Rajasthan News : ਚਿੱਕੜ ਕਾਰਨ ਬੇਕਾਬੂ ਹੋਈ ਬੱਸ, ਸ਼ੀਸ਼ੇ ਤੋੜ ਕੇ ਬੱਸ ’ਚ ਬੈਠੇ ਬੱਚਿਆਂ ਨੂੰ ਕੱਢਿਆ ਬਾਹਰ
Rajasthan News : ਰਾਜਸਥਾਨ ਦੇ ਬਾਂਸਵਾੜਾ ਜ਼ਿਲ੍ਹੇ ਦੇ ਘਾਟੋਲ ਕਸਬੇ ਤੋਂ ਇੱਕ ਨਿੱਜੀ ਸਕੂਲ ਦੀ ਬੱਸ ਬੇਕਾਬੂ ਹੋ ਕੇ ਮਾਹੀ ਨਹਿਰ ’ਚ ਡਿੱਗ ਗਈ। ਜਿਸ ਕਾਰਨ ਬੱਸ 'ਚ ਬੈਠੇ ਕੁਝ ਬੱਚੇ ਜ਼ਖਮੀ ਹੋ ਗਏ। ਬੱਸ ਦੇ ਨਹਿਰ ਵਿਚ ਡਿੱਗਣ ਦੀ ਸੂਚਨਾ ਮਿਲਦਿਆਂ ਹੀ ਪਿੰਡ ਵਾਸੀਆਂ ਨੇ ਤੁਰੰਤ ਮੌਕੇ ’ਤੇ ਪਹੁੰਚ ਕੇ ਬੱਸ ਦੇ ਸ਼ੀਸ਼ੇ ਤੋੜ ਕੇ ਬੱਸ ਵਿਚ ਬੈਠੇ ਬੱਚਿਆਂ ਨੂੰ ਬਾਹਰ ਕੱਢਿਆ ਗਿਆ। ਸਕੂਲ ਦੀ ਬੱਸ ਭਾਰਦਵਾਜ ਸੀਨੀਅਰ ਸੈਕੰਡਰੀ ਸਕੂਲ ਦੀ ਦੱਸੀ ਜਾਂਦੀ ਹੈ। ਸਾਰੇ ਬੱਚਿਆਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ ਹੈ। ਖਬਰਾਂ ਮੁਤਾਬਕ ਕੁਝ ਬੱਚੇ ਜ਼ਖਮੀ ਵੀ ਹੋਏ ਹਨ। ਇਹ ਪੂਰੀ ਘਟਨਾ ਗ੍ਰਾਮ ਪੰਚਾਇਤ ਕੱੜਵਾ ਆਮਰੀ ਦੇ ਪਿੰਡ ਮਲਿਆਪਾੜਾ ਕੋਲ ਵਾਪਰੀ। ਬੱਸ ਇੱਥੋਂ ਬੱਚਿਆਂ ਨੂੰ ਲੈ ਕੇ ਸਕੂਲ ਜਾ ਰਹੀ ਸੀ।
ਇਹ ਵੀ ਪੜੋ:Jalandhar News : ਘਰ ਦੀ ਛੱਤ ਡਿੱਗਣ ਕਾਰਨ ਹੇਠਾਂ ਸੁੱਤੇ 4 ਬੱਚੇ ਹੋਏ ਜ਼ਖ਼ਮੀ, ਮਚਿਆ ਚੀਕ-ਚਿਹਾੜਾ
ਜਾਣਕਾਰੀ ਅਨੁਸਾਰ ਬੱਸ ਦਾ ਡਰਾਈਵਰ ਜੋ ਰੋਜ਼ ਬੱਚਿਆਂ ਨੂੰ ਲੈਣ ਲਈ ਲਗਾਤਾਰ ਆਉਂਦਾ ਸੀ ਅੱਜ ਉਹ ਛੁੱਟੀ 'ਤੇ ਸੀ ਅਤੇ ਉਸ ਦੀ ਥਾਂ 'ਤੇ ਇਕ ਹੋਰ ਡਰਾਈਵਰ ਨੂੰ ਭੇਜਿਆ ਗਿਆ। ਜੋ ਇਸ ਮਾਰਗ ਤੋਂ ਅਣਜਾਣ ਸੀ। ਸੜਕ ਕੱਚੀ ਹੋਣ ਕਾਰਨ ਉਹ ਬੇਕਾਬੂ ਹੋ ਕੇ ਨਹਿਰ ’ਚ ਜਾ ਡਿੱਗੀ। ਖੁਸ਼ਕਿਸਮਤੀ ਰਹੀ ਕਿ ਨਹਿਰ ਵਿੱਚ ਪਾਣੀ ਨਹੀਂ ਸੀ ਨਹੀਂ ਤਾਂ ਕੋਈ ਵੱਡਾ ਹਾਦਸਾ ਹੋਣ ਦਾ ਖਦਸ਼ਾ ਸੀ।
ਇਹ ਵੀ ਪੜੋ:Chandigarh News : ਚੰਡੀਗੜ੍ਹ ਦੀ ਬੁੜੈਲ ਜੇਲ੍ਹ 'ਚ ਕੈਦੀਆਂ ਦੇ ਦੋ ਧੜਿਆਂ 'ਚ ਝੜਪ, 7-8 ਕੈਦੀ ਜ਼ਖ਼ਮੀ
ਇਨ੍ਹਾਂ ਬੱਚਿਆਂ ਨੂੰ ਲੱਗੀਆਂ ਸੱਟਾਂ, ਸੁਸ਼ੀਲਾ ਪੁੱਤਰੀ ਜੈਤੀਲਾਲ ਵਾਸੀ ਚਡਲਾ, ਸੁਮਨ ਪੁੱਤਰੀ ਦਿਨੇਸ਼ ਵਾਸੀ ਚਡਲਾ, ਅਰਪਨਾ ਪੁੱਤਰੀ ਖੇਮਚੰਦ ਵਾਸੀ ਕਨੇਲਾ, ਲੋਕੇਸ਼ ਪੁੱਤਰੀ ਪੁਸ਼ਪੇਂਦਰ ਵਾਸੀ ਕਨੇਲਾ, ਚੰਦਾ ਪੁੱਤਰੀ ਮਾਨਸ਼ੰਕਰ ਵਾਸੀ ਕੜੂਆ ਆਮਰੀ, ਬਾਲਕ੍ਰਿਸ਼ਨ ਪੁੱਤਰ ਕੇਸਰੀਮਲ ਵਾਸੀ ਕਨੇਲਾ, ਬਲਕ੍ਰਿਸ਼ਨ ਪੁੱਤਰੀ ਕੇਸਰੀਮਲ ਵਾਸੀ ਕਨੇਲਾ ਅਤੇ ਅਰਵਿੰਦ ਪੁੱਤਰ ਸੰਜੇ ਜੰਬੂਈ ਨੂੰ ਜ਼ਿਆਦਾ ਸੱਟਾਂ ਲੱਗੀਆਂ ਹਨ। ਜਿਨ੍ਹਾਂ ਨੂੰ ਮਹਾਤਮਾ ਗਾਂਧੀ ਹਸਪਤਾਲ ਵਿਖੇ ਦਾਖਲ ਕਰਵਾਇਆ ਗਿਆ ਅਤੇ ਬਾਕੀ ਬਚੇ ਕੁਝ ਬੱਚਿਆਂ ਨੂੰ ਘਾਟੋਲ ਦੇ ਕਮਿਊਨਿਟੀ ਹੈਲਥ ਸੈਂਟਰ ਵਿਖੇ ਮੁੱਢਲੀ ਸਹਾਇਤਾ ਦਿੱਤੀ ਗਈ।
(For more news apart from School going bus accident with happened, overturned in canal, many children were injured News in Punjabi, stay tuned to Rozana Spokesman)
