ਪਾਕਿਸਤਾਨ ਅੰਤਰਰਾਸ਼ਟਰੀ ਮੁਦਰਾ ਕੋਸ਼ (IMF) ਤੋਂ ਕਰਜ਼ਾ ਲੈਣ ਦੀ ਯੋਜਨਾ ਬਣਾ ਰਿਹਾ ਹੈ। ਇਸ ਦੇ ਨਾਲ ਹੀ ਉਸ ਦਾ ਕਰਜ਼...
ਨਵੀਂ ਦਿੱਲੀ (ਭਾਸ਼ਾ) : ਪਾਕਿਸਤਾਨ ਅੰਤਰਰਾਸ਼ਟਰੀ ਮੁਦਰਾ ਕੋਸ਼ (IMF) ਤੋਂ ਕਰਜ਼ਾ ਲੈਣ ਦੀ ਯੋਜਨਾ ਬਣਾ ਰਿਹਾ ਹੈ। ਇਸ ਦੇ ਨਾਲ ਹੀ ਉਸ ਦਾ ਕਰਜ਼ 6 ਅਰਬ ਡਾਲਰ ਤੋਂ ਵੱਧ ਕੇ 12 ਅਰਬ ਡਾਲਰ ਤੋਂ ਵੀ ਜ਼ਿਆਦਾ ਹੋ ਜਾਵੇਗਾ। ਹੁਣ, 1988 ਤੋਂ ਬਾਅਦ ਪਾਕਿਸਤਾਨ 13ਵੀਂ ਵਾਰ ਕਰਜ਼ ਲੈ ਸਕਦਾ ਹੈ। ਇਸਲਾਮਾਬਾਦ ਨੂੰ ਕਰਜ਼ ਦਾਤਾਵਾਂ ਤੋਂ ਪੈਸਾ ਲੈਣ ਦੇ ਨਾਲ ਆਰਥਿਕ ਸੁਧਾਰਾਂ ਦੇ ਵੱਲ ਵੀ ਧਿਆਨ ਦੇਣਾ ਹੋਵੇਗਾ। ਪਾਕਿ ਨੇ ਕੇਵਲ 2016 ਦੇ IMF ਪ੍ਰੋਗਰਾਮ ਨੂੰ ਸਫ਼ਲਤਾ ਪੂਰਵਕ ਪੂਰਾ ਕੀਤਾ ਹੈ। ਹਾਲਾਂਕਿ ਉਸ ਸਮੇਂ ਵੀ ਕਈ ਮਾਮਲਿਆਂ ਵਿਚ ਉਸ ਨੂੰ ਛੂਟ ਦਿਤੀ ਗਈ ਸੀ।
Imran Khanਇਸ ਵਾਰ ਪਾਕਿਸਤਾਨ ਲਈ ਵੱਡੀ ਸਮੱਸਿਆ ਹੋ ਸਕਦੀ ਹੈ। ਚੀਨ ਤੋਂ ਲਏ ਗਏ ਕਰਜ਼ੇ ਨੂੰ ਲੈ ਕੇ ਪਾਕਿਸਤਾਨ ਨੂੰ ਮੁਸ਼ਕਿਲ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਪਾਕਿਸਤਾਨ ਨੂੰ ਇਹ ਗੱਲ ਪਤਾ ਹੈ ਇਸ ਲਈ ਉਸ ਨੇ ਕੁਝ ਕਦਮ ਵੀ ਚੁੱਕੇ ਹਨ। ਪਾਕਿਸਤਾਨ ਨੇ ਅਪਣੇ ਰੁਪਏ ਦੀ ਕੀਮਤ ਘੱਟ ਕੀਤੀ ਹੈ। ਪਾਕਿ ਨੇ ਕਿਹਾ ਹੈ ਕਿ ਚੀਨ ਤੋਂ ਲਏ ਗਏ ਕਰਜ਼ੇ ਦੀ ਜਾਣਕਾਰੀ ਵੀ ਪਬਲਿਸ਼ ਕੀਤੀ ਜਾਵੇਗੀ। ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਦੇ ਸਾਹਮਣੇ ਕਰੰਸੀ ਡੀਵੈਲੂਏਸ਼ਨ ਤੋਂ ਹੋਣ ਵਾਲਾ ਘਾਟਾ ਇਕ ਵੱਡੀ ਚੁਣੋਤੀ ਹੈ। ਡੋਨਾਲਡ ਟਰੰਪ ਦੁਆਰਾ ਸੁਰੱਖਿਆ ਸਹਿਯੋਗ ਵਿਚ ਕਟੌਤੀ ਕਾਰਨ ਪਾਕਿਸਤਾਨ ਆਰਮੀ ਵੀ ਪਰੇਸ਼ਾਨ ਹੈ।
ਪਾਕਿਸਤਾਨ ਆਰਥਿਕ ਸਮਸਿਆਵਾਂ ਤੋਂ ਗੁਜ਼ਰ ਰਿਹਾ ਹੈ ਅਤੇ ਇਸ ਸਮੇਂ ਆਰਥਿਕ ਪੱਧਰ ਨੂੰ ਉੱਚਾ ਚੁੱਕਣ ਲਈ ਉਸ ਨੂੰ ਕੋਈ ਢੁੱਕਵਾਂ ਰਾਹ ਨਹੀਂ ਲੱਭ ਰਿਹਾ ਹੈ।
ਇਹ ਵੀ ਪੜ੍ਹੋ : ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕਿਹਾ ਹੈ ਕਿ ਉਨ੍ਹਾਂ ਦੀ ਸਰਕਾਰ ਨੇ ਵਪਾਰ ਵਿਚ ਚੀਨ ਦੇ ਅਣ-ਉਚਿਤ ਸੁਭਾਅ ਨੂੰ ਖ਼ਤਮ ਕਰਨ ਲਈ ਹੁਣ ਤੱਕ ਦੇ ਸਭ ਤੋਂ ਕਰੜੇ ਕਦਮ ਚੁੱਕੇ ਹਨ। ਟਰੰਪ ਇਸ ਸਾਲ ਜੂਨ ਤੋਂ ਅਪਣੇ ਇਥੇ ਚੀਨ ਤੋਂ ਆਉਣ ਵਾਲੇ ਮਾਲ ਉਤੇ ਹੌਲੀ-ਹੌਲੀ ਆਯਾਤ ਕੀਮਤ ਵਧਾ ਰਹੇ ਹਨ।
ਅਮਰੀਕੀ ਰਾਸ਼ਟਰਪਤੀ ਨੇ ਸ਼ੁੱਕਰਵਾਰ ਨੂੰ ਓਹੀਓ ਵਿਚ ਇਕ ਚੁਣਾਵੀ ਰੈਲੀ ਵਿਚ ਕਿਹਾ, ਚੀਨ ਦੀ ਅਣ-ਉਚਿਤ ਵਪਾਰਕ ਗਤੀਵਿਧੀਆਂ ਨੂੰ ਰੋਕਣ ਲਈ ਅਸੀਂ ਹੁਣ ਤੱਕ ਦੇ ਸਭ ਤੋਂ ਕਰੜੇ ਕਦਮ ਚੁੱਕ ਰਹੇ ਹਾਂ।
