ਸਕੂਲੀ ਬੱਚਿਆਂ ਲਈ ਸੁਰੱਖਿਅਤ ਅਤੇ ਪੌਸ਼ਟਿਕ ਭੋਜਨ ਯਕੀਨੀ ਕਰਨ ਲਈ ਖ਼ੁਰਾਕ ਖੇਤਰ ਦੀ ਅਥਾਰਟੀ ਐੱਫਐੱਸਐੱਸਏਆਈ ਨੇ ਤਿਆਰੀ ਕਰ ਲਈ ਹੈ
ਨਵੀਂ ਦਿੱਲੀ: ਸਕੂਲੀ ਬੱਚਿਆਂ ਲਈ ਸੁਰੱਖਿਅਤ ਅਤੇ ਪੌਸ਼ਟਿਕ ਭੋਜਨ ਯਕੀਨੀ ਕਰਨ ਲਈ ਖ਼ੁਰਾਕ ਖੇਤਰ ਦੀ ਅਥਾਰਟੀ ਐੱਫਐੱਸਐੱਸਏਆਈ ਨੇ ਤਿਆਰੀ ਕਰ ਲਈ ਹੈ। ਇਸ ਲਈ ਸਕੂਲ ਦੀਆਂ ਕੰਟੀਨਾਂ ਅਤੇ ਹੋਰ ਸਿੱਖਿਆ ਸੰਸਥਾਵਾਂ ਵਿਚ ਜੰਕ ਫੂਡ ਅਤੇ ਬਿਮਾਰ ਕਰਨ ਵਾਲੇ ਭੋਜਨ ਪਦਾਰਥਾਂ ਦੀ ਵਿਕਰੀ ‘ਤੇ ਉਸ ਦੀ ਇਸ਼ਤਿਹਾਰਬਾਜ਼ੀ ਕਰਨ 'ਤੇ ਰੋਕ ਲਾਉਣ ਦੀ ਤਿਆਰੀ ਕਰ ਲਈ ਹੈ।
Junk Food
ਇਸ ਦੇ ਨਾਲ ਹੀ ਸਕੂਲ ਤੇ ਕਾਲਜ ਕੰਪਲੈਕਸਾਂ ਦੇ ਪੰਜਾਹ ਮੀਟਰ ਦੇ ਦਾਇਰੇ ਤਕ ਵੀ ਇਨ੍ਹਾਂ ਦੀ ਵਿਕਰੀ ਤੇ ਪ੍ਰਚਾਰ ਦੇ ਰੋਕ ਲਾਈ ਜਾਵੇਗੀ। ਭਾਰਤੀ ਖ਼ੁਰਾਕ ਸੁਰੱਖਿਆ ਤੇ ਮਾਨਕ ਅਥਾਰਟੀ (ਐੱਫਐੱਸਐੱਸਏਆਈ) ਦੇ ਸੀਈਓ ਅਰੁਣ ਸਿੰਘਲ ਨੇ ਐਤਵਾਰ ਨੂੰ ਦੱਸਿਆ ਕਿ ਇਹ ਸੰਸਥਾ ਹੁਣ ਪਹਿਲੀ ਵਾਰ ਖ਼ੁਰਾਕ ਸੁਰੱਖਿਆ ਤੇ ਮਾਨਕ ਐਕਟ ਤਹਿਤ ਇਕ ਨਵੀਂ ਨਿਯਮਾਵਲੀ ਲੈ ਕੇ ਆ ਰਹੀ ਹੈ।
Junk Food
ਇਨ੍ਹਾਂ ਨਵੇਂ ਨਿਯਮਾਂ ਦਾ ਮਕਸਦ ਸਕੂਲਾਂ ਦੇ ਬੱਚਿਆਂ ਨੂੰ ਸੁਰੱਖਿਅਤ, ਪੌਸ਼ਟਿਕ ਤੇ ਸਿਹਤਮੰਦ ਭੋਜਨ ਮੁਹਈਆ ਕਰਵਾਉਣਾ ਹੋਵੇਗਾ। ਐੱਫਐੱਸਐੱਸਏਆਈ ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ ਨਵੇਂ ਨਿਯਮ ਇਸ ਲਈ ਬਣਾਏ ਜਾ ਰਹੇ ਹਨ ਤਾਂ ਜੋ ਸਕੂਲੀ ਬੱਚਿਆਂ ਨੂੰ ਜ਼ਿਆਦਾ ਚਰਬੀ, ਨਮਕ ਤੇ ਸ਼ੂਗਰ ਵਾਲਾ ਖ਼ੁਰਾਕੀ ਪਦਾਰਥ ਸਕੂਲ ਵਿਚ ਜਾਂ ਉਸ ਦੇ ਆਸਪਾਸ ਨਾ ਮਿਲੇ।
Junk Food
ਸਿਹਤ ਲਈ ਬੇਹੱਦ ਖ਼ਤਰਨਾਕ ਜੰਕ ਫੂਡ ਸਕੂਲਾਂ ਦੀਆਂ ਕੰਟੀਨਾਂ ਜਾਂ ਮੈੱਸ ਕੰਪੈਲਕਸਾਂ ਜਾਂ ਹੋਸਟਲ ਮੈੱਸ ਵਿਚ ਵੇਚਣਾ ਬੰਦ ਕਰ ਦਿੱਤਾ ਜਾਵੇਗਾ। ਇਸ ਤੋਂ ਇਲਾਵਾ ਸਿੱਖਿਆ ਸੰਸਥਾਵਾਂ ਦੇ ਬਾਹਰ 50 ਮੀਟਰ ਦੀ ਦੂਰੀ ਤਕ ਵੀ ਜੰਕ ਫੂਡ ਜਿਵੇਂ ਚਿਪਸ, ਕੋਲਡ ਡਰਿੰਕ, ਬਰਗਰ, ਪੀਜ਼ਾ ਆਦਿ ਦੀ ਵਿਕਰੀ 'ਤੇ ਵੀ ਰੋਕ ਰਹੇਗੀ।
junk food
ਇਕ ਹੋਰ ਅਧਿਕਾਰੀ ਨੇ ਦੱਸਿਆ ਕਿ ਇਸ ਸਬੰਧੀ ਨੋਟੀਫਿਕੇਸ਼ਨ ਜਾਰੀ ਹੋਣ ਪਿੱਛੋਂ ਹਰੇਕ ਸਕੂਲ ਨੂੰ ਇਸ ਦੀ ਸਖ਼ਤੀ ਨਾਲ ਪਾਲਣਾ ਕਰਨੀ ਪਵੇਗੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
