ਸੈਲਫੀ ਲੈਣ ਦੇ ਚੱਕਰਾਂ 'ਚ ਆਪਸ ਚ ਭਿੜੇ ਸਮਰੱਥਕ

ਗੋਂਡਾ: ਉਤਰ ਪ੍ਰਦੇਸ਼ ਦੇ ਗੋਂਡਾ 'ਚ ਭਾਜਪਾ ਸੰਸਦ ਬ੍ਰਿਜ ਭੂਸ਼ਣ ਸ਼ਰਨ ਸਿੰਘ ਦੇ ਪ੍ਰੋਗਰਾਮ 'ਚ ਕਾਫੀ ਹੰਗਾਮਾ ਹੋਇਆ ਹੈ। ਸੈਲਫੀ ਲੈਣ ਦੇ ਚੱਕਰ 'ਚ ਦੋ ਸਮਰੱਥਕਾਂ 'ਚ ਝਗੜਾ ਹੋ ਗਿਆ। ਦੋਵਾਂ ਪਾਸਿਆਂ ਤੋਂ ਪਥਰਾਅ ਕਰਨ ਦੇ ਨਾਲ-ਨਾਲ ਇਕ ਦੂਜੇ 'ਤੇ ਕੁਰਸੀਆਂ ਵੀ ਸੁੱਟੀਆਂ ਗਈਆਂ, ਬ੍ਰਿਜ ਭੂਸ਼ਣ ਸ਼ਰਨ ਸਿੰਘ ਦੇ ਕਾਫਲੇ 'ਤੇ ਵੀ ਪਥਰਾਅ ਕੀਤਾ ਗਿਆ। ਹੰਗਾਮਾ ਵਧਦਾ ਦੇਖ ਕੇ ਸੁਰੱਖਿਆ ਕਰਮੀਆਂ ਨੇ ਸੰਸਦ ਮੈਂਬਰ ਨੂੰ ਉੱਥੋਂ ਬਚਾਇਆ ਅਤੇ ਬਾਹਰ ਲੈ ਗਏ। ਸੰਸਦ ਮੈਂਬਰ ਭਾਜਪਾ ਘੱਟ ਗਿਣਤੀ ਮੋਰਚਾ ਦੇ ਪ੍ਰੋਗਰਾਮ ਵਿਚ ਸ਼ਾਮਲ ਹੋਣ ਲਈ ਕਟੜਾ ਬਾਜ਼ਾਰ ਵਿਧਾਨ ਸਭਾ ਵਿੱਚ ਬਰਬ' ਪੁੱਜੇ ਸਨ। ਇਹ ਹੰਗਾਮਾ ਪ੍ਰੋਗਰਾਮ ਖਤਮ ਹੋਣ ਤੋਂ ਬਾਅਦ ਹੋਇਆ।

ਇਹ ਵੀ ਪੜ੍ਹੋ: ਸਥਾਨਕ ਸਰਕਾਰਾਂ ਵਿਭਾਗ ਵਿਚ ਨਵ-ਨਿਯੁਕਤ ਕਲਰਕਾਂ ਵਲੋਂ ਪਾਰਦਰਸ਼ੀ ਤੇ ਮੈਰਿਟ ਆਧਾਰ ਉਤੇ ਭਰਤੀ ਲਈ CM ਦੀ ਸ਼ਲਾਘਾ

ਸੰਸਦ ਮੈਂਬਰ ਬ੍ਰਿਜ ਭੂਸ਼ਣ ਸਿੰਘ ਨੇ ਕਿਹਾ, "ਮੁਸਲਿਮ ਭਾਈਚਾਰਾ ਵੱਡੀ ਗਿਣਤੀ 'ਚ ਭਾਜਪਾ 'ਚ ਸ਼ਾਮਲ ਹੋਣ ਜਾ ਰਿਹਾ ਹੈ। ਇਸ ਸਮੇਂ ਦੇਸ਼ 'ਚ ਮੋਦੀ ਦੀ ਲਹਿਰ ਹੈ। ਵਿਰੋਧੀ ਧਿਰ ਹਮੇਸ਼ਾ ਇਕਜੁੱਟ ਹੁੰਦੀ ਹੈ, ਪਰ ਦੇਸ਼ ਦੀ ਜਨਤਾ ਹਮੇਸ਼ਾ ਪੀ.ਐੱਮ ਮੋਦੀ ਦੇ ਨਾਲ ਹੈ।' ਮਹਿੰਗਾਈ ਦਾ ਕੋਈ ਅਸਰ ਦਿਖਾਈ ਨਹੀਂ ਦੇ ਰਿਹਾ। ਪ੍ਰਧਾਨ ਮੰਤਰੀ ਮੋਦੀ ਦੇ ਰੱਥ ਨੂੰ ਕੋਈ ਨਹੀਂ ਰੋਕ ਸਕਦਾ, ਕਿਉਂਕਿ ਉਨ੍ਹਾਂ ਦਾ ਰੱਥ ਜਨਤਾ ਚਲਾ ਰਹੀ ਹੈ। ਉਨ੍ਹਾਂ ਦੇ ਰੱਥ ਨੂੰ ਹਿੰਦੂ-ਮੁਸਲਿਮ, ਅਮੀਰ-ਗਰੀਬ ਮਿਲ ਕੇ ਚਲਾ ਰਹੇ ਹਨ।

ਇਹ ਵੀ ਪੜ੍ਹੋ: ਜਲੰਧਰ ਦੇ ਦਲ-ਬਦਲੂ ਮੇਜਰ ਸਿੰਘ ਨੂੰ ਝਟਕਾ, ਅਦਾਲਤ ਨੇ ਕੁੱਟਮਾਰ ਦੇ ਮਾਮਲੇ 'ਚ ਸਾਥੀਆਂ ਨੂੰ ਕੀਤਾ ਨਾਮਜ਼ਦ

2024 ਦੀਆਂ ਚੋਣਾਂ 'ਚ ਅਖਿਲੇਸ਼ ਯਾਦਵ ਅਤੇ ਅਰਵਿੰਦ ਕੇਜਰੀਵਾਲ ਇਕੱਠੇ ਹਨ, ਇਸ ਸਵਾਲ 'ਤੇ ਬ੍ਰਿਜ ਭੂਸ਼ਣ ਸਿੰਘ ਨੇ ਕਿਹਾ ਕਿ ਇਸ ਤੋਂ ਪਹਿਲਾਂ ਵੀ ਗਠਜੋੜ ਹੋ ਚੁੱਕੇ ਹਨ। ਨੇਤਾਵਾਂ ਦਾ ਗਠਜੋੜ ਹੈ, ਪਰ ਜਨਤਾ ਦਾ ਨਹੀਂ। ਪ੍ਰੋਗਰਾਮ ਵਿਚ ਪਹੁੰਚੇ ਇੱਕ ਨੌਜਵਾਨ ਨੇ ਕਿਹਾ, “ਪਿੰਡ ਵਿੱਚ ਹਰ ਕੋਈ ਸੰਸਦ ਮੈਂਬਰ ਨਾਲ ਫੋਟੋ ਖਿਚਵਾਉਣਾ ਚਾਹੁੰਦਾ ਸੀ। ਪ੍ਰੋਗਰਾਮ ਤੋਂ ਬਾਅਦ ਸਟੇਜ ਦੇ ਨੇੜੇ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ। ਅਸੀਂ ਪਿੱਛੇ ਰਹਿ ਗਏ। ਕਈ ਲੋਕ ਫੋਟੋਆਂ ਖਿੱਚਣ ਲਈ ਸਟੇਜ 'ਤੇ ਚੜ੍ਹ ਗਏ। ਜਿਸ ਤੋਂ ਬਾਅਦ ਦੋਵਾਂ ਧਿਰਾਂ ਵਿਚਾਲੇ ਹੱਥੋਪਾਈ ਹੋ ਗਈ।

ਇਸ ਤੋਂ ਬਾਅਦ ਪੂਰੇ ਸਮਾਗਮ ਵਾਲੀ ਥਾਂ 'ਤੇ ਭਗਦੜ ਮਚ ਗਈ। ਜਦੋਂ ਲੋਕ ਉਥੇ ਰੱਖੀਆਂ ਕੁਰਸੀਆਂ ਨੂੰ ਸੁੱਟਣ ਲੱਗੇ ਤਾਂ ਕਿਸੇ ਨੇ ਪੱਥਰ ਵੀ ਸੁੱਟਣੇ ਸ਼ੁਰੂ ਕਰ ਦਿਤੇ। ਸਾਰੇ ਲੋਕ ਬੜੀ ਮੁਸ਼ਕਲ ਨਾਲ ਉਥੋਂ ਬਚ ਨਿਕਲੇ ਹਨ। ਕਿਸੇ ਤਰ੍ਹਾਂ ਪੁਲਿਸ ਨੇ ਸੰਸਦ ਮੈਂਬਰ ਨੂੰ ਮੰਚ ਤੋਂ ਉਤਾਰਿਆ ਅਤੇ ਉਥੋ ਬਾਹਰ ਲੈ ਗਏ।