ਜੇ ਦੇਸ਼ ਦੀ ਕਿਸਾਨੀ ਹੀ ਨਾ ਰਹੀ ਦੇਸ਼ ਦੇ ਕਿਸਾਨ ਹੀ ਨਾ ਰਹੇ ਤਾਂ ਭੰਗੜੇ ਕਿਵੇਂ ਪਾਵਾਂਗੇ - ਨੌਜਵਾਨ
ਨਵੀਂ ਦਿੱਲੀ ( ਲੰਕੇਸ਼ ਤ੍ਰਿਖਾ ) - ਕਿਸਾਨ ਆਪਣਾ ਸੰਘਰਸ਼ ਜੋਰਾਂ ਸ਼ੋਰਾਂ 'ਤੇ ਕਰ ਰਹੇ ਹਨ ਤੇ ਉਹਨਾਂ ਦਾ ਕਹਿਣਾ ਹੈ ਕਿ ਜਿੰਨਾ ਮੋਦੀ ਇਹ ਕਾਲੇ ਕਾਨੂੰਨ ਵਾਪਸ ਨਹੀਂ ਲੈਂਦਾ ਅਸੀਂ ਵਾਪਸ ਨਹੀਂ ਜਾਵਾਂਗੇ। ਇਸ ਦੌਰਾਨ ਭੰਗੜਾ ਪਾ ਕੇ ਧਰਤੀ ਹਿਲਾਉਣ ਵਾਲੇ ਨੌਜਵਾਨਾਂ ਨੇ ਸਪੋਸਮੈਨ ਨਾਲ ਵਿਸ਼ੇਸ਼ ਗੱਲਬਾਤ ਕੀਤੀ। ਇਹਨਾਂ ਨੌਜਵਾਨਾਂ ਕਰ ਕੇ ਹੀ ਕਿਸਾਨੀ ਸੰਘਰਸ਼ ਵਿਚ ਜੋਸ਼ ਦੇਖਣ ਨੂੰ ਮਿਲ ਰਿਹਾ ਹੈ ਇਹ ਸਾਡੇ ਪੰਜਾਬ ਦੇ ਨੌਜਵਾਨ ਹੀ ਦੇਸ਼ ਦਾ ਭਵਿੱਖ ਹਨ ਤੇ ਇਹ ਨੌਜਵਾਨ ਆਪਣੇ ਬਜ਼ੁਰਗਾਂ ਦੀ ਸੇਵਾ ਕਰਦੇ ਨਹੀਂ ਥੱਕ ਰਹੇ।
Farmers Protest
ਇਹਨਾਂ ਨੌਜਵਾਨਾਂ ਦਾ ਕਹਿਣਾ ਹੈ ਕਿ ਜੇ ਦੇਸ਼ ਦੀ ਕਿਸਾਨੀ ਹੀ ਨਾ ਰਹੀ ਦੇਸ਼ ਦੇ ਕਿਸਾਨ ਹੀ ਨਾ ਰਹੇ ਤਾਂ ਭੰਗੜੇ ਕਿਵੇਂ ਪਾਵਾਂਗੇ। ਨੌਜਵਾਨਾਂ ਦਾ ਕਹਿਣਾ ਹੈ ਕਿ ਉਹਨਾਂ ਨੂੰ ਇੱਥੇ ਆ ਕੇ ਬਹੁਤ ਤਜ਼ਰਬਾ ਮਿਲਿਆ ਹੈ ਵੱਡਿਆ ਦਾ ਪਿਆਰ ਮਿਲਿਆ ਹੈ ਤੇ ਆਪਣੀ ਸਾਰੀ ਤਾਕਤ ਲਗਾ ਦੇਣਗੇ ਮੋਦੀ ਨੂੰ ਹਰਾਉਣ ਲਈ ਤੇ ਉਹ ਆਪਣੇ ਨਾਲ-ਨਾਲ ਦਿੱਲੀ ਵਾਸੀਆਂ ਨੂੰ ਕੈਮ ਕਰ ਰਹੇ ਨੇ ਅਤੇ ਨੌਜਵਾਨਾਂ ਦਾ ਕਹਿਣਾ ਹੈ ਕਿ ਉਹ ਪੂਰਾ ਸਿਆਲ ਕੱਢ ਕੇ ਹੀ ਜਾਣਗੇ।
Farmers Protest
ਉੱਥੇ ਹੀ ਇਕ ਬਜੁਰਗ ਕਿਸਾਨ ਦਾ ਕਹਿਣਾ ਹੈ ਕਿ ਪਹਿਲਾਂ ਤਾਂ ਸਿਰਫ਼ ਇਕ ਭਗਤ ਸਿੰਘ ਨੇ ਸਰਕਾਰ ਨੂੰ ਜਗਾਇਆ ਸੀ ਪਰ ਹੁਣ ਤਾਂ ਕਿੰਨੇ ਹੀ ਭਗਤ ਸਿੰਘ ਆ ਗਏ ਨੇ ਤੇ ਇਹਨਾਂ ਵਿਚ ਤਾਕਤ ਵੀ ਐਨੀ ਆ ਗਈ ਹੈ ਕਿ ਮੋਦੀ ਨੂੰ ਚੁੱਕ ਕੇ ਹੀ ਲੈ ਜਾਣਗੇ। ਬਜੁਰਗ ਕਿਸਾਨ ਦਾ ਕਹਿਣਾ ਹੈ ਕਿ ਅੱਜ ਮੋਦੀ ਸਾਡਾ ਇਤਿਹਾਸ ਭੁੱਲ ਗਿਆ ਹੈ ਜਿੰਨਾ ਨੇ ਸਾਡੇ ਦੇਸ਼ ਨੂੰ ਅਜ਼ਾਦ ਨੂੰ ਅਜ਼ਾਦ ਕਰਵਾਇਆ ਇਹ ਉਹਨਾਂ ਨੂੰ ਭੁੱਲ ਗਿਆ ਹੈ ਤੇ ਅਸੀਂ ਮੋਦੀ ਨੂੰ ਸਾਡਾ ਇਤਿਹਾਸ ਯਾਦ ਕਰਵਾ ਕੇ ਜਾਵਾਂਗੇ।
