ਸੈਂਟਰਲ ਦਿੱਲੀ ਦੇ ਦੇਸ਼ ਬੰਧੂ ਗੁਪਤਾ ਰੋਡ ਇਲਾਕੇ ਵਿਚ ਇਕ ਤੇਜ਼ ਰਫ਼ਤਾਰ ਕਾਰ ਨੇ 3 ਔਰਤਾਂ.......
ਨਵੀਂ ਦਿੱਲੀ (ਭਾਸ਼ਾ): ਸੈਂਟਰਲ ਦਿੱਲੀ ਦੇ ਦੇਸ਼ ਬੰਧੂ ਗੁਪਤਾ ਰੋਡ ਇਲਾਕੇ ਵਿਚ ਇਕ ਤੇਜ਼ ਰਫ਼ਤਾਰ ਕਾਰ ਨੇ 3 ਔਰਤਾਂ ਨੂੰ ਕੁਚਲ ਦਿਤਾ। ਮੰਗਲਵਾਰ ਸ਼ਾਮ ਹੋਈ ਇਸ ਘਟਨਾ ਵਿਚ ਇਕ ਔਰਤ ਦੀ ਮੌਤ ਹੋ ਗਈ, ਜਦੋਂ ਕਿ 2 ਜਖ਼ਮੀਆਂ ਨੂੰ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ। ਮ੍ਰਿਤਕ ਦੀ ਪਹਿਚਾਣ ਸੰਨੋ ਦੇਵੀ (60) ਦੇ ਰੂਪ ਵਿਚ ਹੋਈ ਹੈ। ਪੁਲਿਸ ਨੇ ਪੋਸਟਮਾਰਟਮ ਤੋਂ ਬਾਅਦ ਮ੍ਰਿਤਕ ਪਰਾਵਰ ਨੂੰ ਸੌਂਪ ਦਿਤਾ। ਪੁਲਿਸ ਨੇ ਮੁਲਜ਼ਮ ਕਾਰ ਚਾਲਕ ਦੀ ਪਹਿਚਾਣ ਅੰਬੁਜ ਗਰਗ ਦੇ ਤੌਰ ਉਤੇ ਕੀਤੀ ਹੈ। ਉਹ ਰਾਜਿੰਦਰ ਨਗਰ ਸਥਿਤ ਇਕ ਨਿਜੀ ਹਸਪਤਾਲ ਵਿਚ ਕੰਮ ਕਰਦਾ ਹੈ।
Accident
ਪੁਲਿਸ ਨੇ ਮੁਲਜ਼ਮ ਡਾਕਟਰ ਦੇ ਵਿਰੁਧ ਕਾਨੂੰਨੀ ਕਾਰਵਾਈ ਕਰਨ ਤੋਂ ਬਾਅਦ ਜ਼ਮਾਨਤ ਉਤੇ ਛੱਡ ਦਿਤਾ। ਪੁਲਿਸ ਦੇ ਮੁਤਾਬਕ ਹਾਦਸੇ ਦੀ ਚਪੇਟ ਵਿਚ ਆਈ ਸੰਨੋ ਦੇਵੀ ਸਦਰ ਬਾਜ਼ਾਰ ਵਿਚ ਧਾਗਾ ਕੱਟਣ ਦਾ ਕੰਮ ਕਰਦੀ ਸੀ। ਉਹ ਮੰਗਲਵਾਰ ਸ਼ਾਮ 2 ਹੋਰ ਔਰਤਾਂ ਦੇ ਨਾਲ ਘਰ ਮੁੜ ਰਹੀ ਸੀ। ਜਦੋਂ ਇਹ ਤਿੰਨੋਂ ਔਰਤਾਂ ਰਾਣੀ ਝਾਂਸੀ ਰੋਡ ਉਤੇ ਫਿਲਮ ਸਥਾਨ ਦੇ ਨੇੜੇ ਸੜਕ ਪਾਰ ਕਰ ਰਹੀਆਂ ਸਨ। ਉਦੋਂ ਈਦਗਾਹ ਵਲੋਂ ਆਈ ਇਕ ਤੇਜ ਰਫ਼ਤਾਰ ਕਾਰ ਨੇ ਤਿੰਨਾਂ ਨੂੰ ਚਪੇਟ ਵਿਚ ਲੈ ਲਿਆ। ਇਸ ਘਟਨਾ ਤੋਂ ਬਾਅਦ ਚਾਲਕ ਘਟਨਾ ਸਥਾਨ ਤੋਂ ਤੁਰੰਤ ਫਰਾਰ ਹੋ ਗਿਆ ਸੀ।
Accident
ਪਰ ਕੁਝ ਲੋਕਾਂ ਨੇ ਕਾਰ ਦਾ ਨੰਬਰ ਨੋਟ ਕਰ ਲਿਆ ਸੀ। ਹਾਦਸੇ ਤੋਂ ਬਾਅਦ ਜਖ਼ਮੀ ਤਿੰਨੋਂ ਔਰਤਾਂ ਨੂੰ ਬਾਡਾ ਹਿੰਦੂ ਰਾਵ ਹਸਪਤਾਲ ਪਹੁੰਚਾਇਆ ਗਿਆ, ਜਿਥੇ ਡਾਕਟਰ ਨੇ ਸੰਨੋ ਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿਤਾ। ਇਸ ਪੂਰੀ ਘਟਨਾ ਦੇ ਵਿਚ ਲੋਕਾਂ ਵਲੋਂ ਮਿਲੇ ਕਾਰ ਦੇ ਨੰਬਰ ਤੋਂ ਬਾਅਦ ਪੁਲਿਸ ਨੇ ਮੁਲਜ਼ਮ ਦੀ ਕਾਰ ਦਾ ਪਿੱਛਾ ਕੀਤਾ, ਜਿਸ ਨੂੰ ਕਸ਼ਮੀਰੀ ਗੇਟ ਏਰੀਏ ਤੋਂ ਫੜ ਲਿਆ ਗਿਆ।
