File Photo
ਦਖਣੀ ਪਛਮੀ ਮਾਨਸੂਨ ਨੇ ਵੀਰਵਾਰ ਨੂੰ ਮਹਾਰਾਸ਼ਟਰ ਵਿਚ ਦਸਤਕ ਦੇ ਦਿਤੀ ਅਤੇ ਰਾਜ ਦੇ ਕੁੱਝ ਤੱਟਵਰਤੀ ਹਿੱਸਿਆਂ ਵਿਚ ਮੀਂਹ ਪਿਆ।
ਮੁੰਬਈ, 11 ਜੂਨ : ਦਖਣੀ ਪਛਮੀ ਮਾਨਸੂਨ ਨੇ ਵੀਰਵਾਰ ਨੂੰ ਮਹਾਰਾਸ਼ਟਰ ਵਿਚ ਦਸਤਕ ਦੇ ਦਿਤੀ ਅਤੇ ਰਾਜ ਦੇ ਕੁੱਝ ਤੱਟਵਰਤੀ ਹਿੱਸਿਆਂ ਵਿਚ ਮੀਂਹ ਪਿਆ। ਮੌਸਮ ਵਿਭਾਗ ਨੇ ਅਗਲੇ 48 ਘੰਟਿਆਂ ਵਿਚ ਸੂਬੇ ਦੇ ਕੁੱਝ ਹਿੱਸਿਆਂ ਵਿਚ ਭਾਰੀ ਮੀਂਹ ਪੈਣ ਦਾ ਅਨੁਮਾਨ ਲਾਇਆ ਹੈ। ਵਿਭਾਗ ਦੇ ਮੁੰਬਈ ਕੇਂਦਰ ਦੇ ਅਧਿਕਾਰੀ ਕੇ ਐਸ ਹੋਸਲੀਕਰ ਨੇ ਕਿਹਾ, ‘ਦਖਣੀ ਪਛਮੀ ਮਾਨਸੂਨ ਮਹਾਰਾਸ਼ਟਰ ਵਿਚ ਪਹੁੰਚ ਗਿਆ ਹੈ। ਇਹ ਹਰਨਈ, ਸੋਲਾਪੁਰ, ਰਾਮਾਗੁੰਡਮ ਅਤੇ ਜਗਦਲਪੁਰ ਉਪਰੋਂ ਲੰਘ ਰਿਹਾ ਹੈ।’ ਉਨ੍ਹਾਂ ਸੂਬੇ ਵਿਚ ਅਗਲੇ 24 ਘੰਟਿਆਂ ਵਿਚ ਭਾਰੀ ਮੀਂਹ ਦੀ ਚੇਤਾਵਨੀ ਦਿਤੀ ਹੈ। ਇਕ ਹੋਰ ਅਧਿਕਾਰੀ ਨੇ ਕਿਹਾ ਕਿ ਤੱਟਵਰਤੀ ਸਿੰਧੂਦੁਰਗ ਜ਼ਿਲ੍ਹੇ ਦੇ ਕੁੱਝ ਹਿੱਸਿਆਂ ਵਿਚ ਵੀਰਵਾਰ ਸਵੇਰੇ 11 ਵਜੇ ਮੀਂਹ ਪਿਆ। ਹੋਰ ਜ਼ਿਲਿ੍ਹਆਂ ਵਿਚ ਵੀ ਮੀਂਹ ਪੈਣ ਦੀ ਖ਼ਬਰ ਹੈ। (ਏਜੰਸੀ)
