ਕਾਂਗਰਸ ਨੇ ਆਖਰੀ ਮਿੰਟ ‘ਤੇ ਐਲਾਨ ਕੀਤਾ ਕਿ ਉਹ ਉਧਵ ਠਾਕਰੇ ਦੀ ਅਗਵਾਈ ਵਾਲੀ ਪਾਰਟੀ ਦੀ ਹਮਾਇਤ ਕਰਨ‘ਤੇ ਐਨ ਸੀ ਪੀ ਨਾਲ ਹੋਰ ਗੱਲਬਾਤ ਕਰੇਗੀ।
ਨਵੀਂ ਦਿੱਲੀ- ਮਹਾਰਾਸ਼ਟਰ ਵਿਚ ਰਾਜਨੀਤੀ 'ਚ ਖਿੱਚਧੂਹ ਜਾਰੀ ਹੈ। ਇਸੇ ਦੌਰਾਨ ਐਨਸੀਪੀ ਨੇਤਾ ਅਜੀਤ ਪਵਾਰ ਨੇ ਹੋਰ ਨੇਤਾਵਾਂ ਨਾਲ ਸੋਮਵਾਰ ਨੂੰ ਰਾਜ ਭਵਨ ਵਿਖੇ ਰਾਜਪਾਲ ਭਗਤ ਸਿੰਘ ਕੋਸ਼ਯਾਰੀ ਨਾਲ ਮੁਲਾਕਾਤ ਕੀਤੀ ਦਰਅਸਲ ਸ਼ਿਵ ਸੈਨਾ ਦੇ ਸਰਕਾਰ ਬਣਾਉਣ ਦੇ ਦਾਅਵੇ ਲਈ ਵਧੇਰੇ ਸਮਾਂ ਦੇਣ ਤੋਂ ਇਨਕਾਰ ਕਰਨ ਤੋਂ ਬਾਅਦ ਰਾਜਪਾਲ ਨੇ ਰਾਸ਼ਟਰਵਾਦੀ ਕਾਂਗਰਸ ਪਾਰਟੀ (ਐਨਸੀਪੀ) ਨੂੰ ਰਾਜ ਭਵਨ ਵਿਖੇ ਬੈਠਕ ਲਈ ਬੁਲਾਇਆ। ਐਨਸੀਪੀ ਨੇਤਾ ਅਜੀਤ ਪਵਾਰ ਨੇ ਸੋਮਵਾਰ ਨੂੰ ਇਹ ਜਾਣਕਾਰੀ ਦਿੱਤੀ।
NCP
ਪਵਾਰ ਨੇ ਕਿਹਾ, "ਰਾਤ 8:30 ਵਜੇ ਰਾਜਪਾਲ ਕੋਸ਼ਯਾਰੀ ਨੇ ਸਾਨੂੰ ਮਿਲਣ ਲਈ ਬੁਲਾਇਆ। ਮੈਂ ਉਨ੍ਹਾਂ ਨਾਲ ਛਗਨ ਭੁਜਬਲ, ਜੈਅੰਤ ਪਾਟਿਲ ਅਤੇ ਹੋਰ ਨੇਤਾਵਾਂ ਨੂੰ ਮਿਲਣ ਜਾ ਰਿਹਾ ਹਾਂ।" ਮੁਲਾਕਾਤ ਦੇ ਮਕਸਦ ਬਾਰੇ ਪੁੱਛੇ ਜਾਣ 'ਤੇ ਉਨ੍ਹਾਂ ਕਿਹਾ, "ਸਾਨੂੰ ਨਹੀਂ ਪਤਾ ਕਿ ਉਨ੍ਹਾਂ ਨੇ ਸਾਨੂੰ ਕਿਉਂ ਬੁਲਾਇਆ। ਰਾਜਪਾਲ ਇਕ ਮਹੱਤਵਪੂਰਨ ਵਿਅਕਤੀ ਹੈ ਅਤੇ ਇਸ ਲਈ ਅਸੀਂ ਉਸ ਨੂੰ ਮਿਲਣ ਜਾ ਰਹੇ ਹਾਂ।"
ਸ਼ਿਵ ਸੈਨਾ ਵੱਲੋਂ ਗੈਰ-ਭਾਜਪਾ ਸਰਕਾਰ ਬਣਾਉਣ ਦੇ ਯਤਨ ਨਾਲ ਆਖਰੀ ਮਿੰਟ 'ਤੇ ਇਹ ਝਟਕਾ ਲੱਗਿਆ ਹੈ। ਕਾਂਗਰਸ ਨੇ ਆਖਰੀ ਮਿੰਟ ‘ਤੇ ਐਲਾਨ ਕੀਤਾ ਕਿ ਉਹ ਉਧਵ ਠਾਕਰੇ ਦੀ ਅਗਵਾਈ ਵਾਲੀ ਪਾਰਟੀ ਦੀ ਹਮਾਇਤ ਕਰਨ‘ਤੇ ਐਨ ਸੀ ਪੀ ਨਾਲ ਹੋਰ ਗੱਲਬਾਤ ਕਰੇਗੀ।
Shiv Sena
ਬਾਅਦ ਵਿਚ ਐਨਸੀਪੀ ਦੇ ਮੁੱਖ ਬੁਲਾਰੇ ਨਵਾਬ ਮਲਿਕ ਨੇ ਪੱਤਰਕਾਰਾਂ ਨੂੰ ਕਿਹਾ, “ਸਮਝਿਆ ਜਾਂਦਾ ਹੈ ਕਿ ਰਾਜਪਾਲ ਨੇ ਉਨ੍ਹਾਂ ਦੀ ਪਾਰਟੀ ਨੂੰ ਸੱਦਾ ਦਿੱਤਾ ਹੈ ਕਿਉਂਕਿ ਉਹ 54 ਸੀਟਾਂ ਵਾਲੀ ਤੀਜੀ ਸਭ ਤੋਂ ਵੱਡੀ ਪਾਰਟੀ ਹੈ।”ਅਸੀਂ ਇਸ ਦੇ ਅਧਾਰ 'ਤੇ ਕਾਂਗਰਸ ਨਾਲ ਗੱਲ ਕਰਾਂਗੇ ਅਸੀਂ ਕੱਲ੍ਹ ਅੰਤਮ ਫੈਸਲਾ ਲਵਾਂਗੇ। ”
