ਮੋਦੀ ਸਰਕਾਰ ਦੇ ਲੱਭੇ 'ਤਜਰਬੇਕਾਰ ਡਾਕਟਰ' ਦੇਸ਼ ਛੱਡ ਕੇ ਚਲੇ ਗਏ
ਨਵੀਂ ਦਿੱਲੀ : ਕਾਂਗਰਸ ਦੇ ਸੀਨੀਅਰ ਆਗੂ ਪੀ ਚਿਦੰਬਰਮ ਨੇ ਮੋਦੀ ਸਰਕਾਰ ਵਿਰੁਧ ਅਰਥਚਾਰੇ ਦੀ ਹਾਲਤ ਖ਼ਰਾਬ ਕਰਨ ਦਾ ਦੋਸ਼ ਲਾਉਂਦਿਆਂ ਕਿਹਾ ਕਿ ਅਰਥਚਾਰਾ ਬੁਰੀ ਤਰ੍ਹਾਂ ਬਿਮਾਰ ਹੈ ਅਤੇ ਇਸ ਦੀ ਨਿਗਰਾਨੀ ਦੀ ਜ਼ਿੰਮੇਵਾਰੀ ਅਣਜਾਣ ਡਾਕਟਰਾਂ ਦੇ ਹੱਥਾਂ ਵਿਚ ਹੈ।
Photo
ਰਾਜ ਸਭਾ ਵਿਚ 2010-21 ਦੇ ਆਮ ਬਜਟ ਬਾਰੇ ਚਰਚਾ ਦੀ ਸ਼ੁਰੂਆਤ ਕਰਦਿਆਂ ਚਿਦੰਬਰਮ ਨੇ ਕਿਹਾ ਕਿ ਵਧਦੀ ਬੇਰੁਜ਼ਗਾਰੀ ਅਤੇ ਘਟਦੀ ਖਪਤ ਕਾਰਨ ਅੱਜ ਦੇਸ਼ ਗ਼ਰੀਬ ਹੋ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਅਰਥਚਾਰੇ ਸਾਹਮਣੇ ਮੰਗ ਦੀ ਕਮੀ ਹੈ ਅਤੇ ਨਿਵੇਸ਼ ਰਾਹ ਵੇਖ ਰਿਹਾ ਹੈ। ਅਰਥਚਾਰਾ ਡਿਗਦੀ ਮੰਗ ਅਤੇ ਵਧਣੀ ਬੇਰੁਜ਼ਗਾਰੀ ਦਾ ਸਾਹਮਣਾ ਕਰ ਰਿਹਾ ਹੈ। ਇਸ ਸਮੇਂ ਦੇਸ਼ ਵਿਚ ਡਰ ਅਤੇ ਅਨਿਸ਼ਚਿਤਤਾ ਦਾ ਮਾਹੌਲ ਹੈ।
Photo
ਉਨ੍ਹਾਂ ਕਿਹਾ ਕਿ ਚਾਰ ਸਾਲਾਂ ਤਕ ਭਾਜਪਾ ਸਰਕਾਰ ਵਿਚ ਮੁੱਖ ਆਰਥਕ ਸਲਾਹਕਾਰ ਰਹੇ ਅਰਵਿੰਦ ਸੁਬਰਮਨੀਅਮ ਨੇ ਕਿਹਾ ਹੈ ਕਿ ਅਰਥਚਾਰਾ ਆਈਸੀਯੂ ਵਿਚ ਪਹੁੰਚ ਗਿਆ ਹੈ ਪਰ ਮੈਂ ਕਹਿਣਾ ਚਾਹੁੰਦਾ ਹਾਂ ਕਿ ਮਰੀਜ਼ ਨੂੰ ਆਈਸੀਯੂ ਤੋਂ ਬਾਹਰ ਰਖਿਆ ਗਿਆ ਹੈ, ਅਣਜਾਣ ਡਾਕਟਰ ਉਸ ਦਾ ਇਲਾਜ ਕਰ ਰਹੇ ਹਨ ਅਤੇ ਆਲੇ ਦੁਆਲੇ ਖੜੇ ਲੋਕ 'ਸਾਰਿਆਂ ਦਾ ਸਾਥ, ਸਾਰਿਆਂ ਦਾ ਵਿਕਾਸ' ਦੇ ਨਾਹਰੇ ਲਾ ਰਹੇ ਹਨ।
Photo
ਉਨ੍ਹਾਂ ਕਿਹਾ ਕਿ ਮੋਦੀ ਸਰਕਾਰ ਨੇ ਜਿਸ ਵੀ ਤਜਰਬੇ ਕਾਰਨ ਡਾਕਟਰ ਦੀ ਪਛਾਣ ਕੀਤੀ ਹੈ, ਸਾਰੇ ਦੇਸ਼ ਛੱਡ ਕੇ ਚਲੇ ਗਏ। ਉਨ੍ਹਾਂ ਕਿਹਾ ਕਿ ਅਜਿਹੇ ਲੋਕਾਂ ਦੀ ਸੂਚੀ ਵਿਚ ਰਿਜ਼ਰਵ ਬੈਂਕ ਦੇ ਸਾਬਕਾ ਗਵਰਨਰ ਰਘੂਰਾਮ ਰਾਜਨ, ਸਾਬਕਾ ਮੁੱਖ ਆਰਥਕ ਸਲਾਹਕਾਰ ਅਰਵਿੰਦ ਸੁਬਰਮਨੀਅਮ ਅਤੇ ਨੀਤੀ ਕਮਿਸ਼ਨ ਦੇ ਵਾਈਸ ਪ੍ਰਧਾਨ ਅਰਵਿੰਦ ਪਨਗੜ੍ਹੀਆ ਸ਼ਾਮਲ ਸਨ।
Photo
ਉਨ੍ਹਾਂ ਸਵਾਲ ਕੀਤਾ, 'ਤੁਹਾਡਾ ਡਾਕਟਰ ਕੌਣ ਹੈ, ਮੈਂ ਜਾਣਨਾ ਚਾਹੁੰਦਾ ਹਾਂ। ਸਰਕਾਰ ਕਾਂਗਰਸ ਨੂੰ ਤਾਂ ਅਛੂਤ ਮੰਨਦੀ ਹੈ, ਦੂਜੀਆਂ ਪਾਰਟੀਆਂ ਬਾਰੇ ਉਸ ਦੀ ਰਾਏ ਚੰਗੀ ਨਹੀਂ, ਸੋ ਉਹ ਕਿਸੇ ਨਾਲ ਸਲਾਹ ਨਹੀਂ ਕਰਦੀ।
