ਝਾਰਖੰਡ ਪ੍ਰਦੇਸ਼ ਭਾਜਪਾ ਨੇ ਇਲਜ਼ਾਮ ਲਗਾਇਆ ਕਿ ਕਾਂਗਰਸ ਦੇਸ਼ ਦੀ ਜਨਤਾ ਨੂੰ ਵਰਗਲਾ ਕੇ ਰਾਜਨੀਤੀ ਕਰਨਾ ਚਾਹੁੰਦੀ ਹੈ। ਭਾਜਪਾ ਨੇ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੂੰ...
ਰਾਂਚੀ : ਝਾਰਖੰਡ ਪ੍ਰਦੇਸ਼ ਭਾਜਪਾ ਨੇ ਇਲਜ਼ਾਮ ਲਗਾਇਆ ਕਿ ਕਾਂਗਰਸ ਦੇਸ਼ ਦੀ ਜਨਤਾ ਨੂੰ ਵਰਗਲਾ ਕੇ ਰਾਜਨੀਤੀ ਕਰਨਾ ਚਾਹੁੰਦੀ ਹੈ। ਭਾਜਪਾ ਨੇ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੂੰ ਚੁਣੋਤੀ ਦਿੰਦੇ ਹੋਏ ਸਲਾਹ ਦਿਤੀ ਕਿ ਪਟਰੌਲ 'ਤੇ ਝੂਠ ਦੀ ਰਾਜਨੀਤੀ ਬੰਦ ਕਰ ਉਹ ਪਹਿਲਾਂ ਅਪਣੇ ਨਾਨਕੇ ਇਟਲੀ ਵਿਚ ਪਟਰੌਲ ਦਾ ਮੁੱਲ ਪਤਾ ਕਰ ਲੈਣ, ਜਿਥੇ ਭਾਰਤ ਦੇ ਡੇਢ ਗੁਣਾ ਤੋਂ ਵੀ ਜ਼ਿਆਦਾ ਕੀਮਤ 'ਤੇ ਪਟਰੋਲ ਵਿਕ ਰਿਹਾ ਹੈ। ਪ੍ਰਦੇਸ਼ ਭਾਜਪਾ ਬੁਲਾਰੇ ਪ੍ਰਵੀਣ ਪ੍ਰਭਾਕਰ ਨੇ ਕਿਹਾ ਕਿ ਭਾਜਪਾ ਦੇ ਰਾਜ ਵਿਚ ਪਟਰੌਲ ਦੇ ਮੁੱਲ ਘੱਟ ਹੋਏ ਸਨ।
Rahul Gandhi
ਪਰ ਅੰਤਰਰਾਸ਼ਟਰੀ ਕਾਰਨਾਂ ਨਾਲ ਵਿਸ਼ਵ ਵਿਚ ਤੇਲ ਦਾ ਉਤਪਾਦਨ ਘਟਿਆ ਹੈ, ਜਿਸ ਦੇ ਨਾਲ ਕੱਚੇ ਤੇਲ ਦੀਆਂ ਕੀਮਤਾਂ ਵਿਚ ਉਛਾਲ ਆਇਆ ਹੈ। ਕੱਚੇ ਤੇਲ 80 ਡਾਲਰ ਪ੍ਰਤੀ ਬੈਰਲ ਵਿਕ ਰਿਹਾ ਹੈ। ਸਊਦੀ ਅਰਬ, ਤੁਰਕੀ, ਈਰਾਨ, ਰੂਸ, ਵੈਨੇਜ਼ੁਏਲਾ ਵਰਗੇ ਵੱਡੇ ਤੇਲ ਉਤਪਾਦਕ ਦੇਸ਼ਾਂ ਨੇ ਉਤਪਾਦਨ ਘਟਾ ਦਿਤਾ ਹੈ, ਜਿਸ ਦੇ ਨਾਲ ਕੀਮਤਾਂ ਵਧੀਆਂ ਹਨ। ਪ੍ਰਭਾਕਰ ਨੇ ਕਿਹਾ ਕਿ ਹਾਂਗਕਾਂਗ ਵਿਚ ਪਟਰੌਲ ਦੀ ਕੀਮਤ 157 ਰੁਪਏ ਪ੍ਰਤੀ ਲਿਟਰ ਅਤੇ ਇਟਲੀ ਵਿਚ 137.38 ਰੁਪਏ ਪ੍ਰਤੀ ਲਿਟਰ ਹੈ, ਜਦ ਕਿ ਇੰਗਲੈਂਡ ਅਤੇ ਜਰਮਨੀ ਵਿਚ 125 ਰੁਪਏ ਪ੍ਰਤੀ ਲਿਟਰ ਹੈ।
Petrol Pump
ਵਿਸ਼ਵ ਦੇ ਜ਼ਿਆਦਾਤਰ ਦੇਸ਼ਾਂ ਵਿਚ ਪਟਰੌਲ ਦੇ ਮੁੱਲ ਭਾਰਤ ਤੋਂ ਜ਼ਿਆਦਾ ਹਨ। ਉਨ੍ਹਾਂ ਨੇ ਕਿਹਾ ਕਿ ਕਾਂਗਰਸ ਦੇ ਸ਼ਾਸਨ ਵਿਚ ਪਟਰੌਲ ਦੀ ਕੀਮਤ ਅੱਜ ਤੋਂ ਜ਼ਿਆਦਾ ਸੀ। ਕਾਂਗਰਸ ਪਰੇਸ਼ਾਨ ਅਤੇ ਹਤਾਸ਼ ਹੋ ਚੁਕੀ ਹੈ ਅਤੇ ਪਟਰੌਲ ਦੇ ਮੁੱਦੇ 'ਤੇ ਝੂਠ ਦੀ ਰਾਜਨੀਤੀ ਕਰ ਰਹੀ ਹੈ। ਕਾਂਗਰਸ ਕਾਲ ਵਿਚ ਸਤੰਬਰ 2013 'ਚ ਪਟਰੌਲ ਦੀ ਕੀਮਤ ਕੋਲਕਾਤਾ ਵਿਚ 83.63 ਰੁਪਏ ਸੀ, ਜਦ ਕਿ ਅੱਜ ਇਸ ਕੀਮਤ ਉਸ ਤੋਂ ਘੱਟ 83.39 ਰੁਪਏ ਹੈ। ਉਨ੍ਹਾਂ ਨੇ ਨੇ ਕਿਹਾ ਕਿ ਕੇਂਦਰ ਸਰਕਾਰ ਚਾਹੁੰਦੀ ਹੈ ਕਿ ਤੇਲ ਦੀਆਂ ਕੀਮਤਾਂ ਵਿਚ ਕਾਬੂ ਰੱਖਿਆ ਜਾਵੇ
GST
ਪਰ ਕੋਈ ਰਾਜ ਇਥੇ ਤੱਕ ਕਿ ਗੈਰ ਭਾਜਪਾ ਸ਼ਾਸਿਤ ਰਾਜ ਵੀ ਪਟਰੌਲ 'ਤੇ ਜੀਐਸਟੀ ਲਾਗੂ ਕਰਨ ਨੂੰ ਤਿਆਰ ਨਹੀਂ ਅਤੇ ਨਹੀਂ ਹੀ ਅਪਣਾ ਕਰ ਘਟਾਉਣ ਨੂੰ ਤਿਆਰ ਹਨ। ਸੂਰਜ ਨੇ ਕਿਹਾ ਕਿ ਕਾਂਗਰਸ ਹੁਣ ਗਾਂਧੀਵਾਦ ਦਾ ਰਸਤਾ ਛੱਡ ਚੁੱਕੀ ਹੈ ਅਤੇ ਅਤਿਵਾਦ ਅਤੇ ਨਕਸਲਵਾਦ ਤੋਂ ਪ੍ਰੇਰਿਤ ਹੋ ਕੇ ਹਿੰਸਾ ਦੇ ਸਹਾਰੇ ਸੱਤਾ ਪਾਉਣਾ ਚਾਹੁੰਦੀ ਹੈ।
