ਮਹਾਰਾਸ਼ਟਰ ਦੇ ਕਈ ਮਤਦਾਨ ਕੇਂਦਰਾਂ ਵਿਚ ਮਸ਼ੀਨਾਂ ਵਿਚ ਗੜਬੜ 
Published : Apr 11, 2019, 9:02 pm IST
Updated : Apr 11, 2019, 9:02 pm IST
SHARE ARTICLE
Maharashtra polling
Maharashtra polling

ਕਾਂਗਰਸ ਨੇ ਚੋਣ ਕਮਿਸ਼ਨ ਕੋਲ ਕੀਤੀਆਂ 39 ਸ਼ਿਕਾਇਤਾਂ

ਮੁੰਬਈ : ਮਹਾਰਾਸ਼ਟਰ ਦੇ ਸੱਤ ਲੋਕ ਸਭਾ ਚੋਣ ਖੇਤਰਾਂ ਦੀਆਂ ਕੁੱਝ ਥਾਵਾਂ 'ਤੇ ਈਵੀਐਮ ਵਿਚ ਗੜਬੜ ਦੀਆਂ ਸ਼ਿਕਾਇਤਾਂ ਆਈਆਂ ਹਨ। ਅਧਿਕਾਰੀਆਂ ਨੇ ਦਸਿਆ ਕਿ ਗੋਂਦੀਆ ਜ਼ਿਲ੍ਹੇ ਦੇ ਭੰਡਾਰਾ-ਗੋਂਦੀਆ ਖੇਤਰ ਵਿਚ ਵੀਵੀਪੀਏਟੀ ਮਸ਼ੀਨਾਂ ਦੇ ਕੰਮ ਨਾ ਕਰਨ ਸਬੰਧੀ ਖ਼ਬਰਾਂ ਮਗਰੋਂ ਚੋਣ ਅਧਿਕਾਰੀ ਨੇ ਕਿਹਾ ਕਿ ਗੜਬੜ ਵਾਲੀਆਂ ਮਸ਼ੀਨਾਂ ਨੂੰ ਬਦਲਿਆ ਜਾ ਰਿਹਾ ਹੈ ਅਤੇ ਮਤਦਾਨ ਬਿਨਾਂ ਕਿਸੇ ਦੇਰੀ ਹੋ ਰਿਹਾ ਹੈ। ਮਹਾਰਾਸ਼ਟਰ ਵਿਚ ਬੂਥ 127 ਅਤੇ ਬੂਥ 147 ਤੋਂ ਈਵੀਐਮ ਵਿਚ ਗੜਬੜ ਦੀ ਸ਼ਿਕਾਇਤ ਮਿਲੀ ਹੈ। 


ਭੰਡਾਰਾ ਦੇ ਜ਼ਿਲ੍ਹਾ ਅਧਿਕਾਰੀ ਸ਼ਾਂਤਨੂੰ ਗੋਇਲ ਨੇ ਦਸਿਆ ਕਿ ਗੜਬੜ ਵਾਲੀ ਮਸ਼ੀਨ ਨੂੰ ਤੁਰਤ ਬਦਲ ਦਿਤਾ ਗਿਆ। ਨਾਗਪੁਰ ਚੋਣ ਖੇਤਰ ਵਿਚ ਮਤਦਾਨ ਕੇਂਦਰ ਦੇ ਬਾਹਰ ਵੋਟਰ ਨੇ ਕਿਹਾ ਕਿ ਵੋਟਰ ਲੰਮੀਆਂ ਕਤਾਰਾਂ ਵਿਚ ਉਡੀਕ ਕਰ ਰਹੇ ਸਨ ਅਤੇ ਉਥੇ ਮਸ਼ੀਨ ਨੇ ਕੰਮ ਕਰਨਾ ਬੰਦ ਕਰ ਦਿਤਾ। ਕੁੱਝ ਲੋਕ ਘਰ ਮੁੜ ਰਹੇ ਸਨ। ਯਵਤਮਾਲ ਚੋਣ ਖੇਤਰ ਵਿਚ ਵੀ ਮਸ਼ੀਨ ਦੇ ਕੰਮ ਨਾ ਕਰਨ ਦੀ ਸ਼ਿਕਾਇਤ ਮਿਲੀ। ਕਾਂਗਰਸ ਨੇ ਕੁੱਝ ਮਤਦਾਨ ਕੇਂਦਰਾਂ ਵਿਚ ਗੜਬੜ ਨਾਲ ਸਬੰਧਤ 39 ਸ਼ਿਕਾਇਤਾਂ ਚੋਣ ਕਮਿਸ਼ਨ ਕੋਲ ਦਰਜ ਕਰਾਈਆਂ ਹਨ। ਸੂਬਾ ਕਾਂਗਰਸ ਨੇ ਬਿਆਨ ਵਿਚ ਕਿਹਾ ਕਿ ਉਸ ਨੇ ਇਹ ਸ਼ਿਕਾਇਤਾਂ ਦਰਜ ਕਰਾ ਕੇ ਕਾਰਵਾਈ ਕਰਨ ਲਈ ਕਿਹਾ ਹੈ। (ਏਜੰਸੀ)


ਮਤਦਾਤਾ ਸੂਚੀ ਵਿਚੋਂ ਮੇਰਾ ਨਾਮ ਗ਼ਾਇਬ : ਸ਼ੋਭਨਾ ਕਾਮਿਨੇਨੀ

Shobana KamineniShobana Kamineni

ਅਪੋਲੋ ਹਾਸਪੀਟਲਜ਼ ਗਰੁਪ ਦੀ ਕਾਰਜਕਾਰੀ ਮੀਤ ਪ੍ਰਧਾਨ ਸ਼ੋਭਨਾ ਕਾਮਿਨੇਨੀ ਨੇ ਕਿਹਾ ਕਿ ਉਸ ਦਾ ਨਾਮ ਮਤਦਾਤਾ ਸੂਚੀ ਵਿਚ ਨਹੀਂ ਮਿਲਿਆ। ਉਸ ਨੇ ਕਿਹਾ ਕਿ ਭਾਰਤੀ ਨਾਗਰਿਕ ਵਜੋਂ ਉਸ ਦਾ ਇਹ ਸੱਭ ਤੋਂ ਖ਼ਰਾਬ ਦਿਨ ਰਿਹਾ। ਮਤਦਾਨ ਨਾ ਕਰ ਸਕਣ ਤੋਂ ਦੁਖੀ ਸ਼ੋਭਨਾ ਨੇ ਵੀਡੀਉ ਸੰਦੇਸ਼ ਵਿਚ ਕਿਹਾ, 'ਮੈਂ ਵਾਪਸ ਆ ਗਈ, ਮੈਂ ਵਿਦੇਸ਼ ਯਾਤਰਾ 'ਤੇ ਸੀ। ਵਾਪਸ ਆਈ ਕਿਉਂਕਿ ਮੈਂ ਵੋਟ ਪਾਉਣਾ ਚਾਹੁੰਦੀ ਸੀ। ਮੈਂ ਬੂਥ 'ਤੇ ਗਈ ਅਤੇ ਮੈਨੂੰ ਦਸਿਆ ਗਿਆ ਕਿ ਤੁਹਾਡਾ ਨਾਮ ਸੂਚੀ ਵਿਚ ਨਹੀਂ ਹੈ। ਕੀ ਮੈਂ ਭਾਰਤੀ ਨਾਗਰਿਕ ਨਹੀਂ ਹਾਂ।' ਅਪੋਲੋ ਹਾਸਪੀਟਲਜ਼ ਗਰੁਪ ਦੇ ਬਾਨੀ ਪ੍ਰਤਾਪ ਸੀ ਰੈਡੀ ਦੀ ਬੇਟੀ ਕਾਮਿਨੇਨੀ ਨੇ ਕਿਹਾ, 'ਕੀ ਮੈਨੂੰ ਇਸ ਦੇਸ਼ ਵਿਚ ਨਹੀਂ ਮੰਨਿਆ ਜਾਂਦਾ। ਕੀ ਮੇਰਾ ਵੋਟ ਅਹਿਮ ਨਹੀਂ ਹੈ। ਇਹ ਇਕ ਨਾਗਰਿਕ ਵਜੋਂ ਮੇਰੇ ਵਿਰੁਧ ਅਪਰਾਧ ਹੈ ਅਤੇ ਮੈਂ ਇਸ ਨੂੰ ਬਰਦਾਸ਼ਤ ਨਹੀਂ ਕਰਾਂਗੀ।' (ਏਜੰਸੀ)

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM

'ਸਾਈਕਲ ਦਾ ਵੀ ਸਟੈਂਡ ਹੁੰਦਾ, ਆਹ ਰਿੰਕੂ ਦਾ ਕੋਈ ਸਟੈਂਡ ਹੀ ਨਹੀਂ, ਮੈਂ ਤਾਂ ਹੈਰਾਨ ਹਾਂ'

28 Mar 2024 3:17 PM

Debate: BJP ਨੇ ਪੰਜਾਬ 'ਚ ਮਚਾਈ ਤਰਥੱਲੀ, ਪੱਟ ਲਏ ਵੱਡੇ ਲੀਡਰ! ਚੱਲਦੀ ਡਿਬੇਟ 'ਚ ਭਿੜ ਗਏ AAP ਤੇ BJP ਆਗੂ, ਰੱਜ ਕੇ

28 Mar 2024 3:09 PM

ਬੱਸ ਤੇ ਕਾਰ ਦੀ ਸਿੱਧੀ ਟੱਕਰ ਮਚ ਗਿਆ ਚੀਕ-ਚਿਹਾੜਾ ਫਿਰੋਜ਼ਪੁਰ ਦੇ ਜੀਰਾ ’ਚ ਵਾਪਰਿਆ ਦਰਦਨਾਕ ਹਾਦਸਾ

28 Mar 2024 1:08 PM

Punjab 'ਚ ਵਿਕ ਰਿਹਾ ਨਕਲੀ ਸੀਮਿੰਟ! Ambuja ਤੇ ACC ਸੀਮਿੰਟ ਦੇ ਗੱਟਿਆਂ ਨਾਲ ਭਰਿਆ ਟਰੱਕ Police ਨੇ ਫੜਿਆ

28 Mar 2024 12:50 PM
Advertisement