ਮਧੂਮਿਤਾ ਬੰਧਾਨੀ ਨਾਂਅ ਦੀ ਇਹ ਔਰਤ ਸਿਰਫ਼ ਅੱਠਵੀਂ ਜਮਾਤ ਤੱਕ ਪੜ੍ਹੀ ਸੀ, 15 ਸਾਲ ਦੀ ਉਮਰ ਵਿਚ ਹੀ ਇਸ ਦਾ ਵਿਆਹ ਕਰ ਦਿੱਤਾ ਗਿਆ....
ਨਵੀਂ ਦਿੱਲੀ- ਸਾਡੇ ਸਮਾਜ ਦੀ ਇਕ ਸੋਚ ਆਮ ਬਣੀ ਹੈ ਕਿ ਔਰਤ ਇੱਕਲੀ ਕੁੱਝ ਨਹੀਂ ਕਰ ਸਕਦੀ ਪਰ ਇਸ ਸੋਚ ਨੂੰ ਉਡੀਸ਼ਾ ਦੇ ਬਲੇਸ਼ਵਰ ਸ਼ਹਿਰ ਵਿਚ ਰਹਿਣ ਵਾਲੀ ਹੀ ਇਕ ਔਰਤ ਨੇ ਗਲਤ ਸਾਬਤ ਕਰ ਦਿੱਤਾ ਹੈ। ਉਸ ਨੇ ਆਪਣੇ ਬੱਚੇ ਦੇ ਭਵਿੱਖ ਨੂੰ ਵਧੀਆ ਬਣਾਉਣ ਲਈ ਆਟੋਰਿਕਸ਼ਾ ਚਲਾਉਣ ਦਾ ਫ਼ੈਸਲਾ ਕੀਤਾ। ਮਧੂਮਿਤਾ ਬੰਧਾਨੀ ਨਾਂਅ ਦੀ ਇਹ ਔਰਤ ਸਿਰਫ਼ ਅੱਠਵੀਂ ਜਮਾਤ ਤੱਕ ਪੜ੍ਹੀ ਸੀ, 15 ਸਾਲ ਦੀ ਉਮਰ ਵਿਚ ਹੀ ਇਸ ਦਾ ਵਿਆਹ ਕਰ ਦਿੱਤਾ ਗਿਆ।
File Photo
ਕੁੱਝ ਸਮੇਂ ਬਾਅਦ ਹੀ ਪਤੀ ਨੇ ਇਸ ਨੂੰ ਘਰੋਂ ਕੱਢ ਦਿੱਤਾ। ਪਤੀ ਦੁਆਰਾ ਛੱਡੇ ਜਾਣ ਤੋਂ ਬਾਅਦ ਇਸ ਔਰਤ ਨੇ ਹਿੰਮਤ ਨਹੀਂ ਹਾਰੀ ਤੇ ਆਪਣੇ ਬੱਚੇ ਦੇ ਪਾਲਣ ਪੋਸ਼ਣ ਤੇ ਉਸ ਦੇ ਭਵਿੱਖ ਨੂੰ ਰੌਸ਼ਨ ਕਰਨ ਲਈ ਆਟੋਰਿਕਸ਼ਾ ਚਲਾਉਣ ਦਾ ਕੰਮ ਸ਼ੁਰੂ ਕਰ ਦਿੱਤਾ। ਇਹ ਔਰਤ ਦੇਸ਼ ਦੀ ਪਹਿਲੀ ਆਟੋਰਿਕਸ਼ਾ ਡਰਾਇਵਰ ਬਣ ਗਈ ਹੈ ਤੇ ਨਾਲ ਹੀ ਉਹ ਬਾਕੀ ਔਰਤਾਂ ਲਈ ਵੀ ਮਿਸਾਲ ਬਣੀ ,ਜੋ ਪਤੀ ਦਾ ਘਰ ਛੱਡਣ ਤੋਂ ਬਾਅਦ ਆਪਣਾ ਜੀਵਨ ਬਸਰ ਕਰ ਰਹੀਆਂ ਹਨ।
Auto rickshaws
ਮਧੂਮਿਤਾ ਨੇ ਅੱਗੇ ਦੱਸਿਆ ਕਿ, ਪਤੀ ਦਾ ਘਰ ਛੱਡਣ ਤੋਂ ਬਾਅਦ ਉਹ ਆਪਣੇ ਪੇਕੇ ਘਰ ਆ ਗਈ। ਇੱਥੇ ਆ ਕੇ ਉਸ ਨੇ ਆਟੋਰਿਕਸ਼ਾ ਚਲਾਉਣਾ ਸ਼ੁਰੂ ਕੀਤਾ। ਉਹ ਇਕ ਗਰੀਬ ਪਰਿਵਾਰ ਵਿਚੋਂ ਹੈ ਇਸ ਲਈ ਉਸ ਨੇ ਸਾਰੇ ਪਰਿਵਾਰ ਦੀ ਜ਼ਿੰਮੇਵਾਰੀ ਆਪਣੇ ਸਿਰ ਲੈ ਕੇ ਇਹ ਕੰਮ ਸ਼ੁਰੂ ਕੀਤਾ। ਉਹ ਪਹਿਲਾ ਘਰ ਦਾ ਸਾਰਾ ਕੰਮ ਕਰਦੀ ਹੈ ਫਿਰ ਬੱਚੇ ਨੂੰ ਸਕੂਲ ਭੇਜ ਕੇ ਉਹ ਕੰਮ ਤੇ ਜਾਂਦੀ ਹੈ। ਮਧੂਮਿਤਾ 60 ਕਿਲੋਮੀਟਰ ਦੇ ਘੇਰੇ ਵਿਚ ਹੀ ਆਟੋਰਿਕਸ਼ਾ ਚਲਾਉਂਦੀ ਹੈ।
Mother
ਜਾਣਕਾਰੀ ਅਨੁਸਾਰ ਮਧੂਮਿਤਾ ਆਟੋਰਿਕਸ਼ਾ ਵਿਚ ਕੇਵਲ ਔਰਤਾਂ ਨੂੰ ਹੀ ਸਫ਼ਰ ਕਰਵਾਉਂਦੀ ਹੈ। ਸੁਣਨ ਵਿਚ ਆਇਆ ਹੈ ਕਿ ਮਧੂਮਿਤਾ ਮਜ਼ਬੂਰ ਜਾ ਅਸਿਹ ਲੋਕਾਂ ਤੋਂ ਪੇਸੈ ਨਹੀ ਲੈਂਦੀ, ਫੇਰ ਵੀ ਉਨ੍ਹਾਂ ਨੂੰ ਮੰਜਿਲ ਤੱਕ ਪੁੰਹਚਾ ਦਿੰਦੀ ਹੈ। ਮਧੂਮਿਤਾ ਨੇ ਦੱਸਿਆ ਕਿ ਆਟੋਰਿਕਸ਼ਾ ਚਲਾ ਕੇ ਮਹੀਨੇ ਦਾ 10 ਹਜ਼ਾਰ ਤੱਕ ਕਮਾ ਲੈਂਦੀ ਹੈ। ਉਸ ਨੇ ਨਾਲ ਹੀ ਕਿਹਾ ਕਿ ਉਹ ਆਪਣੇ ਬੱਚਿਆਂ ਨੂੰ ਉੱਚ ਸਿੱਖਿਆ ਦੇਣਾ ਚਾਹੁੰਦੀ ਹੈ ਤਾਂ ਜੋ ਉਹ ਵਧੀਆ ਜ਼ਿੰਦਗੀ ਬਸਰ ਕਰਨ। ਮਧੂਮਿਤਾ ਦੀ ਇਸ ਸੋਚ ਨੇ ਔਰਤ ਜਗਤ ਨੂੰ ਇਕ ਨਵੀਂ ਰੋਸ਼ਨੀ ਦਿੱਤੀ।
