ਟਿੱਕਰੀ ਬਾਰਡਰ ‘ਤੇ ਉਚੇਚੇ ਤੌਰ ‘ਤੇ ਗਲਵ ਵੜੈਚ ਪਹੁੰਚੇ ਹੋਏ ਹਨ...
ਨਵੀਂ ਦਿੱਲੀ (ਹਰਦੀਪ ਸਿੰਘ ਭੋਗਲ): ਟਿੱਕਰੀ ਬਾਰਡਰ ‘ਤੇ ਉਚੇਚੇ ਤੌਰ ‘ਤੇ ਗਲਵ ਵੜੈਚ ਪਹੁੰਚੇ ਹੋਏ ਹਨ ਤੇ ਲਗਾਤਾਰ ਕਿਸਾਨ ਸੰਘਰਸ਼ ਦੇ ਵਿਚ ਜੁੜੇ ਹੋਏ ਹਨ। ਗਲਵ ਵੜੈਚ ਵੱਲੋਂ ਪੂਰੇ ਸੰਘਰਸ਼ ਵਿਚ ਬਹੁਤ ਅਹਿਮ ਕਿਰਦਾਰ ਨਿਭਾਇਆ ਗਿਆ ਹੈ ਜਦੋਂ ਕਿਤੇ ਜੋਸ਼ ਦੀ ਗੱਲ ਹੁੰਦੀ ਹੈ ਤਾਂ ਨੌਜਵਾਨਾਂ ‘ਚ ਜੋਸ਼ ਅਤੇ ਉਨ੍ਹਾਂ ਨੂੰ ਆਪਣੇ ਨਾਲ ਮੋਢੇ ਨਾਲ ਮੋਢਾ ਜੋੜ ਖੜ੍ਹਾ ਕਰਨ ਲਈ ਗਲਵ ਨੂੰ ਸਟੇਜ ‘ਤੇ ਭੇਜਿਆ ਜਾਂਦਾ ਹੈ।
ਇਸ ਦੌਰਾਨ ਗਲਵ ਵੜੈਚ ਨੇ ਕਿਹਾ ਕਿ ਸਾਡੀ ਰਿਹਾਇਸ਼ ਟਿੱਕਰੀ ਬਾਰਡਰ ਵਾਲੇ ਪਾਸੇ ਹੈ ਤੇ ਅਸੀਂ ਜ਼ਿਆਦਾ ਤਰ ਉਸ ਪਾਸੇ ਹੀ ਰਹਿੰਦੇ ਹਾਂ ਅਤੇ ਹੁਣ ਅਸੀਂ ਇਸ ਪਾਸੇ 3 ਹਜਾਰ ਔਰਤਾਂ ਲਈ ਟੈਂਟ ਦਾ ਪ੍ਰਬੰਧ ਵੀ ਕੀਤਾ ਜੇਕਰ ਫੈਮਲੀ ਜਾਂ ਔਰਤਾਂ ਨੂੰ ਰਿਹਾਇਸ਼ ਦੀ ਦਿੱਕਤ ਹੈ ਤਾਂ ਇੱਥੇ ਟਿੱਕਰੀ ਵੱਲ ਆ ਕੇ ਰਹਿ ਸਕਦਾ ਹੈ। ਵੜੈਚ ਨੇ ਕਿਹਾ ਜੋਸ਼ ਬਹੁਤ ਕਮਾਲ ਤੇ ਉਸਤੋਂ ਵੱਡਾ ਹੋਸ਼ ਵੀ ਬਹੁਤ ਕਮਾਲ ਹੈ ਕਿਉਂਕਿ ਸਰਕਾਰ ਦਾ ਕਿਸਾਨ ਅੰਦੋਲਨ ਨੂੰ ਪਾੜਨ ਜਾਂ ਜਥੇਬੰਦੀਆਂ ਨੂੰ ਪਾੜਨ ਜਾਂ ਲੋਕਾਂ ਨੂੰ ਵਿੱਚ ਅਜਿਹਾ ਮਾਹੌਲ ਪੈਦਾ ਕਰਨ ਲਈ ਸਰਕਾਰ ਵੱਲੋਂ ਕਈ ਤਰ੍ਹਾਂ ਦੇ ਤੌਰ-ਤਰੀਕੇ ਅਪਣਾਏ ਜਾ ਰਹੇ ਹਨ ਪਰ ਲੋਕਾਂ ਸਬਰ, ਭਾਈਚਾਰਕ ਸਾਂਝ ਅਤੇ ਲੋਕਾਂ ਦੇ ਚਹਿਰੇ ਦਿਨੋ-ਦਿਨ ਖਿੜ੍ਹਦੇ ਜਾ ਰਹੇ ਹਨ।
Galav
ਉਨ੍ਹਾਂ ਕਿਹਾ ਕਿ ਹਰਿਆਣਾ ਵਾਲੇ ਨੌਜਵਾਨਾਂ ਨੇ ਮੈਨੂੰ ਕਿਹਾ ਕਿ ਇਸ ਅੰਦੋਲਨ ਨੂੰ ਚੁੱਕਿਆ ਨਾ ਜਾਵੇ ਕਿਉਂਕਿ ਇੱਥੇ ਪੰਜਾਬ ਅਤੇ ਹਰਿਆਣਾ ਨੂੰ ਮੁੜ ਸੰਯੁਕਤ ਪੰਜਾਬ ਬਣਾਇਆ ਜਾਵੇ। ਵੜੈਚ ਨੇ ਕਿਹਾ ਕਿ ਲੋਕ ਸਰਕਾਰਾਂ ਦੀ ਸਿਆਸਤ ਸਮਝ ਚੁੱਕੇ ਹਨ, ਗੋਰਿਆਂ ਦੀ ਨੀਤੀ ਉਤੇ ਚੱਲ ਕੇ ਹੀ ਸਾਡਿਆਂ ਲੀਡਰਾਂ ਨੇ ਸਾਡੇ ਪੰਜਾਬ ਦੀ ਵੰਡ ਕੀਤੀ ਸੀ ਪਰ ਲੋਕਾਂ ਦਾ ਏਕਾ ਹੁਣ ਟੁੱਟ ਨਹੀਂ ਰਿਹਾ ਤੇ ਨਾ ਹੀ ਟੁੱਟਣਾ ਹੈ। ਉਨ੍ਹਾਂ ਕਿਹਾ ਕਿ ਸਰਕਾਰ ਹੁਣ ਲੋਕਾਂ ਨੂੰ ਝੰਡਿਆਂ ਦੇ ਨਾਂ ‘ਤੇ ਵੰਡਣਾ ਚਾਹੁੰਦੇ ਹੈ ਪਰ ਲੋਕ ਨਹੀਂ ਵੰਡੇ ਜਾ ਰਹੇ।
Kissan Morcha
ਵੜੈਚ ਨੇ ਕਿਹਾ ਕਿ ਦੇਸ਼ ਲਈ, ਮਾਨਵਤਾ ਲਈ ਸਾਡੇ ਗੁਰੂਆਂ ਨੇ ਲੜਾਈਆਂ ਕੀਤੀਆਂ ਹਨ, ਤਿਰੰਗੇ ਝੰਡੇ ਵਿਚ ਵੀ ਸਾਡੇ ਹੀ ਗੁਰੂਆਂ ਦੇ ਰੰਗ ਜਿਵੇ ਹਰ ਕਿਸਾਨੀ ਦਾ, ਚਿੱਟਾ ਸ਼ਾਂਤੀ ਦਾ ਪ੍ਰਤੀਕ, ਤੇ ਕੇਸਰੀ ਸਾਡੇ ਗੁਰੂ ਦਾ ਜ਼ੁਲਮ ਦੇ ਖਿਲਾਫ਼ ਲੜਨਾ ਹੈ। ਵੜੈਚ ਨੇ ਕਿਹਾ ਕਿ ਤਿਰੰਗੇ ਲਈ ਸਾਡੇ ਵੀਰਾਂ ਅਤੇ ਦੇਸ਼ ਵਿਚੋਂ 80 ਫ਼ੀਸਦੀ ਕੁਰਬਾਨੀਆਂ ਪੰਜਾਬੀਆਂ ਦੀਆਂ ਹਨ ਪਰ ਹੁਣ ਇਹ ਤਿਰੰਗਾ ਝੰਡਾ ਆਰਐਸਐਸ ਦੇ ਗਲਤ ਹੱਥਾਂ ਵਿਚ ਆ ਗਿਆ ਹੈ।
Kissan
ਭਗਤ ਸਿੰਘ ਵਰਗਿਆਂ ਨੇ ਦੇਸ਼ ਆਜ਼ਾਦ ਕਰਵਾਇਆ ਹੁਣ ਅਸੀਂ ਇਨ੍ਹਾਂ ਦਲਾਲਾਂ ਦੇ ਹੱਥਾਂ ਵਿਚੋਂ ਤਿਰੰਗਾ ਝੰਡਾ ਆਜ਼ਾਦ ਕਰਾਉਣਾ ਹੈ। ਵੜੈਚ ਨੇ ਕਿਹਾ ਕਿ ਸਾਡੀ ਭਾਈਚਾਰਕ ਸਾਂਝ ਅਤੇ ਸਾਡਾ ਵਿਕਾਸ ਇਸ ਤਿਰੰਗੇ ਵਿਚ ਹੀ ਲੁਕਿਆ ਹੋਇਆ ਹੈ ਪਰ ਸਾਡੇ ਲੜਾਈ ਮੌਜੂਦਾ ਮੋਦੀ ਸਰਕਾਰ ਨਾਲ ਹੈ, ਤਿਰੰਗੇ ਝੰਡੇ ਨਾਲ ਨਹੀਂ।
Kissan Protest
ਵੜੈਚ ਨੇ ਕਿਹਾ ਕਿ ਜਦੋਂ ਅਸੀਂ 26 ਜਨਵਰੀ ਨੂੰ ਟਰੈਕਟਰਾਂ ਉੱਤੇ ਝੰਡਾ ਲਗਾ ਕੇ ਜਾਵਾਂਗੇ ਤਾਂ ਗੋਦੀ ਮੀਡੀਆ ਨੂੰ ਵੀ ਪਤਾ ਲਗੇਗਾ ਸਾਡੇ ਦੇਸ਼ ਦੇ ਕਿਸਾਨ ਹਨ ਅਤੇ ਜਦੋਂ ਟਰੈਕਟਰ ਅੱਗੇ ਝੰਡੇ ਲੱਗੇ ਹੋਣਗੇ ਤਾਂ ਕੋਈ ਟਰੈਕਟਰਾਂ ਲਾਠੀ ਜਾਂ ਕੁਝ ਮਾਰਨ ਤੋਂ ਪ੍ਰਹੇਜ਼ ਕਰਨਗੇ ਕਿਉਂਕਿ ਝੰਡੇ ਦੀ ਬਦਨਾਮੀ ਕਰਨ ‘ਤੇ ਦੇਸ਼ ਧ੍ਰੋਹ ਦਾ ਪਰਚਾ ਹੋਵੇਗਾ ਅੱਗੇ ਵੜੈਚ ਨੇ ਕਿਹਾ ਕਿ ਅਸੀਂ ਟਰੈਕਟਰਾਂ ‘ਤੇ ਝੰਡਾ ਲਗਾ ਦੱਸਣਾ ਚਾਹੁੰਦੇ ਹਾਂ ਕਿ ਸਾਡੀ ਬੀਜੇਪੀ, ਆਰਐਸਐਸ, ਮੋਦੀ ਸਰਕਾਰ ਨਾਲ ਲੜਾਈ ਹੈ ਜੋ ਕਿ ਅਸੀਂ ਜਿੱਤ ਕੇ ਜਾਵਾਂਗੇ।
