ਰੇਲਵੇ ਭਰਤੀ ਸਬੰਧੀ ਛਪੇ ਫ਼ਰਜ਼ੀ ਇਸ਼ਤਿਹਾਰ ਤੋਂ ਸੁਚੇਤ ਰਹਿਣ ਦੀ ਕੀਤੀ ਅਪੀਲ
ਨਵੀਂ ਦਿੱਲੀ : ਰੇਲਵੇ ਵਿਚ ਕਰੀਬ ਪੰਜ ਹਜ਼ਾਰ ਅਸਾਮੀਆਂ ਭਰਨ ਸਬੰਧੀ ਫ਼ਰਜ਼ੀ ਇਸ਼ਤਿਹਾਰ ਜਾਰੀ ਕਰਨ ਦੇ ਮਾਮਲੇ ਵਿਚ ਰੇਲਵੇ ਨੇ ਇਕ ਨਿਜੀ ਏਜੰਸੀ ਖਿਲਾਫ਼ ਕਾਰਵਾਈ ਦੀ ਤਿਆਰੀ ਖਿੱਚ ਲਈ ਹੈ। ਰੇਲਵੇ ਨੇ ਅਜਿਹਾ ਕੋਈ ਵੀ ਇਸ਼ਤਿਹਾਰ ਜਾਰੀ ਕਰਨ ਦਾ ਖੰਡਨ ਕਰਦਿਆਂ ਲੋਕਾਂ ਨੂੰ ਅਜਿਹੇ ਅਨਸਰਾਂ ਤੋਂ ਸੁਚੇਤ ਰਹਿਣ ਦੀ ਅਪੀਲ ਕੀਤੀ ਹੈ।
Railway
ਕਾਬਲੇਗੌਰ ਹੈ ਕਿ ਪਿਛਲੇ ਦਿਨਾਂ ਦੌਰਾਨ ਅਖ਼ਬਾਰਾਂ ਵਿਚ ਇਕ ਇਸ਼ਤਿਹਾਰ ਛਪਿਆ ਸੀ, ਜਿਸ 'ਚ ਦਾਅਵਾ ਕੀਤਾ ਗਿਆ ਸੀ ਕਿ ਰੇਲਵੇ ਨੇ ਅੱਠ ਸ਼ਰੇਣੀਆਂ ਵਿਚ 5,285 ਅਸਾਮੀਆਂ ਨੂੰ ਭਰਨ ਲਈ ਅਰਜ਼ੀਆਂ ਦੀ ਮੰਗ ਕੀਤੀ ਗਈ ਹੈ। ਇਹ ਇਸ਼ਤਿਹਾਰ 'ਅਵੇਸਟਰਾਨ ਇੰਫੋਟੇਕ' ਨਾਮ ਦੀ ਏਜੰਸੀ ਵਲੋਂ 8 ਅਗੱਸਤ 2020 ਨੂੰ ਜਾਰੀ ਕੀਤਾ ਗਿਆ ਸੀ।
Railway
ਕਈ ਪ੍ਰਮੁੱਖ ਅਖ਼ਬਾਰਾਂ 'ਚ ਛਪੇ ਇਸ ਇਸ਼ਤਿਹਾਰ 'ਚ ਦਾਅਵਾ ਕੀਤਾ ਗਿਆ ਸੀ ਕਿ ਆਊਟਸੋਰਸਿੰਗ ਦੇ ਆਧਾਰ 'ਤੇ ਭਾਰਤੀ ਰੇਲਵੇ ਵਿਚ 11 ਸਾਲ ਤਕ ਸੰਵਿਦਾ 'ਤੇ ਕੰਮ ਕਰਨ ਲਈ ਅੱਠ ਸ਼ਰੇਣੀਆਂ ਵਿਚ 5,285 ਅਸਾਮੀਆਂ ਭਰਨ ਲਈ ਅਰਜ਼ੀਆਂ ਦੀ ਮੰਗ ਕੀਤੀ ਹੈ। ਇਸ ਲਈ ਉਮੀਦਵਾਰਾਂ ਤੋਂ 750 ਰੁਪਏ ਬਤੌਰ ਫ਼ੀਸ ਆਨਲਾਇਨ ਜਮ੍ਹਾਂ ਕਰਵਾਉਣ ਲਈ ਕਿਹਾ ਗਿਆ ਸੀ। ਇਸ਼ਤਿਹਾਰ ਵਿਚ ਅਪਲਾਈ ਕਰਨ ਦੀ ਅੰਤਿਮ ਮਿਤੀ 10 ਸਤੰਬਰ 2020 ਦੱਸੀ ਗਈ ਹੈ।
Indian Railway
ਇਸ ਸਬੰਧੀ ਬਿਆਨ ਜਾਰੀ ਰੇਲਵੇ ਨੇ ਕਿਹਾ ਕਿ ਰੇਲਵੇ ਵਿਚ ਭਰਤੀ ਲਈ ਇਸ਼ਤਿਹਾਰ ਹਮੇਸ਼ਾ ਭਾਰਤੀ ਰੇਲਵੇ ਵਲੋਂ ਹੀ ਜਾਰੀ ਕੀਤਾ ਜਾਂਦਾ ਹੈ। ਇਹ ਕਾਰਜ ਕਦੇ ਵੀ ਕਿਸੇ ਨਿੱਜੀ ਏਜੰਸੀ ਨੂੰ ਨਹੀਂ ਸੌਂਪਿਆ ਗਿਆ ਅਤੇ ਨਾ ਹੀ ਕੋਈ ਏਜੰਸੀ ਇਸ ਲਈ ਅਧਿਕ੍ਰਿਤ ਹੈ।
Railway
ਰੇਲਵੇ ਮੁਤਾਬਕ ਉਕਤ ਏਜੰਸੀ ਵਲੋਂ ਜਾਰੀ ਕੀਤਾ ਗਿਆ ਇਹ ਇਸ਼ਤਿਹਾਰ ਪੂਰੀ ਤਰ੍ਹਾਂ ਫ਼ਰਜ਼ੀ ਅਤੇ ਗ਼ੈਰ ਕਾਨੂੰਨੀ ਹੈ। ਇਸ ਏਜੰਸੀ ਨੇ ਫ਼ਰਜ਼ੀ ਇਸ਼ਤਿਹਾਰ ਛਾਪ ਕੇ ਜਿੱਥੇ ਫ਼ੀਸ ਦੇ ਨਾਂ 'ਤੇ ਲੋਕਾਂ ਨਾਲ ਲੱਖਾਂ ਰੁਪਏ ਦੀ ਠੱਗੀ ਮਾਰਨ ਦੀ ਸਾਜ਼ਿਸ਼ ਰਚੀ ਹੈ ਉਥੇ ਹੀ ਰੇਲਵੇ ਦੇ ਨਾਮ ਨੂੰ ਬਦਨਾਮ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਇਸ ਲਈ ਰੇਲਵੇ ਸਬੰਧਤ ਏਜੰਸੀ ਖਿਲਾਫ਼ ਸਖ਼ਤ ਕਾਰਵਾਈ ਅਮਲ 'ਚ ਲਿਆਉਣ ਜਾ ਰਿਹਾ ਹੈ, ਜਿਸ ਦੀ ਸ਼ੁਰੂਆਤ ਹੋ ਚੁੱਕੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
