ਕਰੂ ਮੈਂਬਰਾਂ ਨੇ ਕਾਰਪੇਟ ਤੱਕ ਆਏ ਪਾਣੀ ਨਾਲ ਭਰੇ ਖੇਤਰ ਨੂੰ ਕੰਬਲਾਂ ਅਤੇ ਕਾਗਜ਼ਾਂ ਨਾਲ ਢੱਕ ਦਿਤਾ ਤੇ ਯਾਤਰੀਆਂ ਦੀ ਸਹੂਲਤ ਲਈ ਪਰਫਿਊਮ ਦਾ ਛਿੜਕਾਅ ਵੀ ਕੀਤਾ।
ਨਵੀਂ ਦਿੱਲੀ : ਮੁਸਾਫ਼ਰਾਂ ਨੂੰ ਵੱਡੀ ਪਰੇਸ਼ਾਨੀ ਦਾ ਸਾਹਮਣਾ ਉਸ ਵੇਲ੍ਹੇ ਕਰਨਾ ਪਿਆ ਜਦ ਏਅਰ ਇੰਡੀਆ ਦੀ ਲੰਡਨ-ਦਿੱਲੀ ਜਾਣ ਵਾਲੀ ਉਡਾਨ ਦੌਰਾਨ ਟਾਇਲਟ ਦੇ ਗੰਦੇ ਪਾਣੀ ਦਾ ਵਹਾਅ ਕਿਫ਼ਾਇਤੀ ਕੈਬਿਨ ਦੇ ਕਾਰਪੇਟ ਤੱਕ ਆ ਗਿਆ। ਇਸ ਤੋਂ ਬਦਬੂ ਵੀ ਆ ਰਹੀ ਸੀ। ਜ਼ਿਕਰਯੋਗ ਹੈ ਕਿ ਏਅਰਲਾਈਨਜ਼ ਵਿਚ ਜਾਮ ਏਅਰਕ੍ਰਾਫਟ ਟਾਇਲਟ ਦੁਨੀਆਂ ਭਰ ਵਿਚ ਸਮੱਸਿਆ ਬਣ ਚੁੱਕਾ ਹੈ,
Air India
ਜਿਸ ਕਾਰਨ ਇਸ ਦੀ ਵਰਤੋਂ ਨੂੰ ਯਾਤਰੀਆਂ ਲਈ ਬੰਦ ਵੀ ਕਰ ਦਿਤਾ ਜਾਂਦਾ ਹੈ । ਯਾਤਰੀਆਂ ਨੂੰ ਪਰੇਸ਼ਾਨੀ ਨਾ ਹੋਵੇ ਇਸ ਲਈ ਕਰੂ ਮੈਂਬਰਾਂ ਨੇ ਇਕਾਨਮੀ ਸੈਕਸ਼ਨ ਦੇ ਸੱਭ ਤੋਂ ਵੱਧ ਪ੍ਰਭਾਵਿਤ ਹਿੱਸੇ ਨੂੰ ਦੂਜੀਆਂ ਸੀਟਾਂ 'ਤੇ ਬਦਲ ਦਿਤਾ। ਕਰੂ ਮੈਂਬਰਾਂ ਨੇ ਕਾਰਪੇਟ ਤੱਕ ਆਏ ਪਾਣੀ ਨਾਲ ਭਰੇ ਖੇਤਰ ਨੂੰ ਕੰਬਲਾਂ ਅਤੇ ਕਾਗਜ਼ਾਂ ਨਾਲ ਢੱਕ ਦਿਤਾ ਤੇ ਯਾਤਰੀਆਂ ਦੀ ਸਹੂਲਤ ਲਈ ਪਰਫਿਊਮ ਦਾ ਛਿੜਕਾਅ ਵੀ ਕੀਤਾ।
Air India economy class
ਇਸ ਘਟਨਾ ਸਬੰਧੀ ਏਅਰ ਇੰਡੀਆ ਦਾ ਕਹਿਣਾ ਹੈ ਕਿ ਮਾਮਲੇ ਦੀ ਜਾਂਚ ਤੋਂ ਪਤਾ ਲਗਾ ਹੈ ਕਿ ਟਾਇਲਟ ਦੇ ਖੱਬੇ ਪਾਸੇ ਦੀ ਨਾਲੀ ਵਿਚ ਇਕ ਤੌਲੀਆ ਫਸਿਆ ਹੋਇਆ ਸੀ, ਜਿਸ ਕਾਰਨ ਪਾਣੀ ਦੀ ਨਿਕਾਸੀ ਨਹੀਂ ਹੋ ਸਕੀ ਅਤੇ ਪਾਣੀ ਵੱਗਦਾ ਹੋਇਆ ਬਾਹਰ ਆ ਗਿਆ। ਇਕ ਹੋਰ ਅਧਿਕਾਰੀ ਨੇ ਦੱਸਿਆ ਕਿ ਅਜਿਹਾ ਯਾਤਰੀਆਂ ਦੀ ਅਣਗਹਿਲੀ ਕਾਰਨ ਹੋਇਆ ਹੈ।
Air India
ਕੈਬਿਨ ਕਰੂ ਇਹ ਐਲਾਨ ਕਰ ਚੁੱਕਾ ਹੈ ਕਿ ਜੇਕਰ ਟਾਇਲਟ ਵਿਚ ਤੌਲੀਆ ਫਲਸ਼ ਕੀਤਾ ਜਾਵੇਗਾ ਤਾਂ ਨਾਲੀ ਜਾਮ ਹੋ ਜਾਵੇਗੀ। ਇਸ ਤੋਂ ਵੱਡੇ ਖ਼ਤਰੇ ਹੋ ਸਕਦੇ ਹਨ ਪਰ ਇਸ ਦੇ ਬਾਵਜੂਦ ਵੀ ਅਜਿਹਾ ਹੋਇਆ। ਏਆਈ 112 ਵਿਚ ਇਹ ਸਮੱਸਿਆ ਪੇਸ਼ ਆਈ। ਉਡਾਨ ਵਿਚ ਤਕਨੀਕੀ ਕਾਰਨਾਂ ਨਾਲ ਵੀ ਦੇਰੀ ਹੋਈ। ਏਅਰ ਇੰਡੀਆ ਰਾਹੀਂ ਸਫਰ ਕਰਨ ਵਾਲਿਆਂ ਦਾ ਕਹਿਣਾ ਹੈ ਕਿ
In flight entertainment system
ਏਅਰਲਾਈਨਜ਼ਾਂ ਵਿਚ ਇਕ ਵੱਡੀ ਸਮੱਸਿਆ ਹੈ ਆਈਐਫਈ ਪ੍ਰਣਾਲੀ ਦਾ ਕੰਮ ਨਾ ਕਰਨਾ, ਜੋ ਕਿ ਲੰਮੀ ਉਡਾਨਾਂ ਲਈ ਜਿੰਮੇਵਾਰ ਹੁੰਦੀ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਹ ਸਮੱਸਿਆ ਤਾਂ ਹੋ ਰਹੀ ਹੈ ਜਦ ਜ਼ਿਆਦਾਤਰ ਏਅਲਾਈਨਜ਼ ਕੌਮਾਂਤਰੀ ਉਡਾਨਾਂ ਲਈ ਆਨਬੋਰਡ ਵਾਈਫਾਈ ਉਪਲਬਧ ਕਰਵਾ ਰਹੀ ਹੈ।
