ਕਰਨਾਟਕ ਦੇ ਮੁੱਖ ਮੰਤਰੀ ਐਮ.ਐਮ.ਕੁਮਾਰਸਵਾਮੀ ਨੇ ਸ਼ੁੱਕਰਵਾਰ ਨੂੰ ਕਰਨਾਟਕ ਵਿਚ ਕਾਂਗਰਸ- ਜੇ.ਡੀ.ਐਸ ਗਠਜੋੜ ਸਰਕਾਰ ਦੇ ਭਵਿੱਖ ਬਾਰੇ ਬੋਲਦਿਆਂ
ਬੰਗਲੌਰ, ਕਰਨਾਟਕ ਦੇ ਮੁੱਖ ਮੰਤਰੀ ਐਮ.ਐਮ.ਕੁਮਾਰਸਵਾਮੀ ਨੇ ਸ਼ੁੱਕਰਵਾਰ ਨੂੰ ਕਰਨਾਟਕ ਵਿਚ ਕਾਂਗਰਸ- ਜੇ.ਡੀ.ਐਸ ਗਠਜੋੜ ਸਰਕਾਰ ਦੇ ਭਵਿੱਖ ਬਾਰੇ ਬੋਲਦਿਆਂ ਕਿਹਾ ਕਿ 2019 ਦੀਆਂ ਲੋਕ ਸਭਾ ਚੋਣਾਂ ਤਕ ਤਾਂ ਘੱਟੋ ਘੱਟ ਕੋਈ ਵੀ ਉਹਨਾਂ ਨੂੰ ਮੁੱਖ ਮੰਤਰੀ ਦੇ ਅਹੁਦੇ ਤੋਂ ਹਟਾ ਨਹੀਂ ਸਕਦਾ 'ਤੇ ਇਹ ਗੱਠਜੋੜ ਸਰਕਾਰ ਸਥਿਰਤਾ ਨਾਲ ਚਲਦੀ ਰਹੇਗੀ।
ਉਹਨਾਂ ਇਹ ਗੱਲ ਸਪੱਸਟ ਕਰ ਦਿਤੀ ਹੈ ਕਿ ਅਗਾਮੀ ਲੋਕ ਸਭਾ ਦੀਆਂ ਚੋਣਾਂ ਤੱਕ ਉਹ ਹੀ ਮੁੱਖ ਮੰਤਰੀ ਦੀ ਕੁਰਸੀ ਤੇ ਕਾਬਜ਼ ਰਹਿਣਗੇ। ਉਹਨਾਂ ਬੀਤੇ ਸੋਮਵਾਰ ਦਿੱਤੇ ਬਿਆਨਾਂ ਵਿਚ ਕਿਹਾ ਸੀ ਕਿ ਕਾਂਗਰਸ ਨੇ ਉਹਨਾਂ ਨੂੰ ਮੁੱਖ ਮੰਤਰੀ ਬਣਨ ਤੇ ਜ਼ੋਰ ਪਾਇਆ ਸੀ ਜਦਕਿ ਉਹਨਾਂ ਦੇ ਪਿਤਾ ਅਤੇ ਜਨਤਾ ਦਲ (ਐਸ) ਦੇ ਮੁਖੀ ਐਚ ਡੀ ਦੇਵਗੌੜਾ ਨੇ ਕਿਹਾ ਸੀ ਕਿ ਕੁਮਾਰਸਵਾਮੀ ਦੀ ਸਿਹਤ ਕਾਫ਼ੀ ਸਮੇਂ ਤੋਂ ਠੀਕ ਨਹੀ ਅਤੇ ਕਈ ਵਾਰ ਉਹਨਾਂ ਦਾ ਇਲਾਜ ਵੀ ਹੋ ਚੁੱਕਾ ਹੈ 'ਤੇ ਉਹ ਆਪਣੀ ਪਾਰਟੀ ਵਿਚੋਂ ਹੀ ਕਿਸੇ ਨੂੰ ਇਹ ਅਹੁਦਾ ਦੇ ਦੇਣ ਪਰ ਕਾਂਗਰਸ ਨੇ ਇਹ ਗੱਲ ਮਨਜੂਰ ਨਾ ਕਰਦੇ ਹੌਏ ਉਹਨਾਂ ਤੇ ਹੀ ਮੁੱਖ ਮੰਤਰੀ ਬਣਨ ਲਈ ਦਬਾਅ ਬਣਾਇਆ।
ਮੁੱਖ ਮੰਤਰੀ ਦੀ ਕੁਰਸੀ ਸੰਭਾਲਣ ਤੋਂ ਬਾਅਦ ਤੋਂ ਹੀ ਕੁਮਾਰਸਵਾਮੀ ਵਿਰੋਧੀ ਧਿਰ ਵਿਰੁਧ ਬਿਆਨ ਬਾਜੀ ਵਿਚ ਵੀ ਕਾਫ਼ੀ ਸਰਗਰਮ ਰਹੇ ਹਨ। ਕੁੱਝ ਸਮਾਂ ਪਹਿਲਾਂ (ਅਸੀ ਫਿਟ ਤਾਂ ਇੰਡਿਆ ਫਿਟ) ਦੇ ਤਹਿਤ ਵਿਰਾਟ ਕੋਹਲੀ ਦੇ ਫਿਟਨਸ ਚੈਲੇਂਜ ਨੂੰ ਸਵੀਕਾਰ ਕਰਦੇ ਹੌਏ ਨਰੇਂਦਰ ਮੋਦੀ ਨੇ ਟਵਿਟਰ ਉੱਤੇ ਇੱਕ ਵੀਡੀਓ ਜਾਰੀ ਕੀਤਾ ਸੀ। ਜਿਸ ਵਿੱਚ ਉਹ ਯੋਗ ਅਤੇ ਐਕਸਰਸਾਈਜ਼ ਕਰਦੇ ਦਿਖ ਰਹੇ ਹਨ।
ਉਹਨਾਂ ਨੇ ਅੱਗੇ ਇਹ ਫ਼ਿਟਨਸ ਚੈਲੇਂਜ ਕੁਮਾਰਸਵਾਮੀ ਨੂੰ ਵੀ ਦਿੱਤਾ ਸੀ ਇਸ ਚੈਲੇਂਜ ਦੇ ਜਬਾਵ ਵਿਚ ਕੁਮਾਰ ਸਵਾਮੀ ਨੇ ਮੋਦੀ ਨੂੰ ਉਹਨਾਂ ਦੀ ਸਿਹਤ ਦੀ ਚਿੱਤਾ ਕਰਨ ਲਈ ਧੰਨਵਾਦ ਕਰਦੇ ਹੌਏ ਕਿਹਾ ਕਿ ਉਹਨਾਂ ਨੂੰ ਆਪਣੇ ਨਾਲੋਂ ਆਪਣੇ ਰਾਜ ਦੇ ਵਿਕਾਸ ਦੇ ਫ਼ਿਟਨਸ ਦੀ ਜ਼ਿਆਦਾ ਚਿੰਤਾ ਹੈ।