਆਜ਼ਾਂ ਦੀਆਂ ਕੀਮਤਾਂ ਵਿਚ ਇਸੇ ਤਰ੍ਹਾਂ ਵਾਧਾ ਹੋਇਆ ਸੀ। ਜਿਸ ਤੋਂ ਬਾਅਦ ਲੋਕਾਂ ਨੂੰ ਰਾਹਤ ਦੇਣ ਲਈ ਪ੍ਰਸ਼ਾਸਨ ਨੂੰ ਕਾਊਂਟਰ ਖੋਲ੍ਹਣੇ ਪਏ ਸਨ। ਹੁਣ ਫਿਰ ਨਵੰਬਰ ਮਹੀਨੇ ਵਿਚ ਸਥਿਤੀ ਦੁਬਾਰਾ ਇਹੋ ਜਿਹੀ ਹੀ ਨਜ਼ਰ ਆ ਰਹੀ ਹੈ।
ਸਰਕਾਰ ਦੁਆਰਾ ਸਪਲਾਈ ਵਿਚ ਲਗਾਤਾਰ ਵਾਧਾ ਕਰਨ ਕਰ ਕੇ ਕੀਮਤਾਂ ਵਿਚ ਗਿਰਾਵਟ ਦੇ ਦੋ ਦਿਨ ਬਾਅਦ ਮੰਡੀ ਵਿਚ ਪਿਆਜ਼ ਦੇ ਭਾਅ 10 ਪ੍ਰਤੀਸ਼ਤ ਵੱਧ ਕੇ ਚਾਰ ਸਾਲ ਦੇ ਸੱਭ ਤੋਂ ਉੱਚੇ ਪੱਧਰ 55.50 ਰੁਪਏ ਪ੍ਰਤੀ ਕਿਲੋਗ੍ਰਾਮ ਉੱਤੇ ਆ ਗਏ ਹਨ। ਇਸ ਵੇਲੇ ਪਿਆਜ਼ ਦੇਸ਼ ਭਰ ਦੇ ਬਜ਼ਾਰਾਂ ਵਿਚ 70 ਤੋਂ 80 ਰੁਪਏ ਪ੍ਰਤੀ ਕਿਲੋਗ੍ਰਾਮ ਵੇਚਿਆ ਜਾ ਰਿਹਾ ਹੈ ਜਿਸ ਦੇ ਛੇਤੀ ਹੀ 100 ਰੁਪਏ ਤੱਕ ਪਹੁੰਚਣ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ।