ਇਟਲੀ ਵਲੋਂ 10 ਕਰੋੜ ਦਾ ਮੁਆਵਜ਼ਾ ਦੇਣ ਮਗਰੋਂ ਅਦਾਲਤ ਨੇ ਕੇਸ ਬੰਦ ਕਰਨ ਦਾ ਹੁਕਮ ਦਿਤਾ
ਨਵੀਂ ਦਿੱਲੀ: ਸੁਪਰੀਮ ਕੋਰਟ (Supreme Court) ਨੇ ਕੇਰਲ ਦੇ 2 ਮਛੇਰਿਆਂ ਨੂੰ ਕੇਰਲ ਸਮੁੰਦਰੀ ਕੰਢੇ ਨੇੜੇ ਫ਼ਰਵਰੀ 2012 ਵਿਚ ਮਾਰਨ ਦੇ ਮਾਮਲੇ ’ਚ ਦੋਸ਼ੀ 2 ਇਤਾਲਵੀ ਸਮੁੰਦਰੀ ਫ਼ੌਜੀਆਂ ਵਿਰੁਧ ਭਾਰਤ ਵਿਚ ਚੱਲ ਰਹੇ ਅਪਰਾਧਕ ਮਾਮਲੇ ਨੂੰ ਬੰਦ ਕਰਨ ਦਾ ਮੰਗਲਵਾਰ ਨੂੰ ਹੁਕਮ ਦਿਤਾ। ਜੱਜ ਇੰਦਰਾ ਬੈਨਰਜੀ ਅਤੇ ਜੱਜ ਐਮ.ਆਰ. ਸ਼ਾਹ ਦੀ ਬੈਂਚ ਨੇ ਇਸ ਮਾਮਲੇ ਵਿਚ 2 ਇਤਾਲਵੀ ਫ਼ੌਜੀਆਂ ਵਿਰੁਧ ਦਰਜ ਸ਼ਿਕਾਇਤ ਅਤੇ ਕਾਰਵਾਈ ਰੱਦ ਕਰ ਦਿਤੀ ਹੈ।
ਹੋਰ ਪੜ੍ਹੋ: ਫ਼ੈਸਲੇ ਦੀ ਘੜੀ ਆਈ: ਸੋਨੀਆ ਗਾਂਧੀ ਨੇ 20 ਜੂਨ ਨੂੰ ਕਾਂਗਰਸ ਨੇਤਾਵਾਂ ਨੂੰ ਦਿੱਲੀ ਸੱਦਿਆ
ਬੈਂਚ ਨੇ ਕਿਹਾ ਕਿ ਭਾਰਤ ਵਲੋਂ ਮਨਜ਼ੂਰ ਕੌਮਾਂਤਰੀ ਵਿਚੋਲਗੀ ਸਮਝੌਤਾ (International Orbital Award) ਦੇ ਅਨੁਰੂਪ, ਕੇਰਲ ਦੇ 2 ਮਛੇਰਿਆਂ ਦੇ ਕਤਲ ਮਾਮਲੇ ਵਿਚ ਇਤਾਲਵੀ ਸਮੁੰਦਰੀ ਫ਼ੌਜੀਆਂ ਮਾਸਿਮਿਲਾਨੋ ਲਾਤੋਰ ਅਤੇ ਸਲਵਾਤੋਰੋ ਗਿਰੋਨੇ ਵਿਰੁਧ ਅੱਗੇ ਦੀ ਜਾਂਚ ਇਟਲੀ ਗਣਰਾਜ ਵਿਚ ਕੀਤੀ ਜਾਵੇਗੀ।
ਅਦਾਲਤ ਨੇ ਕਿਹਾ ਕਿ ਇਟਲੀ ਗਣਰਾਜ ਵਲੋਂ 10 ਕਰੋੜ ਰੁਪਏ ਦਾ ਮੁਆਵਜ਼ਾ ਦਿਤਾ ਗਿਆ ਹੈ, ਜੋ ਢੁਕਵਾਂ ਅਤੇ ਪੂਰਾ ਹੈ।
ਹੋਰ ਪੜ੍ਹੋ: 1 ਕਰੋੜ ਦੀ ਜ਼ਮੀਨ ਦੇਣ ਵਾਲਾ ਖ਼ੁਦ ਕੋਰੋਨਾ ਦੀ ਬੁੱਕਲ ’ਚ
ਅਦਾਲਤ ਨੇ ਕਿਹਾ ਕਿ ਇਸ ਰਾਸ਼ੀ ’ਚੋਂ, ਕੇਰਲ (Kerala) ਦੇ ਦੋਵੇਂ ਮਛੇਰਿਆਂ ਦੇ ਪ੍ਰਵਾਰਾਂ ਦੇ ਨਾਮ 4-4 ਕਰੋੜ ਰੁਪਏ ਜਮ੍ਹਾ ਕਰਵਾਏ ਜਾਣ ਅਤੇ ਬਾਕੀ 2 ਕਰੋੜ ਕਿਸ਼ਤੀ ਮਾਲਕ ਨੂੰ ਦਿਤੇ ਜਾਣ। ਅਦਾਲਤ ਨੇ ਕਿਹਾ ਕਿ ਸੁਪਰੀਮ ਕੋਰਟ ਦੀ ਰਜਿਸਟਰੀ ਵਿਚ ਜਮ੍ਹਾ ਕਰਵਾਈ ਗਈ 10 ਕਰੋੜ ਰੁਪਏ ਦੀ ਰਾਸ਼ੀ ਕੇਰਲ ਹਾਈ ਕੋਰਟ (Kerala High Court) ਟਰਾਂਸਫ਼ਰ ਕੀਤੀ ਜਾਵੇ, ਜੋ ਦੋਵੇਂ ਮਛੇਰਿਆਂ ਦੇ ਪ੍ਰਵਾਰਾਂ ਦੇ ਨਾਮ 4-4 ਕਰੋੜ ਦੀ ਰਾਸ਼ੀ ਦਾ ਫ਼ਿਕਸਡ ਡਿਪਾਜ਼ਿਟ ਬਣਾਏਗਾ।
ਹੋਰ ਪੜ੍ਹੋ: ਗੁਰਦਵਾਰਾ ਸਾਹਿਬ ’ਚ ਸ਼੍ਰੋਮਣੀ ਕਮੇਟੀ ਦੇ ਮੁਲਾਜ਼ਮਾਂ ਦੀ ਕਰਤੂਤ ਨੇ ਕੀਤਾ ਸ਼ਰਮਸਾਰ
ਬੈਂਚ ਨੇ ਕਿਹਾ ਕਿ ਮਛੇਰਿਆਂ ਦੇ ਵਾਰਸ ਮੁਆਵਜ਼ੇ ਦੀ ਰਾਸ਼ੀ ਫ਼ਿਕਸਡ ਡਿਪਾਜ਼ਿਟ ਦੀ ਮਿਆਦ ਦੌਰਾਨ ਵਿਆਜ ਦੀ ਰਕਮ ਕੱਢ ਸਕਣਗੇ। ਦੱਸਣਯੋਗ ਹੈ ਕਿ ਫ਼ਰਵਰੀ 2012 ਵਿਚ ਭਾਰਤ ਨੇ ਦੋਸ਼ ਲਗਾਇਆ ਸੀ ਕਿ ਇਟਲੀ ਦੇ ਝੰਡੇ ਵਾਲੇ ਤੇਲ ਟੈਂਕਰ ਐਮ.ਵੀ. ਐਨਰਿਕਾ ਲੈਕਸੀ ’ਤੇ ਸਵਾਰ 2 ਸਮੁੰਦਰੀ ਫ਼ੌਜੀਆਂ ਨੇ ਭਾਰਤ ਦੇ ਵਿਸ਼ੇਸ਼ ਆਰਥਕ ਖੇਤਰ ਵਿਚ ਮੱਛੀ ਫੜ ਰਹੇ 2 ਭਾਰਤੀ ਮਛੇਰਿਆਂ (Indian fishermen) ਦੀ ਗੋਲੀ ਮਾਰ ਕੇ ਹਤਿਆ ਕਰ ਦਿਤੀ ਸੀ।