ਜਵਾਹਰ ਲਾਲ ਨਹਿਰੂ ਯੂਨੀਵਰਸਿਟੀ (JNU) ਦੇ ਸਾਬਕਾ ਵਿਦਿਆਰਥੀ ਅਤੇ ਨਾਗਪੁਰ....
ਨਾਗਪੁਰ : ਜਵਾਹਰ ਲਾਲ ਨਹਿਰੂ ਯੂਨੀਵਰਸਿਟੀ (JNU) ਦੇ ਸਾਬਕਾ ਵਿਦਿਆਰਥੀ ਅਤੇ ਨਾਗਪੁਰ ਵਿਚ ਕਰ ਰਹੇ ਇਕ ਪਤੀ-ਪਤਨੀ ਨੇ ਪੁਲਿਸ ਉਤੇ ਫਲੈਟ ਦਾ ਜਿੰਦਾ ਤੋੜ ਕੇ ਚੋਰੀ ਕਰਨ ਦਾ ਇਲਜ਼ਾਮ ਲਗਾਇਆ ਹੈ। ਡਾ. ਸ਼ਿਵਸ਼ੰਕਰ ਦਾਸ ਅਤੇ ਉਨ੍ਹਾਂ ਦੀ ਪਤਨੀ ਡਾ.ਸ਼ਿਪ੍ਰਾ ਉਕਰੇ ਨੇ ਸੋਮਵਾਰ ਨੂੰ ਇਲਜ਼ਾਮ ਲਗਾਇਆ ਕਿ ਉਨ੍ਹਾਂ ਦੀ ਗੈਰ ਮੌਜੂਦਗੀ ਵਿਚ ਪੁਲਿਸ ਨੇ ਉਨ੍ਹਾਂ ਦੇ ਕਿਰਾਏ ਦੇ ਫਲੈਟ ਦਾ ਜਿੰਦਾ ਤੋੜ ਕੇ ਦਸਤਾਵੇਜ਼ ਅਤੇ 76 ਲੱਖ ਰੁਪਏ ਦਾ ਸਮਾਨ ਚੋਰੀ ਕਰ ਲਿਆ। ਪੁਲਿਸ ਦੇ ਇਕ ਉਚ ਅਧਿਕਾਰੀ ਨੇ ਦੱਸਿਆ ਕਿ ਇਹ ਘਟਨਾ ਪਿਛਲੇ ਸਾਲ ਹੋਈ ਸੀ
Police
ਜਿਸ ਤੋਂ ਬਾਅਦ FIR ਦਰਜ ਕੀਤੀ ਗਈ ਸੀ ਅਤੇ ਜਾਂਚ ਦਾ ਆਦੇਸ਼ ਦਿਤਾ ਗਿਆ ਸੀ। ਜਾਂਚ ਰਿਪੋਰਟ ਦਾ ਇੰਤਜ਼ਾਰ ਕੀਤਾ ਜਾ ਰਿਹਾ ਹੈ। ਸ਼ਿਵਸ਼ੰਕਰ ਦਾਸ ਅਤੇ ਸ਼ਿਪ੍ਰਾ ਉਕਰੇ ਨੇ ਨਾਗਪੁਰ ਵਿਚ ਇਕ ਪ੍ਰੈਸ ਕਾਂਨਫਰੰਸ ਵਿਚ ਇਲਜ਼ਾਮ ਲਗਾਇਆ ਕਿ ਜਦੋਂ ਉਹ ਬਾਹਰ ਸਨ ਤਾਂ ਬਜਾਜ਼ ਨਗਰ ਥਾਣੇ ਦੇ 3 ਕਰਮਚਾਰੀ ਉਨ੍ਹਾਂ ਦੇ ਮਕਾਨ ਮਾਲਕ ਨਾਲ ਗਠਜੋੜ ਕਰਕੇ ਲਕਸ਼ਮੀਨਗਰ ਵਿਚ ਸਥਿਤ ਉਨ੍ਹਾਂ ਦੇ ਫਲੈਟ ਵਿਚ ਵੜ ਗਏ। ਪਤੀ-ਪਤਨੀ ਨੇ ਇਲਜ਼ਾਮ ਲਗਾਇਆ ਕਿ ਪੁਲਿਸ ਕਰਮਚਾਰੀਆਂ ਨੇ ਪਾਸਪੋਰਟ, ਸਿੱਖਿਅਕ ਪ੍ਰਮਾਣ ਪੱਤਰ, ਡਿਗਰੀ, ਲੈਪਟਾਪ, ਨਗਦੀ, ਗਹਿਣੇ ਅਤੇ ਕੀਮਤੀ ਸਮਾਨ ਚੋਰੀ ਕਰ ਲਿਆ।
ਉਨ੍ਹਾਂ ਨੇ ਕਿਹਾ ਕਿ ਕਥਿਤ ਘਟਨਾ 29 ਸਤੰਬਰ 2018 ਦੀ ਹੈ। ਉਥੇ ਹੀ ਪੁਲਿਸ ਡਿਪਟੀ ਕਮਿਸ਼ਨਰ ਵਿਵੇਕ ਮਸਲ ਨੇ ਕਿਹਾ ਕਿ ਮਕਾਨ ਮਾਲਕ ਅਤੇ ਪਤੀ-ਪਤਨੀ ਦੇ ਵਿਚ ਵਿਵਾਦ ਰਿਹਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਮਕਾਨ ਮਾਲਕ ਚਾਹੁੰਦੇ ਹਨ ਕਿ ਪਤੀ-ਪਤਨੀ ਉਨ੍ਹਾਂ ਦਾ ਫਲੈਟ ਖਾਲੀ ਕਰੇ। ਉਨ੍ਹਾਂ ਨੇ ਇਸ ਸਬੰਧ ਵਿਚ ਪੁਲਿਸ ਨੂੰ ਜਾਣਕਾਰੀ ਵੀ ਦਿਤੀ ਹੈ।
ਮਸਲ ਨੇ ਕਿਹਾ ਕਿ ਕਿਰਾਏਦਾਰ ਦੀ ਸ਼ਿਕਾਇਤ ਉਤੇ ਐਫਆਈਆਰ ਦਰਜ ਕੀਤੀ ਗਈ ਹੈ। ਉਨ੍ਹਾਂ ਨੇ ਕਿਹਾ ਕਿ ਦੋਸ਼ ਸ਼ਾਖਾ ਦੇ ਐਸੀਪੀ ਨੇ ਜਾਂਚ ਕੀਤੀ ਹੈ। ਜਾਂਚ ਪੂਰੀ ਹੋ ਗਈ ਹੈ ਅਤੇ ਰਿਪੋਰਟ ਦਾ ਇੰਤਜ਼ਾਰ ਹੈ। ਇਸ ਤੋਂ ਬਾਅਦ ਦੋਸ਼ੀ ਪਾਏ ਜਾਣ ਉਤੇ ਪੁਲਿਸ ਕਰਮਚਾਰੀਆਂ ਦੇ ਵਿਰੁਧ ਕਾਰਵਾਈ ਕੀਤੀ ਜਾਵੇਗੀ।
