ਇਸ ਸਾਲ ਰੈਂਕਿੰਗ ਵਿਚ, 8 IIT, 2 NIT ਟਾਪ 10 ਸੰਸਥਾਵਾਂ ਵਿਚ ਸ਼ਾਮਲ ਹਨ।
ਨਵੀਂ ਦਿੱਲੀ: ਭਾਰਤ ਦੀਆਂ ਪ੍ਰਮੁੱਖ ਯੂਨੀਵਰਸਿਟੀਆਂ ਅਤੇ ਕਾਲਜਾਂ (Major Universities and Colleges) ਨੂੰ ਸੂਚੀਬੱਧ ਕਰਨ ਵਾਲੀ ਨੈਸ਼ਨਲ ਸੰਸਥਾਗਤ ਰੈਂਕਿੰਗ ਫਰੇਮਵਰਕ ਦੀ (NIRF Ranking 2021) ਰੈਂਕਿੰਗ, ਅੱਜ 9 ਸਤੰਬਰ ਨੂੰ ਜਾਰੀ ਕੀਤੀ ਗਈ ਹੈ। ਕੇਂਦਰੀ ਸਿੱਖਿਆ ਮੰਤਰੀ ਧਰਮਿੰਦਰ ਪ੍ਰਧਾਨ ਨੇ ਦੁਪਹਿਰ 12 ਵਜੇ NIRF ਇੰਡੀਆ ਰੈਂਕਿੰਗ 2021 ਜਾਰੀ ਕੀਤੀ। ਇਸ ਸਾਲ ਰੈਂਕਿੰਗ ਵਿਚ, 8 IIT, 2 NIT ਟਾਪ 10 ਸੰਸਥਾਵਾਂ (Top 10 Institutions) ਵਿਚ ਸ਼ਾਮਲ ਹਨ।
PHOTO
IIT ਮਦਰਾਸ ਦੇਸ਼ ਭਰ ਵਿਚ ਸਰਬੋਤਮ 10 ਸੰਸਥਾਵਾਂ ਦੀ ਸੂਚੀ ਵਿਚ ਸਭ ਤੋਂ ਉੱਪਰ ਹੈ। ਇਸ ਤੋਂ ਬਾਅਦ IIT ਬੰਗਲੌਰ, IIT ਬੰਬੇ, IIT ਦਿੱਲੀ, IIT ਕਾਨਪੁਰ, IIT ਖੜਗਪੁਰ, IIT ਰੁੜਕੀ, IIT ਗੁਹਾਟੀ ਹੈ। ਜੇਐਨਯੂ ਨੌਵੇਂ ਨੰਬਰ 'ਤੇ ਹੈ ਅਤੇ ਬੀਐਚਯੂ ਦਸਵੇਂ ਨੰਬਰ 'ਤੇ ਹੈ।
ਹੋਰ ਪੜ੍ਹੋ: ਕਰਨਾਲ ਲਾਠੀਚਾਰਜ: ਅਨਿਲ ਵਿਜ ਦਾ ਬਿਆਨ, ‘ਕਿਸੇ ਦੇ ਕਹਿਣ 'ਤੇ ਸਿੱਧੀ ਫਾਂਸੀ ਨਹੀਂ ਦੇ ਸਕਦੇ’
ਇੰਡੀਅਨ ਇੰਸਟੀਚਿਊਟ ਆਫ਼ ਸਾਇੰਸ, ਬੰਗਲੌਰ ਐਨਆਈਆਰਐਫ ਰੈਂਕਿੰਗਜ਼ 2021 ਵਿਚ ਇਕ ਵਾਰ ਫਿਰ ਯੂਨੀਵਰਸਿਟੀ ਸ਼੍ਰੇਣੀ ਵਿਚ ਸਿਖਰ ’ਤੇ ਹੈ। ਇਸ ਤੋਂ ਬਾਅਦ ਦੂਜੇ ਨੰਬਰ 'ਤੇ ਜਵਾਹਰ ਲਾਲ ਨਹਿਰੂ ਯੂਨੀਵਰਸਿਟੀ (JNU), ਤੀਜੇ ਨੰਬਰ 'ਤੇ ਬਨਾਰਸ ਹਿੰਦੂ ਯੂਨੀਵਰਸਿਟੀ (BHU), ਚੌਥੇ ਨੰਬਰ 'ਤੇ ਕਲਕੱਤਾ ਯੂਨੀਵਰਸਿਟੀ ਅਤੇ ਪੰਜਵੇਂ ਨੰਬਰ 'ਤੇ ਅਮ੍ਰਿਤਾ ਵਿਸ਼ਵ ਵਿਦਿਆਪੀਠਮ ਹੈ।
ਹੋਰ ਪੜ੍ਹੋ: ਸਰਵੇਖਣ ’ਚ ਖੁਲਾਸਾ: ਪੇਂਡੂ ਇਲਾਕਿਆਂ ਵਿਚ ਸਿਰਫ 8% ਬੱਚੇ ਹੀ ਲਗਾ ਰਹੇ ਆਨਲਾਈਨ ਕਲਾਸਾਂ
NIRF ਇੰਡੀਆ ਰੈਂਕਿੰਗ 2021 ਦੀ ਘੋਸ਼ਣਾ ਕੁੱਲ ਮਿਲਾ ਕੇ ਦਸ ਸ਼੍ਰੇਣੀਆਂ (10 Categories)- ਯੂਨੀਵਰਸਿਟੀ, ਪ੍ਰਬੰਧਨ, ਕਾਲਜ, ਫਾਰਮੇਸੀ, ਦਵਾਈ, ਇੰਜੀਨੀਅਰਿੰਗ, ਆਰਕੀਟੈਕਚਰ, ARIIA (ਨਵੀਨਤਾਕਾਰੀ ਪ੍ਰਾਪਤੀਆਂ ਤੇ ਸੰਸਥਾਵਾਂ ਦੀ ਅਟਲ ਦਰਜਾਬੰਦੀ) ਅਤੇ ਕਾਨੂੰਨ ਲਈ ਕੀਤੀ ਗਈ ਹੈ।
Education Minister Dharmendra Pradhan
ਇਸ ਵਿਚ, ਟੀਚਿੰਗ, ਸਿੱਖਣ ਅਤੇ ਸਰੋਤ, ਖੋਜ ਅਤੇ ਪੇਸ਼ੇਵਰ ਅਭਿਆਸ, ਗ੍ਰੈਜੂਏਸ਼ਨ ਨਤੀਜਾ, ਆਊਟਰੀਚ ਅਤੇ ਸਮਾਵੇਸ਼ੀ ਅਤੇ ਧਾਰਨਾ ਦੇ ਅਧਾਰ ਤੇ ਸੰਸਥਾਵਾਂ ਨੂੰ ਅੰਕ ਦਿੱਤੇ ਜਾਂਦੇ ਹਨ। ਕਾਲਜਾਂ ਅਤੇ ਯੂਨੀਵਰਸਿਟੀਆਂ ਦੀ ਰੈਂਕਿੰਗ ਤਿਆਰ ਕਰਦੇ ਸਮੇਂ, NIRF ਸੰਸਥਾਵਾਂ ਦੀ ਧਾਰਨਾ, ਖੋਜ ਅਤੇ ਕਾਰੋਬਾਰੀ ਪ੍ਰਕਿਰਿਆਵਾਂ, ਅੰਡਰਗ੍ਰੈਜੁਏਟ ਨਤੀਜਿਆਂ, ਪਹੁੰਚ ਅਤੇ ਸ਼ਮੂਲੀਅਤ, ਅਧਿਆਪਨ-ਸਿੱਖਣ ਦੇ ਸਰੋਤਾਂ ਨੂੰ ਵੇਖਦਾ ਹੈ, ਜਿਸ ਤੋਂ ਬਾਅਦ ਇਸ ਨੂੰ ਸੂਚੀ ਵਿਚ ਉੱਪਰ ਜਾਂ ਨੀਚੇ ਰੱਖਿਆ ਜਾਂਦਾ ਹੈ।
ਹੋਰ ਪੜ੍ਹੋ: IAF Recruitment: ਹਵਾਈ ਫੌਜ ’ਚ ਨੌਕਰੀ ਕਰਨ ਦਾ ਸੁਨਹਿਰੀ ਮੌਕਾ, 174 ਅਸਾਮੀਆਂ ਲਈ ਜਲਦ ਕਰੋ ਅਪਲਾਈ
ਹਰ ਸਾਲ ਹੁਣ ਐਨਆਈਆਰਐਫ ਰੈਂਕਿੰਗ ਵਿਚ ਭਾਗ ਲੈਣ ਵਾਲੇ ਸੰਸਥਾਨਾਂ ਦੀ ਗਿਣਤੀ ਵਧ ਰਹੀ ਹੈ ਅਤੇ ਇਸੇ ਤਰ੍ਹਾਂ ਸ਼੍ਰੇਣੀਆਂ ਵੀ ਵੱਧ ਰਹੀਆਂ ਹਨ, ਜਿਨ੍ਹਾਂ ਵਿਚ ਸੰਸਥਾਵਾਂ ਨੂੰ ਦਰਜਾ ਦਿੱਤਾ ਗਿਆ ਹੈ। ਸਾਲ 2016 ਵਿਚ, ਸੰਸਥਾਨਾਂ ਨੂੰ ਸਿਰਫ਼ ਚਾਰ ਸ਼੍ਰੇਣੀਆਂ ਵਿਚ ਦਰਜਾ ਦਿੱਤਾ ਗਿਆ ਸੀ ਜੋ 2019 ਵਿਚ ਵਧ ਕੇ 9 ਹੋ ਗਿਆ ਅਤੇ ਇਸ ਸਾਲ ਇਹ ਵਧ ਕੇ 10 ਹੋ ਗਿਆ ਹੈ।
