ਮਨੋਹਰ ਪਰੀਕਰ ਨੇ ਗੋਆ ਸਰਕਾਰ ਵਿਚ ਮੰਤਰੀ ਵਿਸ਼ਵਜੀਤ ਰਾਣਾ ਨੂੰ ਕਿਹਾ ਕਿ ਸੌਦੇ ਨਾਲ ਜੁੜੀ ਜਾਣਕਾਰੀ ਮੇਰੇ ਬੈਡਰੂਮ ਵਿਚ ਹੈ।
ਗੋਆ : ਗੋਆ ਰਾਜ ਕਾਂਗਰਸ ਕਮੇਟੀ ਨੇ ਰਾਸ਼ਟਰਪਤੀ ਨੂੰ ਚਿੱਠੀ ਲਿਖ ਕੇ ਰਾਜ ਦੇ ਮੁੱਖ ਮੰਤਰੀ ਮਨੋਹਰ ਪਰੀਕਰ ਦੀ ਸੁਰੱਖਿਆ ਵਧਾਉਣ ਦੀ ਮੰਗ ਕੀਤੀ ਹੈ। ਰਾਸ਼ਟਰਪਤੀ ਨੂੰ ਲਿਖੀ ਚਿੱਠੀ ਵਿਚ ਕਾਂਗਰਸ ਨੇ ਲਿਖਿਆ ਹੈ ਕਿ ਸਾਬਕਾ ਰੱਖਿਆ ਮੰਤਰੀ ਅਤੇ ਮੌਜੂਦਾ ਮੁੱਖ ਮੰਤਰੀ ਦੇ ਕੋਲ ਰਾਫੇਲ ਸੌਦੇ ਨਾਲ ਜੁੜੀਆਂ ਕੁਝ ਫਾਈਲਾਂ ਹਨ। ਇਹਨਾਂ ਦੇ ਚਲਦਿਆਂ ਕੁਝ ਲੋਕ ਉਹਨਾਂ ਫਾਈਲਾਂ ਨੂੰ ਹਾਸਲ ਕਰਨ
Rafale Deal
ਅਤੇ ਉਹਨਾਂ ਨੂੰ ਜਨਤਕ ਹੋਣ ਤੋਂ ਰੋਕਣ ਲਈ ਪਰੀਕਰ 'ਤੇ ਜਾਨਲੇਵਾ ਹਮਲਾ ਕਰ ਸਕਦੇ ਹਨ। ਕਾਂਗਰਸ ਪਾਰਟੀ ਮੁਤਾਬਕ ਇਹ ਹਮਲਾ ਉਹ ਲੋਕ ਕਰ ਸਕਦੇ ਹਨ ਜੋ ਇਸ ਮਾਮਲੇ ਨਾਲ ਜੁੜੀਆਂ ਫਾਈਲਾਂ ਨੂੰ ਜਨਤਕ ਹੋਣ ਤੋਂ ਰੋਕਣਾ ਚਾਹੁੰਦੇ ਹਨ। ਪਾਰਟੀ ਮੁਤਾਬਕ ਰਾਫੇਲ ਮਾਮਲੇ ਨਾਲ ਸਬੰਧਤ ਫਾਈਲਾਂ ਜੇਕਰ ਜਨਤਾ ਦੇ ਸਾਹਮਣੇ ਆ ਗਈਆਂ ਤਾਂ ਇਸ ਨਾਲ ਇਸ ਮਾਮਲੇ ਵਿਚ ਹੋਏ ਭ੍ਰਿਸ਼ਟਾਚਾਰ ਦਾ ਖੁਲਾਸਾ ਹੋ ਜਾਵੇਗਾ। ਇਸੇ ਕਾਰਨ ਕਾਂਗਰਸ ਨੇ ਮਨੋਹਰ ਪਰੀਕਰ 'ਤੇ ਜਾਨਲੇਵਾ ਹਮਲਾ ਹੋਣ ਦਾ ਖ਼ਤਰਾ ਪ੍ਰਗਟ ਕੀਤਾ ਹੈ।
Goa Pradesh Congress Committee writes to President of India seeking enhanced security cover for Goa CM as,"There may be attempts on his life to obtain files from those who want that details of #Rafale deal should not come in public domain as corruption in the deal will be proved" pic.twitter.com/3SCdo4GBUk
— ANI (@ANI) January 5, 2019
ਜ਼ਿਕਰਯੋਗ ਹੈ ਕਿ ਕਾਂਗਰਸ ਲੜਾਕੂ ਜਹਾਜ਼ ਰਾਫੇਲ ਦੇ ਸੌਦੇ ਵਿਚ ਕਥਿਤ ਭ੍ਰਿਸ਼ਟਾਚਾਰ ਦੇ ਦੋਸ਼ ਲਗਾ ਰਹੀ ਹੈ। ਇਸ ਨੂੰ ਲੈ ਕੇ ਉਹ ਲਗਾਤਾਰ ਕੇਂਦਰ ਸਰਕਾਰ 'ਤੇ ਹਮਲੇ ਵੀ ਕਰ ਰਹੀ ਹੈ। ਰਾਫੇਲ ਡੀਲ ਨਾਲ ਜੁੜੀ ਇਕ ਆਡਿਓ ਕਲਿਪ ਜਾਰੀ ਕਰਨ ਤੋਂ ਬਾਅਦ ਮਨੋਹਰ ਪਰੀਕਰ 'ਤੇ ਦੋਸ਼ ਲਗਾਏ ਸਨ। ਉਸ ਆਡਿਓ ਕਲਿਪ ਦੇ ਆਧਾਰ 'ਤੇ ਕਾਂਗਰਸ ਨੇ ਦਾਅਵਾ ਕੀਤਾ ਕਿ ਮਨੋਹਰ ਪਰੀਕਰ ਨੇ ਗੋਆ ਸਰਕਾਰ ਵਿਚ ਮੰਤਰੀ ਵਿਸ਼ਵਜੀਤ ਰਾਣਾ ਨੂੰ ਕਿਹਾ ਕਿ ਸੌਦੇ ਨਾਲ ਜੁੜੀ ਜਾਣਕਾਰੀ ਮੇਰੇ ਬੈਡਰੂਮ ਵਿਚ ਹੈ। ਹਾਲਾਂਕਿ ਇਸ ਆਡਿਓ ਕਲਿਪ ਨੂੰ ਪਰੀਕਰ ਅਤੇ ਵਿਸ਼ਵਜੀਤ ਰਾਣਾ ਦੋਹਾਂ ਨੇ ਖਾਰਜ ਕਰ ਦਿਤਾ ਸੀ।
