ਇਲਾਹਾਬਾਦ ਦੇ ਇਕ ਦੁਰਗਾ ਪੂਜਾ ਪੰਡਾਲ ‘ਚ ਮੰਗਲਵਾਲ ਰਾਤ ਨੂੰ ਬਦਮਾਸ਼ਾਂ ਨੇ ਵੱਡੀ ਵਾਰਦਾਤ ਨੂੰ ਅੰਜਾਮ ਦਿਤਾ ਹੈ...
ਇਲਾਹਾਬਾਦ (ਪੀਟੀਆਈ) : ਇਲਾਹਾਬਾਦ ਦੇ ਇਕ ਦੁਰਗਾ ਪੂਜਾ ਪੰਡਾਲ ‘ਚ ਮੰਗਲਵਾਲ ਰਾਤ ਨੂੰ ਬਦਮਾਸ਼ਾਂ ਨੇ ਵੱਡੀ ਵਾਰਦਾਤ ਨੂੰ ਅੰਜਾਮ ਦਿਤਾ ਹੈ। ਇਹ ਦੁਰਗਾ ਪੂਜਾ ਦੇ ਅਧੀਨ ਪੰਡਾਲ ‘ਤ ਕਾਫ਼ੀ ਭੀੜ ਸੀ। ਉਸੇ ਸਮੇਂ ਪਹੁੰਚੇ ਲਗਭਗ ਚਾਰ ਬਦਮਾਸ਼ਾ ਨੇ ਉਥੇ ਮੌਜੂਦ ਇਕ ਹਿਸ਼ਟ੍ਰੀਸ਼ੀਟਰ ‘ਤੇ ਅੰਨ੍ਹੇਵਾਹ ਗੋਲੀਆਂ ਚਲਾਈਆਂ ਅਤੇ ਉਸ ਨੂੰ ਮੌਤ ਦੇ ਘਾਟ ਉਤਾਰ ਦਿਤਾ। ਇਸ ਤੋਂ ਬਾਅਦ ਸਾਰੇ ਬਦਮਾਸ਼ ਆਸਾਨੀ ਨਾਲ ਫ਼ਰਾਰ ਹੋ ਗਏ। ਹਾਲਾਂਕਿ ਇਹ ਦੁਖਦਾਇਕ ਵਾਰਦਾਤ ਪੰਡਾਲ ‘ਚ ਲੱਗੇ ਸੀਸੀਟੀਵੀ ਕੈਮਰੇ ‘ਚ ਕੈਦ ਹੋ ਗਈ।
Durga Pooja
ਇਹ ਘਟਨਾ ਮੰਗਲਵਾਰ ਰਾਤ ਨੂੰ ਇਲਾਹਾਬਾਦ ਦੇ ਕੈਂਟ ਖੇਤਰ ਵਿਚ ਆਯੋਜਿਤ ਇਕ ਦੁਰਗਾ ਪੂਜਾ ਪ੍ਰੋਗਰਾਮ ਅਧੀਨ ਹੋਈ। ਇਥੇ ਦੁਰਗਾ ਪੂਜਾ ਲਈ ਲੋਕਾਂ ਦੀ ਭੀੜ ਲੱਗੀ ਹੋਈ ਸੀ। ਇਸ ਪੰਡਾਲ ਵਿਚ ਹੀ ਹਿਸ਼ਟ੍ਰੀਸ਼ੀਟਰ ਨੀਰਜ਼ ਬਾਲਮਿਕੀ ਵੀ ਮੌਜੂਦ ਸੀ ਦੱਸਿਆ ਜਾ ਰਿਹਾ ਹੈਕਿ ਉਸ ਨੇ ਖੇਤਰ ‘ਚ ਕਈਂ ਵਾਰਦਾਤਾਂ ਨੂੰ ਅੰਜਾਮ ਦਿਤਾ ਹੈ। ਉਹ ਕੈਂਟ ‘ਚ ਹੀ ਅਪਣੇ ਸਹੁਰੇ ਘਰ ਰਹਿ ਰਿਹਾ ਸੀ। ਇਲਾਹਾਬਾਦ ਦੇ ਰੇਡੀਓ ਸਟੇਸ਼ਨ ਚੌਰਾਹੇ ਦੇ ਕੋਲ ਦੁਰਗਾ ਪੂਜਾ ਦਾ ਆਯੋਜਨ ਕੀਤਾ ਗਿਆ ਸੀ। ਨੀਰਜ਼ ਦੇ ਪਰਿਵਾਰ ਵਾਲਿਆਂ ਨੇ ਦੱਸਿਆ ਕਿ ਮੰਗਲਵਾਰ ਰਾਤ ਨੂੰ ਨੀਰਜ਼ ਵੀ ਉਸੇ ਪੰਡਾਲ ਵਿਚ ਦੁਰਗਾ ਪੂਜੇ ਦੇ ਅਧੀਨ ਫੂਡ ਕਾਰਨਰ ਦੇ ਬਾਹਰ ਬੈਠਾ ਸੀ।
Allahbad Murder Case
ਸੀਸੀਟੀਵੀ ਫੁਟੇਜ਼ ‘ਚ ਵੀ ਸਾਫ਼ ਦੇਖਿਆ ਜਾ ਸਕਦਾ ਹੈ। ਕਿ ਇਸ ਅਧੀਨ ਉਸਦੇ ਕੋਲ ਚਾਰ ਲੋਕ ਆਏ। ਉਹਨਾਂ ਵਿਚੋਂ ਇਕ ਨੌਜਵਾਨ ਨਿਰਜ਼ ਕੋਲ ਪਹੁੰਚਿਆ ਅਤੇ 3 ਦੂਰ ਖੜ੍ਹੇ ਰਹੇ। ਇਸ ਅਧੀਨ ਇਹਨਾਂ ਚਾਰਾਂ ਬਦਮਾਸ਼ਾ ਨੇ ਫਾਇਰਿੰਗ ਸ਼ੁਰੂ ਕਰ ਦਿਤੀ। ਉਹਨਾਂ ਨੇ ਉਸ ਉਤੇ ਬੰਬ ਵੀ ਸੁੱਟਿਆ। ਦੁਰਗਾ ਪੰਡਾਲ ‘ਚ ਸਰੇਆਮ ਇਸ ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਸਾਰੇ ਬਦਮਾਸ਼ ਕੈਂਟ ਖੇਤਰ ਵੱਲ ਫ਼ਰਾਰ ਹੋ ਗਏ। ਪੰਡਾਲ ‘ਚ ਮੌਜੂਦ ਲੋਕਾਂ ਨੇ ਨੀਰਜ਼ ਨੂੰ ਨਜ਼ਦੀਕੀ ਹਸਪਤਾਲ ਵਿਚ ਪਹੁੰਚਾਇਆ। ਉਥੇ ਉਸ ਨੂੰ ਐਸਆਰਐਨ ਰੇਫ਼ਰ ਕਰ ਦਿਤਾ ਗਿਆ ਹੈ।
Murder case
ਪਰ ਉਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨਿਆ ਹੈ। ਘਟਨਾ ਦੀ ਸੂਚਨਾ ‘ਤੇ ਐਸਐਸਪੀ ਅਤੇ ਐਸਪੀ ਸਿਟੀ ਨੇ ਵੀ ਹਸਪਤਾਲ ਪਹੁੰਚ ਕੇ ਨੀਰਜ਼ ਦੇ ਪਰਿਵਾਰ ਨਾਲ ਮੁਲਾਕਾਤ ਕੀਤੀ। ਪਰਿਵਾਰ ਵਾਲਿਆਂ ਨੇ ਉਹਨਾਂ ਦੋਸ਼ੀਆਂ ਦੇ ਖ਼ਿਲਾਫ਼ ਮਾਮਲਾ ਦਰਜ਼ ਕਰਵਾ ਦਿਤਾ ਹੈ।
