ਸਿੱਖ ਜਥੇਬੰਦੀਆਂ ਨਗਰ ਕੀਰਤਨ ਲੈ ਨਾਰਾਜ਼ ਹੋ ਮੁੜੀਆਂ ਵਾਪਿਸ
ਨਵੀਂ ਦਿੱਲੀ: ਨੇਪਾਲ ਤੋਂ ਦਿੱਲੀ ਦੇ ਇੱਕ ਗੁਰਦਵਾਰਾ ਸਾਹਿਬ ਵਿਚ ਪਹੁੰਚੇ ਨਗਰ ਕੀਰਤਨ ਨਾਲ ਆਈਆਂ ਸਿੱਖ ਜਥੇਬੰਦੀਆਂ ਨੇ ਉਸ ਸਮੇਂ ਨਰਾਜ਼ਗੀ ਜ਼ਾਹਿਰ ਕੀਤੀ ਜਦੋਂ ਵੱਡੀ ਸੰਗਤ ਨਾਲ ਪਹੁੰਚੇ ਨਗਰ ਕੀਰਤਨ ਦਾ ਸਵਾਗਤ ਗੁਰਦੁਆਰਾ ਮੈਨੇਜਮੈਂਟ ਵਲੋਂ ਨਾ ਕੀਤਾ ਗਿਆ। ਜਦਕਿ ਇਹ ਨੇਪਾਲ ਤੋਂ ਚੱਲਿਆ ਇੱਕ ਵੱਡਾ ਕੌਮਾਂਤਰੀ ਨਗਰ ਕਿਰਤਨ ਸੀ।
ਇਹ ਨਗਰ ਕੀਰਤਨ ਆਪਣੇ ਨਾਲ ਹਰ ਸਾਲ ਗੁਰੂ ਸਾਹਿਬਾਨਾਂ ਨਾਲ ਸਬੰਧਤ ਸਮੱਗਰੀ ਅਤੇ ਮਹਾਰਾਜ ਦਾ ਸਰੂਪ ਲੈਕੇ ਪਹੁੰਚ ਕਰਦਾ ਹੈ।ਇਸ ਦਾ ਚੰਗਾ ਰਾਬਤਾ ਦਿੱਲੀ ਕਮੇਟੀ ਨਾਲ ਵੀ ਹੈ। ਪੰਜ ਪਿਆਰਿਆਂ ਦਾਸ ਸਵਾਗਤ ਨਾ ਕਰਨ 'ਤੇ ਇਸ ਨਗਰ ਕੀਰਤਨ ਨੇ ਫਤਿਹ ਨਗਰ ਵੱਲ ਚਾਲੇ ਪਾ ਦਿੱਤੇ ਅਤੇ ਸਿੱਖ ਜਥੇਬੰਦੀ ਵਲੋਂ ਨਾਰਾਜ਼ਗੀ ਜ਼ਾਹਿਰ ਕੀਤੀ ਗਈ। ਸਿੱਖ ਦਾ ਕਹਿਣਾ ਹੈ ਕਿ ਗੁਰਦੁਆਰਾ ਮੈਨੇਜਮੈਂਟ ਵੱਲੋਂ ਉਹਨਾਂ ਦਾ ਸਤਿਕਾਰ ਨਹੀਂ ਕੀਤਾ ਗਿਆ।
ਉਹਨਾਂ ਨੇ ਸੰਗਤ ਦਾ ਨਿਰਾਦਰ ਕੀਤਾ ਹੈ। ਸੰਗਤ ਨੂੰ ਇਸ ਦਾ ਮੂੰਹ ਤੋੜ ਜਵਾਬ ਦੇਣਾ ਚਾਹੀਦਾ ਹੈ। ਉਧਰ ਦਿੱਲੀ ਸਿੱਖ ਗੁਰਦਵਾਰਾ ਕਮੇਟੀ ਦੇ ਸਾਬਕਾ ਪ੍ਰਧਾਨ ਮਨਜੀਤ ਸਿੰਘ ਜੀਕੇ ਵਲੋਂ ਇਸ ਮਾਮਲੇ ਦੀ ਸਖ਼ਤ ਨਿੰਦਾ ਕੀਤੀ ਗਈ। ਉਨ੍ਹਾਂ ਨੇ ਕਿਹਾ ਕਿ ਨਗਰ ਕੀਰਤਨ ਦਾ ਇਹ ਸਿੱਧਾ ਸਿੱਧਾ ਨਿਰਾਦਰ ਹੈ। ਜਦਕਿ ਦਿੱਲੀ ਕਮੇਟੀ ਦੇ ਪ੍ਰਧਾਨ ਮਨਜਿੰਦਰ ਸਿਰਸਾ ਨੂੰ ਫੋਨ ਕਰ ਜਦੋਂ ਨਗਰ ਕੀਰਤਨ ਬਾਰੇ ਜਾਣਕਾਰੀ ਦਿੱਤੀ ਗਈ ਤਾਂ ਉਹ ਕਿਸੇ ਰਾਮ ਲੀਲਾ ਕਮੇਟੀ ਦੇ ਦੁਸ਼ਹਿਰਾ ਸਮਾਗਮ ਵਿਚ ਮਸਰੂਫ ਸਨ।
ਮਨਜੀਤ ਸਿੰਘ ਜੀ ਕੇ ਵੱਲੋਂ ਇਸ ਦਾ ਸਖਤ ਸ਼ਬਦਾਂ ਵਿਚ ਵਿਰੋਧ ਕੀਤਾ ਗਿਆ। ਉਹਨਾਂ ਕਿਹਾ ਕਿ ਕਿਸੇ ਸੀਨੀਅਰ ਵੱਲੋਂ ਕੋਈ ਸਵਾਗਤ ਨਹੀਂ ਕੀਤਾ ਗਿਆ। ਇਸ ਨਗਰ ਕੀਰਤਨ ਵਿਚ ਕਿਸੇ ਸਿੱਖ, ਨਾ ਗੁਰੂ ਗ੍ਰੰਥ ਸਾਹਿਬ, ਨਾ ਪੰਜ ਪਿਆਰਿਆਂ ਦਾ ਕਿਸੇ ਦਾ ਵੀ ਆਦਰ ਸਤਿਕਾਰ ਨਹੀਂ ਕੀਤਾ ਗਿਆ। ਫਿਲਹਾਲ ਦਿੱਲੀ ਕਮੇਟੀ ਵਲੋਂ ਕੀਤੀ ਇਸ ਹਰਕਤ ਤੇ ਨੇਪਾਲ ਹੀ ਨਹੀਂ।
ਬਲਕਿ ਸਮੂਹ ਸਿੱਖ ਜਥੇਬੰਦੀਆਂ ਵਿਚ ਭਾਰੀ ਰੋਸ ਪਾਇਆ ਜਾ ਰਿਹਾ ਹੈ। ਹੁਣ ਦੇਖਣ ਹੋਵੇਗਾ ਕਿ ਇਸ ਮਾਮਲੇ 'ਤੇ ਦਿੱਲੀ ਕਮੇਟੀ ਪ੍ਰਧਾਨ ਮਨਜਿੰਦਰ ਸਿਰਸਾ ਕੀ ਪ੍ਰਤੀਕਰਮ ਦਿੰਦੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।