ਰੇਲਵੇ ਭਰਤੀ ਬੋਰਡ ਗਰੁੱਪ ਡੀ (RRB Group D) ਦੀ 29 ਅਕਤੂਬਰ ਤੋਂ ਹੋਣ ਵਾਲੀ ਪਰੀਖਿਆ ਦਾ ਸ਼ੈਡਿਊਲ ਜਾਰੀ ਕਰ ਦਿਤਾ...
ਨਵੀਂ ਦਿੱਲੀ (ਭਾਸ਼ਾ) : ਰੇਲਵੇ ਭਰਤੀ ਬੋਰਡ ਗਰੁੱਪ ਡੀ (RRB Group D) ਦੀ 29 ਅਕਤੂਬਰ ਤੋਂ ਹੋਣ ਵਾਲੀ ਪਰੀਖਿਆ ਦਾ ਸ਼ੈਡਿਊਲ ਜਾਰੀ ਕਰ ਦਿਤਾ ਗਿਆ ਹੈ। ਜਿਨ੍ਹਾਂ ਉਮੀਦਵਾਰਾਂ ਦੀ ਪਰੀਖਿਆ 29 ਅਕਤੂਬਰ ਤੋਂ 17 ਦਿਸੰਬਰ ਤੱਕ ਹੈ, ਉਹ ਅਪਣੀ ਪਰੀਖਿਆ ਤਾਰੀਕ (RRB Group D Exam Date), ਕੇਂਦਰ ਅਤੇ ਸ਼ਿਫਟ ਡਿਟੇਲ ਆਰਆਰਬੀ ਦੀ ਵੈਬਸਾਈਟ ‘ਤੇ ਜਾਕੇ ਚੈੱਕ ਕਰ ਸਕਦੇ ਹਨ।
ਉਮੀਦਵਾਰਾਂ ਦੇ ਐਡਮਿਟ ਕਾਰਡ (RRB Group D Admit Card) ਪਰੀਖਿਆ ਤੋਂ 4 ਦਿਨ ਪਹਿਲਾਂ ਜਾਰੀ ਕੀਤੇ ਜਾਣਗੇ। ਉਮੀਦਵਾਰ ਮੋਬਾਇਲ ‘ਤੇ ਵੀ ਅਪਣੀ ਪਰੀਖਿਆ ਤਾਰੀਕ, ਕੇਂਦਰ ਅਤੇ ਸ਼ਿਫਟ ਡਿਟੇਲ ਪ੍ਰਾਪਤ ਕਰ ਸਕਦੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਰੇਲਵੇ ਰਿਕਰੂਟਮੈਂਟ ਬੋਰਡ (Railway Recruitment Board) ਗਰੁੱਪ ਡੀ ਦੇ 62 ਹਜ਼ਾਰ 907 ਅਹੁਦਿਆ ‘ਤੇ ਭਰਤੀ ਪਰੀਖਿਆ ਕਰਾ ਰਿਹਾ ਹੈ।
ਪਰੀਖਿਆ ਕੰਪਿਊਟਰ ਆਧਾਰਿਤ ਹੋ ਰਹੀ ਹੈ। ਪਹਿਲੇ ਪੜਾਅ ਦੀ ਪਰੀਖਿਆ ਵਿਚੋਂ ਪਾਸ ਹੋਣ ਵਾਲੇ ਉਮੀਦਵਾਰਾਂ ਨੂੰ ਹੀ ਦੂਜੇ ਪੜਾਅ ਵਿਚ ਸਰੀਰਕ ਯੋਗਤਾ (Physical Test) ਪਰੀਖਿਆ ਵਿਚ ਜਾਣ ਦਿਤਾ ਜਾਵੇਗਾ।