ਕੇਰਲ ‘ਚ ਚੀਨ ਦੇ ਇੱਕ ਜਵਾਨ ਨੂੰ ਰਹਿਣ ਲਈ ਹੋਟਲ ਨਾ ਮਿਲਣ ‘ਤੇ ਪ੍ਰੇਸ਼ਾਨ...
ਤੀਰੁਵਨੰਤਪੁਰਮ: ਕੇਰਲ ‘ਚ ਚੀਨ ਦੇ ਇੱਕ ਜਵਾਨ ਨੂੰ ਰਹਿਣ ਲਈ ਹੋਟਲ ਨਾ ਮਿਲਣ ‘ਤੇ ਪ੍ਰੇਸ਼ਾਨ ਹੋ ਕੇ ਤੀਰੁਵਨੰਤਪੁਰਮ ਪੁਲਿਸ ਦੇ ਕੋਲ ਪਹੁੰਚਿਆ, ਲੇਕਿਨ ਪੁਲਿਸ ਨੇ ਉਸਨੂੰ ਹੋਟਲ ਦੇ ਬਜਾਏ ਹਸਪਤਾਲ ਦੇ ਇੱਕ ਵੱਖਰੇ ਵਾਰਡ ਵਿੱਚ ਭਰਤੀ ਕਰਾ ਦਿੱਤਾ।
Corona Virus
ਪੁਲਿਸ ਨੇ ਦੱਸਿਆ ਕਿ ਭਾਰਤ ਦੀ ਯਾਤਰਾ ‘ਤੇ ਆਇਆ 25 ਸਾਲ ਦਾ ਪਰਯਟਨ ਮੰਗਲਵਾਰ ਨੂੰ ਦਿੱਲੀ ਪਹੁੰਚਿਆ। ਜਦੋਂ ਹੋਟਲ ਵਿੱਚ ਕਮਰਾ ਨਾ ਮਿਲਣ ਦੀਆਂ ਸਾਰੀਆਂ ਕੋਸ਼ਿਸ਼ਾਂ ਨਾਕਾਮ ਹੋ ਗਈਆਂ ਤਾਂ ਉਹ ਸ਼ਿਕਾਇਤ ਲੈ ਕੇ ਸ਼ਹਿਰ ਦੇ ਪੁਲਿਸ ਥਾਣੇ ‘ਚ ਪਹੁੰਚਿਆ। ਉਨ੍ਹਾਂ ਨੇ ਦੱਸਿਆ ਕਿ ਜਿਵੇਂ ਹੀ ਪੁਲਸ ਕਰਮੀਆਂ ਨੇ ਸੁਣਿਆ ਕਿ ਉਹ ਚੀਨ ਤੋਂ ਆਇਆ ਹੈ ਤਾਂ ਉਹ ਉਸਨੂੰ ਹਸਪਤਾਲ ਦੇ ਵੱਖਰੇ ਵਾਰਡ ਵਿੱਚ ਲੈ ਗਏ।
Corona Virus
ਦੱਸ ਦਈਏ ਕਿ ਚੀਨ ਵਿੱਚ ਕੋਰੋਨਾ ਵਾਇਰਸ ਦੇ ਚਲਦੇ 563 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਸਿਚੁਆਨ ਰਾਜ ਦੇ ਇਸ ਪਰਯਟਨ ਦੇ ਵਿਚ ਵਾਇਰਸ ਦੇ ਕੋਈ ਲੱਛਣ ਨਹੀਂ ਹਨ। ਹਾਲਾਂਕਿ, ਉਸਦੇ ਸੈਂਪਲਾਂ ਨੂੰ ਜਾਂਚ ਲਈ ਭੇਜਿਆ ਗਿਆ ਹੈ।
Corona Virus
ਦੱਸਿਆ ਜਾ ਰਿਹਾ ਹੈ ਕਿ ਉਹ 23 ਜਨਵਰੀ ਨੂੰ ਦਿੱਲੀ ਪਹੁੰਚਿਆ ਅਤੇ ਮੰਗਲਵਾਰ ਨੂੰ ਜਹਾਜ਼ ਰਾਹੀਂ ਇੱਥੇ ਪਹੁੰਚਿਆ ਸੀ। ਤੀਰੁਵਨੰਤਪੁਰਮ ਪੁੱਜਣ ਤੋਂ ਬਾਅਦ ਉਹ ਹੋਟਲ ‘ਚ ਕਮਰਾ ਲੱਭਣ ਲਈ ਨਿਕਲਿਆ ਪਰ ਚੀਨ ਦਾ ਨਾਗਰਿਕ ਹੋਣ ਦੇ ਕਾਰਨ ਉਸਨੂੰ ਹਰ ਥਾਂ ਕਮਰਾ ਦੇਣ ਤੋਂ ਇਨਕਾਰ ਕਰ ਦਿੱਤਾ ਗਿਆ। ਇਸਤੋਂ ਬਾਅਦ ਉਸਨੇ ਪੁਲਿਸ ਤੋਂ ਮਦਦ ਮੰਗੀ।
Corona Virus
ਪੁਲਿਸ ਥਾਣੇ ਦੀ ਪੁਲਿਸ ਨੇ ਤੁਰੰਤ ਸਿਹਤ ਅਧਿਕਾਰੀਆਂ ਅਤੇ ਜ਼ਿਲ੍ਹਾ ਦਫ਼ਤਰ ਨੂੰ ਸੂਚਿਤ ਕੀਤਾ ਅਤੇ ਜਿਲਾ ਸਹਿਤ ਅਧਿਕਾਰੀ ਦੇ ਹੁਕਮਾਂ ‘ਤੇ ਉਸਨੂੰ ਜਨਰਲ ਹਸਪਤਾਲ ਦੇ ਇੱਕ ਵੱਖਰੇ ਵਾਰਡ ਵਿੱਚ ਭਰਤੀ ਕਰਾ ਦਿੱਤਾ ਗਿਆ।
Corona
ਪੁਲਿਸ ਨੇ ਦੱਸਿਆ ਕਿ ਜਦੋਂ ਤੱਕ ਨਤੀਜੇ ਨਹੀਂ ਆਉਂਦੇ ਉਹ ਵੱਖਰ ਵਾਰਡ ਵਿੱਚ ਹੀ ਰਹੇਗਾ। ਕੇਂਦਰ ਸਰਕਾਰ ਨੂੰ ਵੀ ਸੂਚਿਤ ਕਰ ਦਿੱਤਾ ਗਿਆ ਹੈ। ਚੀਨੀ ਨਾਗਰਿਕ ਤੋਂ ਇਲਾਵਾ ਰਾਜ ਵਿੱਚ ਦੋ ਹੋਰ ਵਿਦੇਸ਼ੀ ਨਾਗਰਿਕਾਂ ਸਮੇਤ 2,528 ਲੋਕਾਂ ਦੀ ਕੋਰੋਨਾ ਵਾਇਰਸ ਦੀ ਡਾਕਟਰੀ ਜਾਂਚ ਚੱਲ ਰਹੀ ਹੈ।
