ਫ਼ੌਜ ਦੇ ਨਾਮ ਤੇ ਕੀਤੀ ਜਾ ਰਹੀ ਹੈ ਵੋਟਾਂ ਦੀ ਮੰਗ
ਬਿਸ਼ਾਨ ਪਿੰਡ ਨੇ ਫ਼ੌਜ ਨੂੰ ਨਾ ਸਿਰਫ਼ ਜਵਾਨ ਹੀ ਦਿੱਤੇ ਹਨ ਬਲਕਿ ਆਰਮੀ ਚੀਫ਼ ਵੀ ਦਿੱਤੇ ਹਨ। 2016 ਸਰਜੀਕਲ ਸਟ੍ਰਾਈਕ ਦੇ ਸਮੇਂ ਆਰਮੀ ਚੀਫ਼ ਰਹੇ ਦਲਬੀਰ ਸਿੰਘ ਸੁਹਾਗ ਇਸ ਪਿੰਡ ਦੇ ਹੀ ਹਨ। ਕਰੀਬ 3 ਹਜ਼ਾਰ ਦੀ ਆਬਾਦੀ ਵਾਲੇ ਇਸ ਪਿੰਡ ਵਿਚ ਲਗਭਗ ਹਰ ਘਰ ਵਿਚੋਂ ਕੋਈ ਨਾ ਕੋਈ ਮੈਂਬਰ ਭਾਰਤੀ ਫ਼ੌਜ ਵਿਚ ਕੰਮ ਕਰ ਚੁੱਕਾ ਹੈ ਅਤੇ ਕਰ ਵੀ ਰਿਹਾ ਹੈ।
32 ਸਾਲ ਫ਼ੌਜ ਵਿਚ ਅਪਣੀ ਸੇਵਾ ਨਿਭਾਉਣ ਤੋਂ ਬਾਅਦ ਰਿਟਾਇਰ ਹੋਏ ਕੈਪਟਨ ਦਲ ਸਿੰਘ ਨੇ ਪੀਐਮ ਮੋਦੀ ਦੇ ਬਿਆਨ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਕਿ ਫ਼ੌਜ ਕਿਸੇ ਪਾਰਟੀ ਦੀ ਨਹੀਂ ਹੁੰਦੀ। ਫ਼ੌਜ ਹਰ ਪਾਰਟੀ ਦੀ ਸਰਕਾਰ ਵਿਚ ਅਪਣਾ ਕੰਮ ਹਮੇਸ਼ਾ ਇਮਾਨਦਾਰੀ ਨਾਲ ਕਰਦੀ ਹੈ। ਅਜਿਹੇ ਵਿਚ ਪਾਕਿਸਤਾਨ ਤੇ ਹਮਲੇ ਦਾ ਮਾਮਲਾ ਹੋਵੇ ਜਾਂ ਵਿੰਗ ਕਮਾਂਡਰ ਅਭਿਨੰਦਨ ਦੀ ਵਾਪਸੀ ਦਾ। ਇਸ ਨੂੰ ਰਾਜਨੀਤਿਕ ਫਾਇਦੇ ਲਈ ਇਸਤੇਮਾਲ ਕਰਨਾ ਗ਼ਲਤ ਹੈ।
ਪੀਐਮ ਮੋਦੀ ਦਾ ਇਹ ਕਹਿਣਾ ਹੈ ਕਿ ਨੌਜਵਾਨ ਅਪਣੀ ਪਹਿਲੀ ਵੋਟ ਪੁਲਵਾਮਾ ਸ਼ਹੀਦਾਂ ਦੇ ਨਾਮ ਤੇ ਦੇਣ ਇਹ ਬਹੁਤ ਹੀ ਗ਼ਲਤ ਹੈ। ਪਿੰਡ ਵਾਲੇ ਸਰਕਾਰ ਤੋਂ ਖੁਸ਼ ਨਜ਼ਰ ਨਹੀਂ ਆ ਰਹੇ। ਉਹਨਾਂ ਦਾ ਕਹਿਣਾ ਹੈ ਕਿ ਮੁੱਦੇ ਤੋਂ ਧਿਆਨ ਹਟਾਉਣ ਲਈ ਫ਼ੌਜ ਦੇ ਨਾਮ ਦਾ ਹਰ ਪਾਰਟੀ ਭਰਪੂਰ ਇਸਤੇਮਾਲ ਕਰ ਰਹੀ ਹੈ। ਵੋਟਾਂ ਦਾ ਇਸਤੇਮਾਲ ਮੁੱਦਿਆਂ ਤੇ ਹੋਣਾ ਚਾਹੀਦਾ ਹੈ। ਕਿਸਾਨਾਂ ਤੇ ਹੋਣਾ ਚਾਹੀਦਾ ਹੈ।
ਗਰੀਬਾਂ ਦੇ ਮੁੱਦਿਆਂ ਤੇ ਰਾਜਨੀਤੀ ਹੋਣੀ ਚਾਹੀਦੀ ਹੈ ਪਰ ਸਰਕਾਰ ਸਿਰਫ਼ ਫ਼ੌਜ ਤੇ ਰਾਜਨੀਤੀ ਕਰ ਰਹੀ ਹੈ। ਬਲਵਾਨ ਸਿੰਘ ਦੇ ਪਿਤਾ ਫ਼ੌਜ ਵਿਚ ਸਨ, ਬਲਵਾਨ ਆਪ ਵੀ ਫ਼ੌਜ ਵੀ ਰਹੇ ਅਤੇ ਹੁਣ ਉਹਨਾਂ ਦਾ ਪੁੱਤਰ ਵੀ ਫ਼ੌਜ ਵੀ ਸੇਵਾ ਨਿਭਾ ਰਿਹਾ ਹੈ। ਪਿੰਡ ਵਾਲਿਆਂ ਸਾਫ ਕਹਿਣਾ ਹੈ ਕਿ ਫ਼ੌਜ ਦੇ ਨਾਮ ਤੇ ਰਾਜਨੀਤੀ ਖੇਡਣਾ ਬਹੁਤ ਹੀ ਗ਼ਲਤ ਹੈ ਜਿਸ ਕਰਕੇ ਸਾਰਾ ਪਿੰਡ ਮੋਦੀ ਸਰਕਾਰ ਤੋਂ ਨਾਰਾਜ਼ ਹੈ।
ਲੋਕ ਸਭਾ ਚੋਣਾਂ 2019 ਦੇ ਛੇਵੇਂ ਪੜਾਅ ਦੀਆਂ ਵੋਟਾਂ 12 ਮਈ ਨੂੰ ਪੈਣਗੀਆਂ। ਦਸ ਦਈਏ ਕਿ ਹੁੱਡਾ ਪਰਵਾਰ ਤੋਂ ਰੋਹਤਕ ਸੀਟ ਤੇ ਇਸ ਵਾਰ ਕਾਂਗਰਸ ਉਮੀਦਵਾਰ ਦੀਪੇਂਦਰ ਹੁੱਡਾ ਚੋਣਾਂ ਲੜਨਗੇ। ਉਹਨਾਂ ਦੀ ਟੱਕਰ ਬੀਜੇਪੀ ਦੇ ਮੌਜੂਦਾ ਸਾਂਸਦ ਅਰਵਿੰਦ ਸ਼ਰਮਾ ਨਾਲ ਹੈ। ਜੇਜੇਪੀ ਉਮੀਦਵਾਰ ਪ੍ਰਦੀਪ ਦੇਸ਼ਵਾਲ ਵੀ ਮੈਦਾਨ ਵਿਚ ਹਨ।