ਕਿਹਾ-ਰਹਿਮ ਪਟੀਸ਼ਨ ਰੱਦ ਕਰਨ ਦੇ ਫ਼ੈਸਲੇ ਵਿਚ ਖ਼ਾਮੀਆਂ
ਨਵੀਂ ਦਿੱਲੀ : ਨਿਰਭਿਆ ਸਮੂਹਕ ਬਲਾਤਕਾਰ ਅਤੇ ਹਤਿਆ ਮਾਮਲੇ ਵਿਚ ਫਾਂਸੀ ਦੀ ਸਜ਼ਾਯਾਫ਼ਤਾ ਚਾਰ ਦੋਸ਼ੀਆਂ ਵਿਚੋਂ ਇਕ ਵਿਨੇ ਸ਼ਰਮਾ ਨੇ ਸ਼ੁਕਰਵਾਰ ਨੂੰ ਦਿੱਲੀ ਹਾਈ ਕੋਰਟ ਵਿਚ ਪਹੁੰਚ ਕਰਦਿਆਂ ਦਾਅਵਾ ਕੀਤਾ ਕਿ ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਦੁਆਰਾ ਉਸ ਦੀ ਰਹਿਮ ਪਟੀਸ਼ਨ ਰੱਦ ਕੀਤੇ ਜਾਣ ਵਿਚ ਕੁੱਝ ਖ਼ਾਮੀਆਂ ਅਤੇ 'ਸੰਵਿਧਾਨਕ ਗੜਬੜ' ਸੀ।
Photo
ਸ਼ਰਮਾ ਦੇ ਵਕੀਲ ਏ ਪੀ ਸਿੰਘ ਨੇ ਪਟੀਸ਼ਨ ਦਾਖ਼ਲ ਕੀਤੀ ਜਿਨ੍ਹਾਂ ਦਸਿਆ ਕਿ ਕਿ ਮਾਮਲੇ ਨੂੰ ਦਿੱਲੀ ਹਾਈ ਕੋਰਟ ਦੀ ਰਜਿਸਟਰ ਵਿਚ ਦਾਖ਼ਲ ਕੀਤਾ ਗਿਆ ਹੈ। ਪਟੀਸ਼ਨ ਵਿਚ ਦਾਅਵਾ ਕੀਤਾ ਗਿਆ ਹੈ ਕਿ ਰਹਿਮ ਪਟੀਸ਼ਨ ਰੱਦ ਕਰਨ ਲਈ ਰਾਸ਼ਟਰਪਤੀ ਕੋਲ ਭੋਜੀ ਗਈ ਅਰਜ਼ੀ ਵਿਚ ਦਿੱਲੀ ਦੇ ਗ੍ਰਹਿ ਮੰਤਰੀ ਸਤਿੰਦਰ ਜੈਨ ਦੇ ਹਸਤਾਖਰ ਨਹੀਂ ਹਨ। ਵਿਨੇ ਦੀ ਰਹਿਮ ਪਟੀਸ਼ਨ ਰਾਸ਼ਟਰਪਤੀ ਨੇ ਇਕ ਫ਼ਰਵਰੀ ਨੂੰ ਰੱਦ ਕਰ ਦਿਤੀ ਸੀ।
Photo
ਪਟੀਸ਼ਨ ਮੁਤਾਬਕ ਮਾਮਲੇ ਨੂੰ ਜਦ ਸੁਪਰੀਮ ਕੋਰਟ ਸਾਹਮਣੇ ਰਖਿਆ ਗਿਆ ਤਾਂ ਕੇਂਦਰ ਨੇ ਕਿਹਾ ਸੀ ਕਿ ਜੈਨ ਦਾ ਹਸਤਾਖਰ ਵਟਸਐਪ 'ਤੇ ਲਿਆ ਗਿਆ ਸੀ। ਇਸ ਨੇ ਦਾਅਵਾ ਕੀਤਾ ਕਿ ਜਦ ਰਹਿਮ ਪਟੀਸ਼ਨ ਦਾਖ਼ਲ ਕੀਤੀ ਗਈ ਸੀ ਤਾਂ ਉਸ ਸਮੇਂ ਚੋਣ ਜ਼ਾਬਤਾ ਲਾਗੂ ਸੀ ਅਤੇ ਜੈਨ ਉਸ ਵੇਲੇ ਸਿਰਫ਼ ਵਿਧਾਇਕ ਉਮੀਦਵਾਰ ਸਨ ਕਿਉਂਕਿ ਚੋਣਾਂ ਦਾ ਐਲਾਨ ਹੋ ਚੁੱਕਾ ਸੀ ਅਤੇ ਇਸ ਲਈ, ਉਹ ਗ੍ਰਹਿ ਮੰਤਰੀ ਦੀ ਤਾਕਤ ਦੀ ਵਰਤੋਂ ਨਹੀਂ ਕਰ ਸਕੇ।
Photo
ਪਟੀਸ਼ਨ ਵਿਚ ਦਾਅਵਾ ਕੀਤਾ ਗਿਆ ਹੈ, 'ਰਹਿਮ ਪਟੀਸ਼ਨ ਰੱਦ ਕਰਨ ਲਈ ਵਰਤੀਆਂ ਗਈਆਂ ਤਾਕਤਾਂ ਨਾਜਾਇਜ਼, ਅਸੰਵਿਧਾਨਕ, ਨਿਆਂਇਕ ਨਾਕਾਮੀ ਅਤੇ ਭਾਰਤ ਦੇ ਚੋਣ ਕਮਿਸ਼ਨ ਦੀਆਂ ਸੰਵਿਧਾਨਕ ਕਦਰਾਂ-ਕੀਮਤਾਂ ਦੀ ਨਾਕਾਮੀ ਹਨ।' ਦਿੱਲੀ ਦੀ ਅਦਾਲਤ ਨੇ ਚਾਰਾਂ ਦੋਸ਼ੀਆਂ ਨੂੰ 20 ਮਾਰਚ ਨੂੰ ਫਾਂਸੀ 'ਤੇ ਲਟਕਾਉਣ ਲਈ ਮੌਤ ਦਾ ਵਾਰੰਟ ਜਾਰੀ ਕੀਤਾ ਸੀ।
