ਅਦਾਕਾਰ ਅਨੁਪਮ ਖੇਰ ਦੀ ਫ਼ਿਲਮ ‘ਦ ਐਕਸੀਡੈਂਟਲ ਪ੍ਰਾਇਮ ਮਨਿਸਟਰ’ ਦੇ ਪ੍ਰੋਮੋ ਅਤੇ ਫ਼ਿਲਮ.......
ਨਵੀਂ ਦਿੱਲੀ : ਅਦਾਕਾਰ ਅਨੁਪਮ ਖੇਰ ਦੀ ਫ਼ਿਲਮ ‘ਦ ਐਕਸੀਡੈਂਟਲ ਪ੍ਰਾਇਮ ਮਨਿਸਟਰ’ ਦੇ ਪ੍ਰੋਮੋ ਅਤੇ ਫ਼ਿਲਮ ਦੇ ਰਿਲੀਜ਼ ਨੂੰ ਤੁਰੰਤ ਰੋਕਣ ਲਈ ਦਿੱਲੀ ਹਾਈਕੋਰਟ ਵਿਚ ਲਗਾਈ ਗਈ ਜਨਹਿਤ ਮੰਗ (PIL) ਖ਼ਾਰਜ ਹੋ ਗਈ ਹੈ। ਇਸ ਮੰਗ ਨੂੰ ਖ਼ਾਰਜ ਕਰਦੇ ਹੋਏ ਹਾਇਕੋਰਟ ਨੇ ਕਿਹਾ ਕਿ ਇਸ ਮਾਮਲੇ ਵਿਚ ਪ੍ਰਭਾਵਿਤ ਲੋਕ ਹੀ ਮੰਗ ਦਾਖਲ ਕਰਨ ਦਾ ਅਧਿਕਾਰ ਰੱਖਦੇ ਹਨ। ਇਹ ਜਨਹਿਤ ਨਾਲ ਜੁੜਿਆ ਹੋਇਆ ਮਾਮਲਾ ਨਹੀਂ ਹੈ। ਲਿਹਾਜਾ ਅਸੀਂ ਇਸ ਜਨਹਿਤ ਮੰਗ ਨੂੰ ਖ਼ਾਰਜ ਕਰ ਰਹੇ ਹਾਂ।
The Accidental Prime Minister
ਪਟੀਸ਼ਨ ਨੂੰ ਫਟਕਾਰ ਲਗਾਉਂਦੇ ਹੋਏ ਕੋਰਟ ਨੇ ਕਿਹਾ ਕਿ ਦੇਸ਼ ਵਿਚ ਕੁੱਝ ਵੀ ਹੁੰਦਾ ਹੈ, ਤਾਂ ਤੁਸੀਂ ਕੋਰਟ ਆ ਜਾਂਦੇ ਹੋ। ਕੋਰਟ ਇਸ ਤਰ੍ਹਾਂ ਦੀਆਂ ਪਟੀਸ਼ਨਾਂ ਨੂੰ ਸਵੀਕਾਰ ਨਹੀਂ ਕਰ ਸਕਦਾ। ਫ਼ਿਲਮ ਦੇ ਪ੍ਰੋਡਿਊਸਰਸ ਬੋਰਾ ਬਰਦਰਸ ਦੇ ਵਲੋਂ ਕੋਰਟ ਵਿਚ ਪੇਸ਼ ਹੋਏ ਵਕੀਲ ਸੰਗਰਾਮ ਪਟਨਾਇਕ ਨੇ ਕਿਹਾ ਕਿ ਇਹ ਮੰਗ ਉਨ੍ਹਾਂ ਦੇ ਵਿਰੁਧ ਦਾਖਲ ਕੀਤੀ ਗਈ ਹੈ ਅਤੇ ਉਨ੍ਹਾਂ ਨੂੰ ਹੀ ਪਟੀਸ਼ਨ ਦੇ ਵਲੋਂ ਪਾਰਟੀ ਨਹੀਂ ਬਣਾਇਆ ਗਿਆ ਹੈ। ਇਸ ਤੋਂ ਪਤਾ ਚੱਲਦਾ ਹੈ ਕਿ ਇਹ ਜਨਹਿਤ ਮੰਗ ਦੁਰਭਾਵਨਾ ਪੂਰਨ ਹੈ ਅਤੇ ਫ਼ਿਲਮ ਨੂੰ ਬੇਵਜਾਹ ਰੋਕਣ ਲਈ ਲਗਾਈ ਗਈ ਹੈ।
ਪਟੀਸ਼ਨ ਦੇ ਇਸ ਦਲੀਲ਼ ਨੂੰ ਵੀ ਕੋਰਟ ਨੇ ਖ਼ਾਰਜ ਕਰ ਦਿਤਾ ਕਿ ਇਸ ਫ਼ਿਲਮ ਤੋਂ ਸਾਬਕਾ ਪ੍ਰਧਾਨ ਮੰਤਰੀ ਦੀ ਇਮੇਜ ਖ਼ਰਾਬ ਹੋ ਰਹੀ ਹੈ। ਕੋਰਟ ਦਾ ਮੰਨਣਾ ਸੀ ਕਿ ਇਸ ਮਾਮਲੇ ਤੋਂ ਪ੍ਰਭਾਵਿਤ ਲੋਕ ਅਪਣੇ ਆਪ ਕੋਰਟ ਆ ਸਕਦੇ ਹਨ। ਜੇਕਰ ਉਨ੍ਹਾਂ ਨੂੰ ਫ਼ਿਲਮ ਦੀ ਰਿਲੀਜ਼ ਤੋਂ ਕੋਈ ਪ੍ਰੇਸ਼ਾਨੀ ਹੈ। ‘ਦ ਐਕਸੀਡੈਂਟਲ ਪ੍ਰਾਇਮ ਮਨਿਸਟਰ’ ਦੇ ਪ੍ਰੋਮੋ ਅਤੇ ਫ਼ਿਲਮ ਦੀ ਰਿਲੀਜ਼ ਉਤੇ ਰੋਕ ਤੋਂ ਦਿੱਲੀ ਹਾਈਕੋਰਟ ਦੇ ਇੰਨਕਾਰ ਤੋਂ ਬਾਅਦ ਹੁਣ ਇਹ ਸਾਫ਼ ਹੋ ਗਿਆ ਕਿ ਇਹ ਫ਼ਿਲਮ 11 ਅਗਸਤ ਦੀ ਤੈਅ ਤਾਰੀਖ ਨੂੰ ਹੀ ਰਿਲੀਜ਼ ਹੋਵੇਗੀ ਅਤੇ ਨਾਲ ਹੀ ਫ਼ਿਲਮ ਦੀ ਰਿਲੀਜ਼ ਤੋਂ ਪਹਿਲਾਂ ਆ ਰਹੇ ਫ਼ਿਲਮ ਦੇ ਪ੍ਰੋਮੋ ਉਤੇ ਵੀ ਕਿਸੇ ਤਰ੍ਹਾਂ ਦੀ ਕੋਈ ਰੋਕ ਨਹੀਂ ਹੋਵੇਗੀ।
