ਬਿਹਾਰ ਦੇ ਸਮਾਜ ਕਲਿਆਣ ਵਿਭਾਗ ਨੇ ਮੁੰਬਈ ਦੇ ਟਾਟਾ ਇੰਸਟੀਚਿਊਟ ਆਫ਼ ਸੋਸ਼ਲ ਸਾਇੰਸ (ਟੀਆਈਐਸਐਸ) ਵਲੋਂ ਸੌਂਪੀ ਗਈ ਉਸ ਸਮਾਜਿਕ ਰਿਪੋਰਟ ਨੂੰ ਅੱਜ ਜਨਤਕ ਕਰ ਦਿਤਾ...
ਪਟਨਾ : ਬਿਹਾਰ ਦੇ ਸਮਾਜ ਕਲਿਆਣ ਵਿਭਾਗ ਨੇ ਮੁੰਬਈ ਦੇ ਟਾਟਾ ਇੰਸਟੀਚਿਊਟ ਆਫ਼ ਸੋਸ਼ਲ ਸਾਇੰਸ (ਟੀਆਈਐਸਐਸ) ਵਲੋਂ ਸੌਂਪੀ ਗਈ ਉਸ ਸਮਾਜਿਕ ਰਿਪੋਰਟ ਨੂੰ ਅੱਜ ਜਨਤਕ ਕਰ ਦਿਤਾ, ਜਿਸ ਦੇ ਆਧਾਰ 'ਤੇ ਮੁਜ਼ੱਫਰਪੁਰ ਬੱਚੀ ਆਸਰਾ ਗ੍ਰਹਿ ਵਿਚ 34 ਲੜਕੀਆਂ ਦੇ ਯੌਨ ਸ਼ੋਸਣ ਦਾ ਮਾਮਲਾ ਸਾਹਮਣੇ ਆÎਇਆ। ਰਿਪੋਰਟ ਵਿਚ ਇਨ੍ਹਾਂ ਬਾਲ ਆਸਰਾ ਘਰਾਂ ਦੀ ਸਥਿਤੀ 'ਤੇ ਤੁਰਤ ਧਿਆਨ ਦੇਣ ਦੀ ਲੋੜ 'ਤੇ ਜ਼ੋਰ ਦਿਤਾ ਗਿਆ ਹੈ। ਸਮਾਜ ਕਲਿਆਣ ਵਿਭਾਗ ਨੇ ਇਹ ਰਿਪੋਰਟ ਵੈਬਸਾਈਟ 'ਤੇ ਪ੍ਰਕਾਸ਼ਤ ਕੀਤੀ ਹੈ।
Child Care Home
ਬੀਤੀ 27 ਅਪ੍ਰੈਲ ਨੂੰ ਸੌਂਪੀ ਗਈ ਚਾਰ ਭਾਗਾਂ ਦੀ ਇਸ ਰਿਪੋਰਟ ਵਿਚ ਮੁਜ਼ੱਫਰਪੁਰ ਜ਼ਿਲ੍ਹੇ ਵਿਚ ਸਵੈ ਸੇਵੀ ਸੰਗਠਨ ਸੇਵਾ ਸੰਕਲਪ ਅਤੇ ਵਿਕਾਸ ਕਮੇਟੀ ਵਲੋਂ ਚਲਾਏ ਜਾ ਰਹੇ ਬਾਲ ਆਸਰਾ ਗ੍ਰਹਿ ਦੇ ਨਾਲ ਹੀ ਸੂਬੇ ਵਿਚ ਚਲਾਏ ਜਾ ਰਹੇ ਕੁੱਲ 17 ਬਾਲ ਆਸਰਾ ਗ੍ਰਹਿ ਅਤੇ ਬਾਲ ਗ੍ਰਹਿ ਦੀ ਸਥਿਤੀ ਨੂੰ ਗੰਭੀਰ ਚਿੰਤਾ ਦਾ ਵਿਸ਼ਾ ਦਸਿਆ ਗਿਆ ਹੈ। ਰਿਪੋਰਟ ਵਿਚ ਮੁਜ਼ੱਫਰਪੁਰ ਬਾਲਿਕਾ ਆਸਰਾ ਗ੍ਰਹਿ ਦੇ ਨਾਲ ਹੀ ਮੋਤੀਹਾਰੀ ਵਿਚ 'ਨਿਰਦੇਸ਼' ਵਲੋਂ ਚਲਾਈ ਜਾ ਰਹੇ ਬਾਲ ਗ੍ਰਹਿ, ਭਾਗਲਪੁਰ ਵਿਚ 'ਰੂਪਮ ਪ੍ਰਗਤੀ ਸਮਾਜ ਕਮੇਟੀ' ਵਲੋਂ ਚਲਾਏ ਜਾ ਰਹੇ ਬਾਲ ਗ੍ਰਹਿ, ਮੁੰਗੇਰ ਵਿਚ 'ਪਨਾਹ' ਵਲੋਂ ਚਲਾਇਆ ਜਾ ਰਿਹਾ ਬਾਲ ਗ੍ਰਹਿ,
Protest Muzaffarpur
ਗਯਾ ਵਿਚ 'ਡੋਰਡ' ਵਲੋਂ ਚਲਾਇਆ ਜਾ ਰਿਹਾ ਬਾਲ ਗ੍ਰਹਿ, ਅਰਰੀਆ ਵਿਚ ਸਰਕਾਰ ਵਲੋਂ ਚਲਾਇਆ ਜਾ ਰਿਹਾ ਬਾਲ ਸੰਭਾਲ ਘਰ, ਪਟਨਾ ਵਿਚ ਇਕਾਈ ਵਲੋਂ ਚਲਾਇਆ ਜਾ ਰਿਹਾ ਛੋਟਾ ਘਰ, ਮੋਤੀਹਾਰੀ ਵਿਚ 'ਸਖ਼ੀ' ਵਲੋਂ ਚਲਾਇਆ ਜਾ ਰਿਹਾ ਛੋਟਾ ਘਰ ਦਾ ਵੀ ਲਿਆ ਗਿਆ ਹੈ। ਇਸ ਤੋਂ ਇਲਾਵਾ ਮੁੰਗੇਰ ਵਿਚ 'ਨੋਵੇਲਟੀ ਵੈਲਫੇਅਰ ਸੁਸਾਇਟੀ' ਵਲੋਂ ਚਲਾਇਆ ਜਾ ਰਿਹਾ ਹੈ ਛੋਟਾ ਘਰ, ਮਧੇਪੁਰਾ ਵਿਚ 'ਮਹਿਲਾ ਚੇਤਨਾ ਵਿਕਾਸ ਮੰਡਲ' ਵਲੋਂ ਚਲਾਇਆ ਜਾ ਰਿਹਾ ਆਸਰਾ ਘਰ, ਕੈਮੂਰ ਵਿਚ 'ਗ੍ਰਾਮ ਸੇਵਾ ਸਮਾਜ ਸੰਸਥਾ' ਵਲੋਂ ਚਲਾਇਆ ਜਾ ਰਿਹਾ ਛੋਟਾ ਘਰ,
Protest Muzaffarpur
ਮੁਜ਼ੱਫਰਪੁਰ ਵਿਚ ਓਮ ਸਾਈ ਫਾਉਂਡੇਸ਼ਨ ਵਲੋਂ ਚਲਾਇਆ ਜਾ ਰਿਹਾ ਸੇਵਾ ਕੁਟੀਰ, ਗਯਾ ਵਿਚ 'ਮੇਟਾ ਬੁੱਧਾ ਟਰੱਸਟ ਵਲੋਂ ਚਲਾਇਆ ਜਾ ਰਿਹਾ ਸੇਵਾ ਕੁਟੀਰ ਅਤੇ ਪਟਨਾ ਵਿਚ ਡਾਨਬੋਸਕੋ ਟੇਕ ਸੁਸਾਇਟੀ ਵਲੋਂ ਚਲਾਇਆ ਜਾ ਰਿਹਾ ਕੌਸ਼ਲ ਕੁਟੀਰ ਅਤੇ ਤਿੰਨ ਅਡੋਪਸ਼ਨ ਏਜੰਸੀ ਪਟਨਾ ਦੇ ਨਾਰੀ ਗੁੰਜਨ, ਮਧੂਬਨੀ ਦੇ ਰਵੇਸਕ ਅਤੇ ਕੈਮੂਰ ਦੇ ਗਿਆਨ ਭਾਰਤੀ ਦਾ ਵੀ ਜ਼ਿਕਰ ਕੀਤਾ ਗਿਆ ਹੈ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਇਨ੍ਹਾਂ ਸਥਾਨਾਂ 'ਤੇ ਤੁਰਤ ਧਿਆਨ ਦੇਣ ਦੀ ਲੋੜ ਹੈ।
