ਰਿਸੈਪਸ਼ਨਿਸਟ ਕ੍ਰਿਸ਼ਨ ਪ੍ਰਤਾਪ ਸਿੰਘ ਨੇ ਜਦ ਪੁਛਗਿਛ ਰਾਹੀ ਦੋਸ਼ੀ ਨੂੰ ਲੜਕੀਆਂ ਨੂੰ ਮਿਲਣ ਦੀ ਇਜਾਜ਼ਤ ਦੇਣ ਤੋਂ ਇਨਕਾਰ ਕਰ ਦਿਤਾ ਤਾਂ ਦੋਸ਼ੀ ਨੇ ਰਿਸੈਪਸ਼ਨਿਸਟ ਨੂੰ ਗੋਲੀ ਮਾਰ ਦਿਤੀ।
ਲਖਨਊ , ( ਭਾਸ਼ਾ ) : ਸਥਾਨਕ ਸਹਾਰਾ ਗ੍ਰੈਂਡ ਹੋਟਲ ਵਿਚ ਰਿਸੈਪਸ਼ਨਿਸਟ ਦਾ ਗੋਲੀ ਮਾਰ ਕੇ ਕਤਲ ਕਰਨ ਦੇ ਮਾਮਲੇ ਦਾ ਖੁਲਾਸਾ ਹੋ ਗਿਆ ਹੈ। ਇਸ ਮਾਮਲੇ ਵਿਚ ਦੋ ਲੜਕੀਆਂ ਸਮੇਤ ਤਿੰਨ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਜਦਕਿ ਇਕ ਹੋਰ ਅਜੇ ਤੱਕ ਫਰਾਰ ਹੈ। ਵਾਰਦਾਤ ਦੀ ਜਾਂਚ ਲਈ ਗਠਿਤ ਕੀਤੀ ਗਈ ਟੀਮ ਨੇ 10 ਘੰਟੇ ਵਿਚ ਹਾਦਸੇ ਦਾ ਖੁਲਾਸਾ ਕਰ ਦਿਤਾ ਹੈ। ਪੁਲਿਸ ਟੀਮ ਮੁਤਾਬਕ ਦੋਸ਼ੀ ਨੌਜਵਾਨ ਸਹਾਰਾ ਗ੍ਰੈਂਡ ਹੋਟਲ ਵਿਚ ਰੁਕੀਆਂ ਹੋਈਆਂ ਲੜਕੀਆਂ ਨੂੰ ਮਿਲਣ ਲਈ ਆਇਆ ਸੀ।
Crime
ਉਸ ਵੇਲੇ ਉਥੇ ਮੌਜੂਦ ਰਿਸੈਪਸ਼ਨਿਸਟ ਕ੍ਰਿਸ਼ਨ ਪ੍ਰਤਾਪ ਸਿੰਘ ਨੇ ਜਦ ਪੁਛਗਿਛ ਰਾਹੀ ਦੋਸ਼ੀ ਨੂੰ ਲੜਕੀਆਂ ਨੂੰ ਮਿਲਣ ਦੀ ਇਜਾਜ਼ਤ ਦੇਣ ਤੋਂ ਇਨਕਾਰ ਕਰ ਦਿਤਾ ਤਾਂ ਗੁੱਸੇ ਵਿਚ ਭੜਕੇ ਹੋਏ ਦੋਸ਼ੀ ਨੇ ਰਿਸੈਪਸ਼ਨਿਸਟ ਨੂੰ ਗੋਲੀ ਮਾਰ ਦਿਤੀ। ਜਿਸ ਨਾਲ ਮੌਕੇ 'ਤੇ ਹੀ ਉਸ ਦੀ ਮੌਤ ਹੋ ਗਈ। ਮ੍ਰਿਤਕ ਕ੍ਰਿਸ਼ਨ ਪ੍ਰਤਾਪ ਸਿੰਘ ਪ੍ਰਤਾਪਗੜ੍ਹ ਦੇ ਥਾਣਾ ਜਟਵਾਰਾ ਦੇ ਪਿੰਡ ਪੂਰੇ ਬਸਾਵਨ ਦਾ ਰਹਿਣ ਵਾਲਾ ਸੀ। ਪੁਲਿਸ ਨੇ ਸੀਸੀਟੀਵੀ ਦੇ ਕੈਮਰੇ ਦੀ ਮਦਦ ਨਾਲ ਮਾਮਲੇ ਦਾ ਖੁਲਾਸਾ ਕੀਤਾ। ਸੀਸੀਟੀਵੀ ਵਿਚ ਦੋਸ਼ੀ ਗੋਲੀ ਮਾਰਨ ਤੋਂ ਬਾਅਦ ਉਥੋਂ ਭੱਜਦਾ ਹੋਇਆ ਨਜ਼ਰ ਆ ਰਿਹਾ ਹੈ।
