ਮੌਜੂਦਾ ਵਿੱਤੀ ਵਰ੍ਹੇ ਵਿਚ ਡੂੰਘੇ ਸੰਕੁਚਨ ਤੋਂ ਬਾਅਦ ਦੇਸ਼ ਦੀ ਅਰਥਵਿਵਸਥਾ ਦੇ ਅਗਲੇ ਵਿੱਤੀ ਸਾਲ ਵਿਚ 9.5 ਫ਼ੀ ਸਦੀ ਦੇ ਵਾਧੇ ਦਾ
ਨਵੀਂ ਦਿੱਲੀ, 10 ਜੂਨ : ਮੌਜੂਦਾ ਵਿੱਤੀ ਵਰ੍ਹੇ ਵਿਚ ਡੂੰਘੇ ਸੰਕੁਚਨ ਤੋਂ ਬਾਅਦ ਦੇਸ਼ ਦੀ ਅਰਥਵਿਵਸਥਾ ਦੇ ਅਗਲੇ ਵਿੱਤੀ ਸਾਲ ਵਿਚ 9.5 ਫ਼ੀ ਸਦੀ ਦੇ ਵਾਧੇ ਦਾ ਅਨੁਮਾਨ ਹੈ। ਰੇਟਿੰਗ ਏਜੰਸੀ ਫਿਚ ਰੇਟਿੰਗਸ ਨੇ ਬੁਧਵਾਰ ਨੂੰ ਜਾਰੀ ਕੀਤੀ ਇਕ ਰਿਪੋਰਟ ਵਿਚ ਇਹ ਗੱਲ ਕਹੀ। ਫਿਚ ਰੇਟਿੰਗਜ਼ ਨੇ ਮੌਜੂਦਾ ਵਿੱਤੀ ਸਾਲ ਵਿਚ ਭਾਰਤੀ ਆਰਥਿਕਤਾ ਦੇ ਪੰਜ ਫ਼ੀ ਸਦੀ ਤਕ ਸੁੰਗੜਨ ਦਾ ਅੰਦਾਜ਼ਾ ਲਗਾਇਆ ਹੈ। ਕੋਰੋਨਾ ਵਾਇਰਸ ਦੀ ਆਫ਼ਤ ਦੇ ਜ਼ਿਆਦਾ ਫੈਲਣ ਤੋਂ ਪਹਿਲਾਂ ਹੀ ਆਰਥਿਕਤਾ ਵਿਚ ਨਰਮੀ ਦਾ ਰੁਝਾਨ ਸੀ।
ਫਿਚ ਨੇ ਬੁਧਵਾਰ ਨੂੰ ਅਪਣਾ ਏਸ਼ੀਆ-ਪ੍ਰਸ਼ਾਂਤ ਦਾ ਕਰਜ਼ਾ ਕ੍ਰੈਡਿਟ ਦ੍ਰਿਸ਼ ਜਾਰੀ ਕੀਤਾ। ਇਸ ਵਿਚ ਕਿਹਾ ਗਿਆ ਹੈ ‘ਕੋਵਿਡ-19 ਮਹਾਂਮਾਰੀ ਨੇ ਦੇਸ਼ ਦੇ ਵਾਧੇ ਦੀ ਰਫ਼ਤਾਰ ਨੂੰ ਕਮਜ਼ੋਰ ਕਰ ਦਿਤਾ ਹੈ।’ ਇਸਦਾ ਇਕ ਹੋਰ ਵੱਡਾ ਕਾਰਨ ਇਹ ਹੈ ਕਿ ਸਰਕਾਰ ’ਤੇ ਭਾਰੀ ਕਰਜ਼ੇ ਕਾਰਨ ਕਈ ਹੋਰ ਚੁਣੌਤੀਆਂ ਵੀ ਪੈਦਾ ਹੁੰਦੀਆਂ ਹਨ। ਫਿਚ ਨੇ ਕਿਹਾ ਕਿ ਇਸ ਗਲੋਬਲ ਮਹਾਂਮਾਰੀ ਦੇ ਬਾਅਦ ਦੇਸ਼ ਦੀ ਜੀਡੀਪੀ ਵਾਧਾ ਦਰ ਦੇ ਮੁੜ ਲੀਹ ’ਤੇ ਆਉਣ ਦੀ ਉਮੀਦ ਹੈ। ਇਹ ਵਾਪਸ ਉੱਚ ਪੱਧਰ ’ਤੇ ਪਹੁੰਚ ਸਕਦੀ ਹੈ। ਉਮੀਦ ਹੈ ਕਿ ਇਸ ਤੋਂ ਅਗਲੇ ਸਾਲ ਇਹ 9.5 ਫ਼ੀ ਸਦੀ ਦੀ ਦਰ ਨਾਲ ਵਾਧਾ ਦਰਜ ਕਰੇ।
File Photo
ਇਹ ‘ਬੀਬੀਬੀ’ ਸ਼੍ਰੇਣੀ ਤੋਂ ਵੀ ਵੱਧ ਹੋ ਸਕਦੀ ਹੈ। ਦੇਸ਼ ਵਿਚ ਕੋਰੋਨਾ ਵਾਇਰਸ ਨੂੰ ਰੋਕਣ ਲਈ ਤਾਲਾਬੰਦੀ 25 ਮਾਰਚ ਤੋਂ ਲਾਗੂ ਕੀਤੀ ਗਈ ਸੀ। ਇਸ ਨੂੰ ਕਈ ਵਾਰ ਵਿਸਥਾਰ ਦੇ ਕੇ 30 ਜੂਨ ਤਕ ਵਧਾ ਦਿਤਾ ਗਿਆ ਹੈ। ਹਾਲਾਂਕਿ 4 ਮਈ ਤੋਂ ਤਾਲਾਬੰਦੀ ਨਿਯਮਾਂ ਵਿਚ ਬਹੁਤ ਸਾਰੀਆਂ ਰਾਹਤਾਂ ਦਿਤੀਆਂ ਗਈਆਂ ਹਨ। ਪਰ ਇਸ ਸਮੇਂ ਦੇਸ਼ ਵਿਚ ਕੋਰੋਨਾ ਵਾਇਰਸ ਦੀ ਲਾਗ ਦੀ ਗਿਣਤੀ ਲਗਾਤਾਰ ਵੱਧ ਰਹੀ ਹੈ।
(ਪੀਟੀਆਈ)
