Advertisement

ਨਵਾਂ ਟ੍ਰੈਫ਼ਿਕ ਨਿਯਮ: ਰਾਜਸਥਾਨ ਦੀ ਗੱਡੀ ਦਾ ਦਿੱਲੀ ਪੁਲਿਸ ਨੇ ਕੱਟਿਆ 1.41 ਲੱਖ ਰੁਪਏ ਦਾ ਚਲਾਨ

ਸਪੋਕਸਮੈਨ ਸਮਾਚਾਰ ਸੇਵਾ | Edited by : ਗੁਰਬਿੰਦਰ ਸਿੰਘ
Published Sep 11, 2019, 1:55 pm IST
Updated Sep 11, 2019, 4:59 pm IST
ਪੀਐਮ ਮੋਦੀ ਦੀ ਅਗਵਾਈ ਵਾਲੀ ਮੋਦੀi 2.0 ਨੇ ਟ੍ਰੈਫਿਕ ਨਿਯਮਾਂ ਸਬੰਧੀ ਇਕ ਅਜਿਹਾ...
Delhi Police
 Delhi Police

ਨਵੀਂ ਦਿੱਲੀ: ਪੀਐਮ ਮੋਦੀ ਦੀ ਅਗਵਾਈ ਵਾਲੀ ਮੋਦੀi 2.0 ਨੇ ਟ੍ਰੈਫਿਕ ਨਿਯਮਾਂ ਸਬੰਧੀ ਇਕ ਅਜਿਹਾ ਕਾਨੂੰਨ ਲਾਗੂ ਕੀਤਾ ਹੈ ਜੋ ਆਏ ਦਿਨ ਟ੍ਰੈਫਿਕ ਚਲਾਨ ਸਬੰਧੀ ਇਕ ਨਵਾਂ ਰਿਕਾਰਡ ਬਣਾ ਰਿਹਾ ਹੈ। ਅਸਲ ਵਿਚ ਨਰਿੰਦਰ ਮੋਦੀ ਦੀ ਅਗਵਾਈ ਵਾਲੀ ਸਰਕਾਰ 'ਚ ਕੇਂਦਰੀ ਸੜਕ ਆਵਾਜਾਈ ਮੰਤਰੀ ਨਿਤਿਨ ਗਡਕਰੀ ਨੇ Motor Vehicle Amendment Bill ਪੇਸ਼ ਕੀਤਾ ਸੀ।

Challan Challan

ਜਿਸ ਨੂੰ ਸਰਕਾਰ ਲੋਕ ਸਭਾ ਤੇ ਰਾਜ ਸਭਾ 'ਚ ਪਾਸ ਕਰਵਾਉਣ 'ਚ ਕਾਮਯਾਬ ਹੋਈ। ਅਜਿਹੇ ਵਿਚ ਇਹ ਬਿੱਲ ਹੁਣ 1 ਸਤੰਬਰ ਤੋਂ ਦੇਸ਼ ਦੇ ਕਈ ਸੂਬਿਆਂ 'ਚ ਕਾਨੂੰਨ ਦੀ ਸ਼ਕਲ ਲੈ ਚੁੱਕਾ ਹੈ ਜਿੱਥੇ ਟ੍ਰੈਫਿਕ ਨਿਯਮ ਤੋੜਨ 'ਤੇ ਲੋਕਾਂ ਨੂੰ 10 ਗੁਣਾ ਤਕ ਜ਼ਿਆਦਾ ਚਲਾਨ ਭਰਨਾ ਪੈ ਰਿਹਾ ਹੈ। ਹਾਲਾਂਕਿ, ਇਹ ਕਾਨੂੰਨ ਫ਼ਿਲਹਾਲ ਕੁਝ ਸੂਬਿਆਂ 'ਚ ਲਾਗੂ ਨਹੀਂ ਹੋਇਆ ਹੈ। ਅਜਿਹੇ 'ਚ ਦਿੱਲੀ ਦੀ ਟ੍ਰੈਫਿਕ ਪੁਲਿਸ ਨੇ ਪਿਛਲੇ ਸਾਰੇ ਨਿਯਮ ਤੋੜ ਦਿੱਤੇ ਹਨ।

Police Cutting ChallanPolice Cutting Challan

ਅਸਲ ਵਿਚ ਦਿੱਲੀ ਟ੍ਰੈਫਿਕ ਪੁਲਿਸ ਵਲੋਂ 1.41 ਲੱਖ ਰੁਪਏ ਦਾ ਚਾਲਨ ਕੱਟਿਆ ਗਿਆ ਹੈ। ਜੀ ਹਾਂ, ਇਹ ਸੱਚ ਹੈ। ਅਸਲ ਵਿਚ ਰਾਜਸਥਾਨ ਦੀ ਇਕ ਗੱਡੀ ਜਦੋਂ ਦਿੱਲੀ ਦੇ ਰੋਹਿਣੀ ਪਹੁੰਚੀ ਉਦੋਂ ਦਿੱਲੀ ਪੁਲਿਸ ਵਲੋਂ ਇਹ ਚਲਾਨ ਕੱਟਿਆ ਗਿਆ। ਨਵੇਂ ਟ੍ਰੈਫਿਕ ਨਿਯਮ ਲਾਗੂ ਹੋਣ ਤੋਂ ਬਾਅਦ ਇਹ ਹੁਣ ਤਕ ਦਾ ਸਭ ਤੋਂ ਵੱਡਾ ਟ੍ਰੈਫਿਕ ਚਲਾਨ ਹੈ। ਫਾਈਨ ਰਿਸਿਪਟ ਮੁਤਾਬਿਕ ਇਹ ਚਲਾਨ ਭਗਵਾਨ ਰਾਮ ਨਾਂ ਦੇ ਵਿਅਕਤੀ ਵਲੋਂ ਭਰਿਆ ਗਿਆ ਹੈ।