ਅੱਜ ਭਾਰਤੀ ਹਵਾਈ ਫੌਜ ਦਾ 87ਵਾਂ ਸਥਾਪਨਾ ਦਿਵਸ ਹੈ। ਇਸ ਮੌਕੇ ਅੱਜ ਗਾਜ਼ੀਆਬਾਦ ਦੇ ਹਿੰਡਨ ਏਅਰਫੋਰਸ ਸਟੇਸ਼ਨ ‘ਤੇ ਭਾਰਤੀ ਹਵਾਈ ਫੌਜ ਨੇ ਫੌਜ ਦੀ ਤਾਕਤ ਦਾ ਪ੍ਰਦਰਸ਼ਨ ਕੀਤਾ
ਨਵੀਂ ਦਿੱਲੀ: ਅੱਜ ਭਾਰਤੀ ਹਵਾਈ ਫੌਜ ਦਾ 87ਵਾਂ ਸਥਾਪਨਾ ਦਿਵਸ ਹੈ। ਇਸ ਮੌਕੇ ‘ਤੇ ਅੱਜ ਗਾਜ਼ੀਆਬਾਦ ਦੇ ਹਿੰਡਨ ਏਅਰਫੋਰਸ ਸਟੇਸ਼ਨ ‘ਤੇ ਭਾਰਤੀ ਹਵਾਈ ਫੌਜ ਨੇ ਫੌਜ ਦੀ ਤਾਕਤ ਦਾ ਪ੍ਰਦਰਸ਼ਨ ਕੀਤਾ। ਇਸ ਸਮਾਰੋਹ ਦੌਰਾਨ ਭਾਰਤੀ ਹਵਾਈ ਫੌਜ ਦੇ ਕਈ ਸੀਨੀਅਰ ਅਧਿਕਾਰੀਆਂ ਦੇ ਨਾਲ ਕਈ ਦੂਜੇ ਦੇਸ਼ਾਂ ਦੇ ਫੌਜ ਅਧਿਕਾਰੀ ਵੀ ਸ਼ਾਮਲ ਹੋਏ ਅਤੇ ਉਹਨਾਂ ਨੇ ਏਅਰ ਸ਼ੋਅ ਦੇ ਖ਼ੁਬਸੂਰਤ ਨਜ਼ਾਰੇ ਦਾ ਅਨੰਦ ਮਾਣਿਆ।
ਇਸ ਮੌਕੇ ਸਾਬਕਾ ਕ੍ਰਿਕਟਰ ਸਚਿਨ ਤੇਦੂਲਕਰ ਵੀ ਮੌਜੂਦ ਰਹੇ। ਇਹ ਏਅਰ ਸ਼ੋਅ ਕਰੀਬ ਇਕ ਘੰਟੇ ਤੱਕ ਚੱਲਿਆ। ਇਸ ਦੌਰਾਨ ਭਾਰਤੀ ਹਵਾਈ ਫੌਜ ਦੇ ਅਕਾਸ਼ ਗੰਗਾ ਟੀਮ, ਗਰੂੜ ਕਮਾਂਡੋ ਯੂਨਿਟ, ਏਅਰ ਵਾਰੀਅਰ ਸ਼ੋਅ ਆਦਿ ਤੋਂ ਲੈ ਕੇ ਮੇਕ ਇਨ ਇੰਡੀਆ ਥੀਮ ਦੇ ਅਧੀਨ ਬਣੇ ਜਹਾਜ਼ਾਂ ਨਾਲ ਕਰਤੱਬ ਦਿਖਾਏ ਗਏ। ਇੱਥੇ ਦਰਸ਼ਕਾਂ ਦੇ ਬੈਠਣ ਲਈ ਖ਼ਾਸ ਇੰਤਜ਼ਾਮ ਕੀਤੇ ਗਏ। ਏਅਰ ਸ਼ੋਅ ਵਿਚ ਟੀਮ ਸਾਰੰਗ ਨੇ ਅਸਮਾਨ ‘ਤੇ ਦਿਲ ਦਾ ਆਕਾਰ ਬਣਾ ਕੇ ਦਰਸ਼ਕਾਂ ਦਾ ਦਿਲ ਜਿੱਤਿਆ।ਇਸ ਦੇ ਨਾਲ ਹੀ ਏਅਰ ਸ਼ੋਅ ਵਿਚ ਅਪਾਚੇ, ਚਿਨੂਕ, ਡਕੌਤਾ, ਤੇਜਸ ਅਤੇ ਹਵਾਈ ਫੌਜ ਦੇ ਹੋਰ ਲੜਾਕੂ ਜਹਾਜ਼ਾਂ ਨੇ ਅਪਣੇ ਕਰਤੱਬ ਦਿਖਾਏ।
ਫੌਜ ਮੁਖੀ ਜਨਰਲ ਵਿਪਸ ਰਾਵਤ ਅਤੇ ਹਵਾਈ ਫੌਜ ਮੁਖੀ ਏਅਰ ਚੀਫ਼ ਮਾਰਸ਼ਲ ਆਰਕੇਐਸ ਭਦੌਰੀਆ ਵੀ ਇਸ ਖ਼ਾਸ ਮੌਕੇ ‘ਤੇ ਮੌਜੂਦ ਸਨ। ਇਸ ਮੌਕੇ ਵਿੰਗ ਕਮਾਂਡਰ ਅਭਿਨੰਦਰ ਵਰਧਮਾਨ ਵੀ ਗਾਜ਼ੀਆਬਾਦ ਵਿਚ ਹਿੰਡਨ ਏਅਰਬੇਸ ਵਿਚ ਹਵਾਈ ਫੌਜ ਦਿਵਸ ਪਰੇਡ ਵਿਚ ਮਿਗ ਬਾਈਸਨ ਜਹਾਜ਼ ਉਡਾਉਣਗੇ। ਤਿੰਨ ਮਿਰਾਜ-2000 ਜਹਾਜ਼ ਅਤੇ ਦੋ ਸੁਖੋਈ-30 ਐਮਕੇਆਈ ਜਹਾਜ਼ ‘ਏਵੇਂਜਰ ਫੋਰਮੈਸ਼ਨ’ ਵੀ ਉਡਾਏ ਜਾਣਗੇ। ਇਹਨਾਂ ਜਹਾਜ਼ਾਂ ਨੂੰ ਉਹੀ ਪਾਇਲਟ ਉਡਾਉਣਗੇ ਜੋ ਬਾਲਾਕੋਟ ਹਵਾਈ ਹਮਲੇ ਵਿਚ ਸ਼ਾਮਲ ਸਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
