ਚੋਣਾਂ ‘ਚ ਦੋਸ਼ ਲਗਾਉਣ ‘ਤੇ ਲੱਗਣ ਦਾ ਸਿਲਸਿਲਾ ਤਾਂ ਆਮ ਹੈ ਪਰ ਇਸ ਵਿਚ ਮੰਤਰੀਆਂ ਦੀ ਭਾਸ਼ਾ ਵੀ ਮਰਿਆਦਾ ਪਾਰ ਕਰਨ...
ਨਵੀਂ ਦਿੱਲੀ : ਚੋਣਾਂ ‘ਚ ਦੋਸ਼ ਲਗਾਉਣ ‘ਤੇ ਲੱਗਣ ਦਾ ਸਿਲਸਿਲਾ ਤਾਂ ਆਮ ਹੈ ਪਰ ਇਸ ਵਿਚ ਮੰਤਰੀਆਂ ਦੀ ਭਾਸ਼ਾ ਵੀ ਮਰਿਆਦਾ ਪਾਰ ਕਰਨ ਤੋਂ ਵੀ ਪਿਛੇ ਨਹੀਂ ਹਟ ਰਹੇ। ਤਾਜਾ ਮਾਮਲਾ ਕਰਨਾਟਕ ਦੇ ਸਾਬਕਾ ਬੀਜੇਪੀ ਵਿਧਾਇਕ ਰਾਜੂ ਕਾਗੇ ਦਾ ਵੀ ਸਾਹਮਣੇ ਆਇਆ ਹੈ ਜਿਨ੍ਹਾਂ ਨੇ ਮੁੱਖ ਮੰਤਰੀ ਐਚਡੀ ਕੁਮਾਰਸਵਾਮੀ ਦੇ ਵਿਰੁੱਧ ਬਿਆਨ ਦੇ ਕੇ ਨਵਾਂ ਵਿਵਾਦ ਖੜਾ ਕਰ ਦਿੱਤਾ ਹੈ।
Pm Modi
ਦਰਅਸਲ ਰਾਜੂ ਕਾਗੇ ਨੇ ਇਕ ਬਿਆਨ ਵਿਚ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਗੋਰੇ ਹਨ ਅਤੇ ਕੁਮਾਰ ਸਵਾਮੀ ਕਾਲੇ ਹਨ। ਉਨ੍ਹਾਂ ਨੇ ਤੰਜ ਕਸਦੇ ਹੋਏ ਕਿਹਾ ਕਿ ਸੀਐਮ ਦਿਨ ਵਿਚ 10 ਵਾਰ ਪਾਉਡਰ ਲਗਾਉਂਦੇ ਹਨ, ਦਿਨ ਵਿਚ 10 ਵਾਰ ਕੱਪੜੇ ਬਦਲਦੇ ਹਨ। ਜੇਕਰ ਉਹ ਦਿਨ ਵਿਚ 100 ਵਾਰ ਵੀ ਨਹਾ ਲੈਣ ਤਾਂ ਵੀ ਮੱਝ ਦੀ ਤਰ੍ਹਾਂ ਹੀ ਦਿਸਣਗੇ।
Kumar Swami
ਦੱਸ ਦਈਏ ਕਿ ਕੁਮਾਰ ਸਵਾਮੀ ਨੇ ਕਿਹਾ ਸੀ ਕਿ ਡੀਆ ਸਿਰਫ਼ ਨਰੇਂਦਰ ਮੋਦੀ ਨੂੰ ਦਿਖਾਉਂਦੀ ਹੈ ਕਿਉਂਕਿ ਇਹ ਕੈਮਰੇ ਦੇ ਸਾਹਮਣੇ ਆਉਣ ਤੋਂ ਪਹਿਲਾ ਮੇਕਅਪ ਕਰਦੇ ਹਨ। ਉਨ੍ਹਾਂ ਦੇ ਇਸੇ ਬਿਆਨ ‘ਤੇ ਭਾਜਪਾ ਨੇਤਾ ਨੇ ਪਲਟਵਾਰ ਕੀਤਾ ਹੈ। ਸੀਐਮ ਨੇ ਕਿਹਾ ਸੀ ਕਿ ਲੋਕਾਂ ਦੇ ਸਾਹਮਣੇ ਆਉਣ ਤੋਂ ਪਹਿਲਾਂ ਨਰੇਂਦਰ ਮੋਦੀ ਮੂੰਹ ਦੀ ਵੈਕਸਿੰਗ ਕਰਾਉਂਦੇ ਹਨ।
Raju Kage
ਜਿਸ ਨਾਲ ਕਿ ਉਨ੍ਹਾਂ ਦਾ ਮੂੰਹ ਵਧੀਆ ਦਿਖੇ, ਪਰ ਸਾਡੇ ਮਾਮਲੇ ਵਿਚ ਅਜਿਹਾ ਨਹੀਂ ਹੈ ਜੇਕਰ ਅਸੀਂ ਸਵੇਰੇ ਨਹਾਉਂਦੇ ਹਾਂ ਤਾਂ ਉਸ ਤੋਂ ਬਾਅਦ ਅਗਲੀ ਸਵੇਰ ਹੀ ਦੁਬਾਰਾ ਨਹਾਉਂਦੇ ਹਾਂ ਤੇ ਚਿਹਰਾ ਧੋਦੇ ਹਾਂ। ਸਾਡਾ ਮੂੰਹ ਕੈਮਰੇ ਦੇ ਸਾਹਮਣੇ ਵਧੀਆ ਨਹੀਂ ਲਗਦਾ ਹੈ ਇਸੇ ਲਈ ਮੀਡੀਆ ਦੇ ਸਾਡੇ ਦੋਸਤ ਵੀ ਸਾਡਾ ਮੂੰਹ ਦਿਖਾਉਣਾ ਪਸੰਦ ਨਹੀਂ ਕਰਦੇ ਹਨ, ਉਹ ਸਿਰਫ਼ ਨਰੇਂਦਰ ਮੋਦੀ ਨੂੰ ਦਿਖਾਉਂਦੇ ਹਨ।
